Erko Erkampakko Pawloose Payyotatte Koro Kathama Theselonkʼennu
Inthawte
Theselonkʼe kathama dhamma piyyessi Mekʼodhoniya rafise Roomenna kaalla qaghanna. Pawloose piyye Filipisiyoosesikki hela hxuri tupetakki manne toʼokunko koro dhukkaysadha Theselonkʼeesi ghupadhi. Ikkodhdhitama kapay korossi ye koro Ayhudhatte kodhdhu dhukkaysadhe koro Ayhudhattena dhukkaysadhenu woʼa qhooti wonkele Pawloose kollisittay dhukkaysadhi maallay korossi Ayhudhatte iyyokipa Pawlo osema paqhto haqisuy. Hussa maallay Pawloose kathama Theselonkʼesi ihhela hxuripa karo kathama Peeriya kula ashshenu kittuyamu. Iʼokkoto olladhdhipa kathama Kʼoronthoosenna hxafonna Tʼimothiyoosessi kodhmoottay uso kʼarkʼara karo kathama Theselonkʼe kula ashshikki haahanu holipa qhoota olho manne toʼokunko koro dhukkaysadhana qagha kaaʼitha nu thuruyuy.
Pawloose hu erko payyootatteesi koro Theselonkʼennu tooxi koro dhukkaysadha qhamu kokisanipa dhiktunnu. Dhukkaysadhepa cʼikno huusundhi kaaiʼtha olho xeesa qhooti apaqhi maallay Haallikkoosikki kalataysadhi. Pawloose xeeresi usundhe qale qaghina qagho mala lighattay qhamu usundhe qale qaakisa inna thaaysi, nakalakka kasqo qhoota laanka okaye Kristoose kaaʼitha haqinukki malse holasi. Kasqidhissa haqenna kittatte tookko tookko ho paya; “Qhawho dhukkaysadhi Kristoose laanka ye holunna qharaʼitha fari payni qaghossi perre ye hume sheeghenna laanka hole Kristoosettay tayamaasi ittayanna? Kristoose parakki laanka okayni?” Pawloosekka qhamu laanka okaaye Kristoosesi kippotay tiqthaneppa haaki kuyyaqkussa okayni saasa qhamu kʼampayneppa kodhathadhanukki usundhe dhihami.
Olho Matʼaafi Illa Ghapadhi
Inthawte 1:1
Kalathapa hxaso Pawloose 1:2-3:13
Koro dhukkaysadha qhamu mala qaake gheeqasi 4:1-12
Kolinko qhoota laanka okay Kristoose 4:13-5:11
Dhihamte dhikkatatte 5:12-22
Dhikkatte 5:23-28