Erko Erkampakko Pawloose Lankay Koro Kathama Theselonkʼennu
Inthawte
Kasqo qhoota lanka okaye Iyyesus Kristoose kaaʼitha haqi maallay paqhato dhaladhi. Rakkossi manne thoʼokunko koro dhukkaysadha kathama Theselonkʼenna qaghakka uuma naquy. Pawloose erkko lankay ikkoro Theselonkʼennu tooxi qhoota kollisampawhe aayyay payana okaaye Kristoose iʼitʼtʼuyti maallay thorrisa huusundhi qhamu aayya kodhdheppa Kristoose laanka ye holunna qharreʼitha Qhawhossi Maghnito, hossi Kristoose toorattay piyye qhaatʼema maghnopa rakko qhamu naqnisakki Pawloose holi isi usundheesi dhihama.
Pawloose koro nappapa rakkopa qootʼo inna naqakakki payni dhukkaysadhe thuusundhittay qhamu dhikitneppa kodhmossi Pawlooseppa hessi uso qale qagha kodhadhe kula usundhekka olho qaako huusundhinu gheeqasasi qhamu kokkisaneppa kodhadhonkinnu. Holuppa kodhmo xeesa qhamu dhikitnottay konnenukki uuma kokkisipa isi usundhe dhihama.
Olho Matʼaafi Illa Ghapadhi
Inthawte 1:1-2
Kalathapa dhihamte 1:3-12
Kollinkossi aqhoota okaye lankay Kristoose kaaʼitha ateexi 2:1-17
Dhihamte qhoota qaako kristaanikito 3:1-15
Dhikkatte 3:16-18