Erko Erkampakko Yohannise Paayyotatte
Inthawte
Ho Erku Paayyotatte tooxi miʼaye Zeptiyoose erkampakko Yohannise (Mar. 1:19-20). Erkuusi olho lakki maallakki atooxi. Ho payyotatte he nappapa Haallikkopa Miʼaye Huusu Iyyesus Kristoose qale qhamu toʼokunko sheeghessa qhamu arre kodhenu. Ho laankay kollinkossi aayya payana maghno hu okayi toʼokunkossi aqhaatʼe qale asheeghina haqti qhooti kodhdhi maallay miʼaye Haallikkito Iyyesus Kristoose moʼokakki payni qhamo qhawhito sakanko urkuye taakki kʼalpe qhawhunkito sheeghe ye alkasninna kaalla qhamu he tiqthanne kodhenu. Kollisampawhissa aayyay hasi payeppa isi kollisa: “Dhinko payyo qaako piyyinanu rakkadhate hasa lighe”, holuppa ippayana: “Koro illay ille qale qaakekka ikkodhdha koro pile cʼikadhe dhinko illay olho illa hxafasa ye qaghi.” Moʼo maallay payni dhinkoosi an farri tupetakki an tayannekki payeppa isi kollisa. Tooxampakkukka kollinkussaasi toorettay Iyyesus Kristoose qhamu dhuke qhawho dhappitte thoʼotekka yena qaghti Miʼaaye Haallikkito kodhdhipa he Uso dhukkaysadhapa isi Haallikkoosi cʼikadha kaasay ille cʼikadhe usundhe gheqasa payettay husiisi kollisuy.
Olho Matʼaafi Ghapadhi
Inthawte 1:1-4
Hammakopa thukkanko 1:5-2:29
Miʼaadhe Haallikkitopa he Seetʼanay 3:1-24
Dhukepa aayya 4:1-6
Olho cʼikno kodhe gheeqasi 4:7-21
Dhukkaysadhe putay 5:1-21