Erko Erkampakko Pawloose Koro Kathama Kʼolasiyaasennu
Inthawte
Erku ho anu tooxi mannesi kritaanay katamassi Kʼolasiyaase katama Efeoonenna karo oqhqhaye lighana kula qaghanu, mannesa kristanaasi ho shikarashi Ippawloose kodhdhe hxurakkakki payni qhooti katama Efesoonessa kodhdhipa isi erkampawhe eraka maally ghulno inna sheeghi, Pawloose kollisampawhe ayya payana: “Haallikko arenuppa dhinko dhukatte tayadhenu qhawho kaasa humundhdhepa ghulindhdhe nassawnkitonu sakatadhe gheeqasa, holuppa qhawho kaasa tampadhessi qhamo karrasamatte kula qaghanu eeʼe payepa tampadhdhe yiʼitopa pilawheesikka tiqithadhe gheeqasa” qhamu manne kristaana Kʼolasiyaasenna qaghesa iʼapaqhi.
Husanu ho erkuusi tooxi Pawloose erko kristaankito dhukateesi itʼtʼoosettay: “Iyyesus Kristoose dhinko dhukatteesi itteexa, naqharray dhukkaysadhe pile pilepa kodhmussa qawni qawni ho dhinku dhukatena koro sikaaposaki payi.” Haallikko Kristoosetaki qhaatʼe ummi, uso kakori ihhollapa karo huusu okaaso, qhaatʼe hu kippo dhinkito tayanne Iyyesuseesi saqakottay dhukkaysadhetta patta. Hussana haqti Pawloose kollinku dhammattay koro dhukkaysadha qhamu mala qaake usundhe gheeqastisakki hiʼaasi. Ho erkuusi Pawloosena akkipa karo Kʼolasiyaase dhaghghapoosenu erkamu Tikikoose qale hona qale qagha Onosimoose qhamu kodhisakki hiʼaasi, Pawloose qhoota aylithossi Onosimoose anapayi kaaʼitha Filmoonanu erko pile ittooxi.
Olho Matʼaafu Illa Ghapadhi
Inthawte 1: 1-8
Qhoota dhihadhe Kristooseppa kodhmo huusu 1:9-2:19
Qagho qhawthitto Kristoosettay thayama 2:20-4:6
Dhikkatte 4:7-18