Erko Erkampakko Pawloose Thithonu
Inthawte
Pawloose erkuusi Thithonukki tooxi, Thithokka ho koro ye koro Ayhudhatte kodhdhunu karo kristaanunkito kula holipa isi Pawloosesi kodhmo wonkelattettay kʼarkʼara kodhampakko wonkelatte. Xeerisana uso ponkorito, naqharray piyye Kʼertʼeesenakki qaghipa isi mannadhdhe kristaanasi rafisa. Piyye Kʼertʼeesekka the pasito qhorramiti qhooti kodhdhipa koro piyisana qaakakka koro pileete kalla sikapuyonkippa isi qaaka maallay perre katape qhawthitattena piyyisana xarkishanko dhamaki qagha. Koro piyyisana ayyampolawhe, aaghe maghuumapa karqitholawhe heye kodhathadhe woʼe (1:12). Xinkisana Pawuloose ikkaro piyye Roome kula paso iththa markapettay ashshanakki pinpe nahaqatpa minte iththa ashshe nakohxippa piyye Kʼertʼeesesa shikkarenu kittuyamonki, husana haqatiki koro piyyisanu wonkele thorruyu (Erk. 27: 7-15). Erku olho isexki pareema qalli.
Payyotatte inthawampawhe manne kristaana piyye Kʼertʼeesenna qagha kʼalpe hxarikishamti koro Kʼertʼesena haqti kʼalpe mala ligha qhamu sheeghe usundhe gheeqasitisaki Thithonu qalli. Lankana muuradhdhe manne kristaananna kittatte qagha, koro bhahxi tʼireepa xiske, holuppa ponkorrepa ayiladhdheesi qhamu mala kollise uso gheeqastisaki Thithosi dhihaami. Dhikkattattekka kʼalpe kristaanunkitottay, karo ghula nakayihopa cʼiknottay qaake holuppa manne kristaananna kittatte ille tamakadhepa ille reehe patise kaaʼithaki Thithonu dhihamte teexi.
Olho Matʼaafi Illa Ghapadhi
Inthawte 1:1-4
Inthawampawhe manne kristaananna 1:5-16
Kodhmo muuradhdhe manne kristaananna kittatte qaghanu aqhooti 2:1-15
Dhihamtepa dhikkatte 3:1-11
Dhikkatte 3:12-15