Erko Erkampakko Pawloose Lankay Tʼimothoosenu
Inthawte
Pawloose xinkesi hxoxhno manne shappeetena qagha kitteema a’uso shapipa farteema itʼtʼuyunaki erku laankay Tʼimothoosenu tooxi. Erku ho dhihamtesi Pawloose hossi uso qale kodhadhapa isi uso kʼarkʼara Tʼimothoosenu teexisikki ghapadhi. Karo ghulattay xeere rakkitona qhamu dhuupanipa dhikite alkasunnu. Paanike Atʼimothoosenu teexi (4:6) qhamu qhoota Iyyesus Kristoose dhukkaysathamettay qallinipa Kʼaalesi Ote xeesanapa kollinko Katape Paʼatateesikka pareema ghapadhuppa rakkopa thoorakko inna naqakka payni kolisepa ote xeesa qallettay kokisadhunu.
Karo ghula Tʼimothoose thamakadhe lathu qeepuntettay akodhina kalla qhamu he tiqaninukki aʼuso kokkisi, moʼo maalla payni olho hasa ligha he apaqhasaasi patise malttay olhu koro pakiri yeqaghi.
Tʼimothoose oli kaasattay hu hela thaaye gheeqasi qagho Pawloosepa qaako huusu, karo ghula dhukkaysadhepa dhuupaytepa cʼiknopa dhikite thuusu pana rakko ghoghoramettay usoma hxafisi qhamu lighno konnipa eemadhonu.
Olho Matʼaafi Illeema Ghapadhi
Inthawte 1:1-2
Dhihamte Atʼimothoosenu teexi 1:3-2:13
Xeere marmadhattena dhukkaysatame 2:14-3:17
Paaninke olho Pawloose Tʼimoothosenu arasi 4:1-18
Dhikkate 4:19-22