Maghnito Karo Haallikkito Hole
4
Qhipaththtopa paxakusa hunena kittatte qaghay he ahanu okaye?
Yokkuntessi maghay qawni qawni hunena kittatte qaghay ille qhipanna haqati qandhi?
2 Agheeqanku naqharray hunina hxafte maallay isa qhawho poghanku,
uuma yookte naqharray huni tayte,
aʼille paaxanku isa qhipamankukka;
huni ghissatte maallay ye hune kodhdhamadhi.
3 Aghghisadhanku kapay huni akkatte,
moʼo malla payni he hxaseesenu pattakka payteppa isa maghnottay ghissadhanku.
4 Hune he mammasaa maghno piyyinna cʼikadhe qhamu Haallikko qale parakarunte kodhdhisa huni arte?
Hussa maallay qhawho maghno piyyinna cʼikadha kaasay parakara Haallikkito ikkodhdhi payyo.
5 Ata kati,
hossi matʼaafadhdhec payenna Nassossi Haallikko ine kitta xawadhi qhama usoosi qaaknaaninnu uumi yooki,b
ho lathuki kodhdhi payyo?
6 Naqharray Haallikko teexakko huususi innaqisnapa ine teexu,
matʼaafekka hussa maallakki payenna “Haallikko peppolawheesi ishikka,
thoodhittonu kapay teexakosikki teexid.”
7 Hussa maallay Haalikkonu eeʼe paya,
Orriththoosi kapay hela iishindha usokka ihhune qharay ghorannayee.
8 Haallikko kula iʼtʼtʼuya Usokka ihhune kula itʼtʼuynaye.
Hune cʼuppolawhe,
xarghe haahundhiisi alheesindha,
hune he dhihadhe lakkitta ashsha saqqe haahundhi gharsadha.
9 Qhoota kodhmo haahundhi magha maallay he ghadhindha,
asana,
ooyonkukka;
kishshaqko haahundhi karo asanatte,
hxaso haahundhikka karo dhahxhxeete iʼoohama.
10 Haallikko miinta he takoosa,
Uso qila ihune paasniye.
11 Koro haayyu,
olo ille xashshe,
qhawho qhawho tokkoosi xashsha taakki hona qhaqhitte qhaqha kaasay hikkeemi maghno qalladhipa isi na qhaqhitte qhaqha.
Hikkeema qhaqhitte qhaqhti payni ato ho qhaqhitte qhaqha dhiishoy ho hikkeesi kodha qandhikka.
12 Ho hikke teexapa isi qhaqhitte qhaqha Haallikko patta,
Uso dhinisepa poghesikka iʼalkasa.
Naqharray atho yaxa,
qhawho tokkooma qhaqhitte qhaqha?
Dhihamte Aqhoota He Paseesatte Teexi
13 Hune he payana:
“Kuyyu taakki qhayna kathama pile kulakki an ashshinaanippa hamakka perko tookko oladhaani,
nakatadhanippa thirfe tayadhani” appaqhasindha!
14 Olho qhayna kodhdhamannasi kakki hune artte.
Ata qagho haahundhi moʼo?
Qhamo anfo hantu ximpadhapa haani isi pati kula.
15 Hussana kanta hassa paye hune gheeqasa:
“Woʼo Haallikkito kodhdhipa isa qaghani payyni,
husiisi taakki hussaasi an konnaani.”
16 Naqharray hune hasa payeete kaanta peeppo haahundhitakki ahhe paseste,
paseste hasa ligha kaasay maghno.
17 Lammi qhawho olho xeesa kodhe arapa isi ye kodhi cʼuppo kodhi payyo.