Olho Qagho Kʼulkʼulinkitonu Gheeqasa
3
Lammi Kristoose qale affarttatte haqate payni;
olhossi ghuta xayto Kristoose Haallikkito miskito kaaqila qakadhina qaghaasi gheeqa.
2 Olhossi ghuta qaghaasi dhihadhindha dhiishoy ho piyyateesi olo dhihadhe.
3 Affarriteppa qagho haahundhikka Kristoose qale Haallikko kaapeema bhadhdhamuye,
4 Kristoosessi qagho haahundhi kodhdhi xeeri armadhina hunekka Uso qale akkanastettay armadhinte.
5 Hussa maallay dharraʼo hahundhi piyyateesi hela patisa;
usundhisakka palakuntepa lokmepa he thiqadhe malalepapa yokuntte maghapa yuyuʼunte.
Yuyuʼunte payyo killanko kaanase.
6 Miira Haallikkitokka usundhissa maallakki koro ye eeʼe payesa okayni,
7 hunekka xayna qharraʼita qagho hasa lighatakka qaakteppa isa olissaasi kodhanku.
8 Xayi tupettay miirapa ghithanepa dhaghistopa hxashato pana qalliithe koro palamisa lighooma kaasasi hela pathisa.
9 Dhihadhe paʼattesi kodhmo hiisi illay qhoota yukteppa kʼurankunu olo illa aayya qalladhe.
10 Hantu kapay dhihadhesi qhamu Uumampakko hiisi lighintinu arnottay qhawthumaasikki aqhamo laallatte urkuyte;
11 onke hasa lighattay krikittopa ayhudhitto,
ho karrasamipa hoye karrasamu,
koro ye koolikko sheeghipa dhohmawhe,
aylithopa pogholhoto kittatte ille reehe ye qaghe;
naqharray Kristoose olho kaasana,
ho kaasattay.
12 Lammi hune he kʼulkʼullawteppa cʼikathamonku he Haallikko hune qholadhi qhoota kodhite maallay ille qhararsadhepa horxuntepa laaluntepa xeesno pana dhupaythe urkuya;
13 pukkaqatte pukkaqatte ille dhuupadha,
hunena kittate qhawho tooko qhawho tookooma homma ghapadhi payni illa hxura,
qhamu Pogholho hunne hxuri kula hunekka koro pilenu hxura.
14 Hisi kaasasa cʼiknossi olho kaasasi toʼokunkottay pareema illa shapaasi urkuya.
15 Nakayhossi Kristoose aqhqhamo pishko toʼoko kula kodhdhiteppa nu oqamanku issaqqe haahundhisa poghluma;
he kalathaysadhakka kodhdhanku.
16 Kʼaale Kristoose hoqhunkottay ihhunena kiththatte qaghti;
pukkaqatte pukkaqatte arnane kaasattay ille kollisapa ille dhihamanku;
qhalitakkopa kole pana qhaallithakko nassawinkitottay kaanasapa saqakottay Haallikkonu qhalladhanku.
17 Uso kakkoru Haallikko Paaponu kalatha isa itʼtʼosankuppa qalithettakka ikkodhdha kodhmottay olho akkotte kaasaasi makaxko Pogholho Iyyesusettay kodha.
Qaako Ahxkke Dhukaysadhana
18 Hune xiske,
tʼiire thaahundhinu eeʼe paya husi olho Pogholhito kaanta gheeqasaye.
19 Hune tʼiire,
xiske haahundhiisi cʼikadhindhama olona he maghooma kodhdhe.
20 Hune dhelle,
olho kaasattay ahxkkadhe haahundhinu eeʼe paya,
husi olho Pogholho hxaseesaye.
21 Hune apadhdhe dhelle haahundhi qhamu ye kippo ghoxnennu olo miirese.
22 Hune ayiladhdhe,
qhawho hxaseesepa he hiʼaasenu ye kodhdhuna saqqe dhukatettay Pogholho ghaapettay poghuladhdhe haahundhi hassa payyatenu olo kaasattay eʼee paya.
23 Olha kotte kaasay qhawhonu ye kodhdhuna qhama Pogholhonu kottesa dhihadhindhapa hxasottay kodhanku,
24 moʼo maalla payni Pogholho ghapata moontitoosi hxaaye qhamu konnipa hune teexusa aʼarankuyye,
ho annu kodhatekka Pogholho Kristoosenu.
25 Haallikkito kaanta lighghathe ye qaghti,
hussa maallay qhawho maghno kodha kodhmo huusu maghana maghno inna tayanni.