Erko Erkampakko Pawloose Payyotatte Tʼimothoosenu
Inthawte
Ponkorissa ana payi Tʼimothoose dhaladhe thuusuttay uso qhawho piyye Iisiyanna, yaaye thuusu Ayhudhitte, paappo huusu qhawho piyye Krikattena. Uso ho Pawlooseesi kodhmo Wonkelattettay kʼaarkʼaara, erku payyottatte Pawloose Tʼimothoosenu tooxi, olho isexki paarema qalli.
Erku olho kaasanna hu inthoosi isi qalla kolinkossi aayya manne thoʼokunko koro dhukkaysadhana kittatte haqina qhama he thiqtaninu, kollinko qhawthitusakka karo tookkottay ho koro Ayhudhattena, karo tookkottay ho dhihadhe koro Ayihudhatte ye kodhdhuna. Kolinkusakka ho iyyana: qhaatʼe qhooti cʼupottay lokmadhe maallay dhinko hu tayame alkasni arno uuma bhadhdhamipa yiʼo tookko tookkopa ille akkeete kalla he pankadhettay.
Nakalakka qhoota manne thoʼokunko koro dhukkaysadhana rafisepa Haallikkoosi qhamu mala kaanase gheeqasi holuppa inthawampawhe manne thoʼokunko koro dhukkaysadhana he inthawampawhe kʼarkʼara qhamu kʼalpe mala ligha sheeghe gheeqastikki ghapadhi.
Dhikkatatekka Tʼimothoose qhamu mala kodhampakko Iyyesus Kristoose xeesa kodhdhe uso gheeqastipa koro qawni qawni manne thoʼokunko koro dhukkaysadhana kittatte qaghaasi qhamu kokisninukki Pawloose usosi waanunko teexi.
Olho Matʼaafi Illa Ghapadhi
Inthawte 1:1-2
Qhoota manne thoʼokunko koro dhukkaysadhapa kodhampawhe hiisi 1:3-3:16
Dhihamte aqhoota kodhmito Tʼimothoosenu teexi 4:1-6:21