Farttatte Haqe Kristoose
15
Koro haayyu!
hantukka kʼaalesi wonkelatte an hune kollisipa yela akkadhankuppa dhiikitankuppa shikaarankutakki an hunena thaayise woʼi,
2 Kʼaalessi wenkelatte an hune thorruyisiki akkokisteppa ghapadhanku payni,
Kʼaalissa wonkelattettay adhdhinnaku;
hasakki ye kodhdhu payni dhukkaysadhe thaahundhi the lathu.
3 Hossi olho kaasanna ghula an akkadhi hunesikka likkaspa teexa hussakka qhamu Matʼaaffe Kʼulkʼullawhe paye kula Kristoose qhoota cʼuppo haani mallakki fari,
4 maayamu,
qhamossi Matʼaaffe Kʼulkʼullawheema tooxamti kula kuyyaqako isxanna fartatte haqu.
5 Nakala Petʼiroosenu armadhu,
nakalakka erkampawhessi hudhdhampa lakkinu armadhu.
6 Xaysa tupettay koro dhukkayisadha qhawho dhippa hxupinna kuta ghulannukki armadhi,
usundhissanakka tookke tookke ye faronki,
tookke tookke kapay iffarre.
7 Xaysa tupettay Yaykʼoopenukki armadhi,
Nakala erkampawhe kaasanukki armadhi.
8 Dhikkattatte ano hossi qhamo hxafayyakito dhihaminukka armadhu.
9 Ano hossi erkampawhe kaasanna kalla qhacʼa,
erkampakko payamenukka isi yeye gheeqasti,
moʼo maalla payni ano ho koro Haallikko dhukkaysadhaasi ghoghori.
10 Naqharray teexakko Haallikkitotakka an kodhdhipa qhama hantu qaghi kula kodhdha,
teexakkusa ye teexamikka olho lathu ye kodhdhu,
laadhdhi koro kaasanna ghutakki an kokisadhettay kodhadhi,
naqharray ho hussaasi kodhi ano qandhimma teexakkossi Haallikkito ye qale qagha.
11 Lammi anokka an kodhdha usundhekka han kollisni hussi,
huneka ho dhukkaysatte ususa.
Haqmakko koro Farrina
12 Kristoose qhamu fartatte ahaqki an kollisni pani,
hunena kittatte tookke tookke moʼo maallakki payenna koro farri farttatte haqamakko yesheghi?
13 Farttatte haqekki yeqaghe payni Kristoosekka farttatte yehaqu payyo.
14 Kristoosekki yefarttatte haqu payni,
kollise thaani qodhdho,
dhukkaysadhe thahundhikka the thaythe.
15 Xayi ghutay Haallikko Kristoosesi farttatte ihaqsi payepa kollise thanittay ine misikradhdhe ayyampolawhe Haallikkito an kodhini payo,
he farrekki ye farttatte haqe payni Haallikko Kristoosesikka farttatte yehaqisu payyo.
16 Moʼo maalla payni he farrekki yefarttatte haqonkki payni,
Kristoosekka yehaqu payo.
17 Kristoosekki ye farttatte haqu payni,
dhukkayisadhe thaahundhi the thaythe,
hunnekka haaka hantu saasaa cʼuppito kittatte aqaghte payyo.
18 Hasi kodhdhiti payni he Kristoose dhukkaysadheppa farronki ippate payyo!
19 Olho anna maallay Kristoosesi kippanni qaghu hantunnu patta payni ine he koro kaasanna kanta koro asanisa.
20 Naqharray Kristoose hessi farrenu qhariththo ikkodhdhipa farttatte haqu.
21 Farrtte qhamu qhawho toʼoko kakkuru okayti kula,
farttatte haqamakokka qhawho toʼoko kakkurukki okayti.
22 Koro kaasay Atamena payyati qhamu farrini kula,
koro kaasay Kristoosena haqti ho qaghotta qagha ikkodhni.
23 Husikka hu hassa kodhdhini qhawho kaasannu thara thussuttay,
Kristoose farttatte haqhetay Uso lighno paayyottatte,
nakkaleemakka kuyyaqko Uso ookayyana he huusu kodhdhe farttatte ihaqana.
24 Nakalemakka Uso rafisepa ghulnopa humna kaasasi ippatisi tupettay xinkessi ahxasesi Ihaallikko Appanu teexina dhikkatte kodhinti.
25 Parakaradhdhe Huusu kaasasi haki luhhe Huusu kala konni saasa Nukusume Uso gheeqasa.
26 Parkara dhikkattatte pannakka fartte.
27 “Haallikko olho kaasasi ghulno huusu kaleemi nu kodhia” paayyamitipa tooxamo,
naqharray “olho kaasasi ghulno huusu kalema innu kodhi” ippayana hossi olho kaasa qhamu Kristoosena kalla kodhdhini kodhi Haallikko Appa pattaki ye usona kalla kodhdhini.
28 Olho kaasa Iʼussona kalla kodhdhi tuppettay,
Haallikko Appa olho kaasattay qhamu kodhdhininu Kristoosekka hosi olho kaasay gulno huusuna kalla nukkodhukki eeʼe payni.
29 Haqamakokki yeqaghi payni he qhoota koro farrinu shoxate shoxadha mukkodhe?
He farrekki yehaqane payni koro moʼo maallakki qhoota huusundhi shoxatte shoxadhi?
30 Inekka moʼo maallakki an kuyyaqakko kaasa rakkonu haaqhne?
31 Koro haayyu,
yeema kuyyaqako kaasakki farte yadhaghghapti,
husasikka Pogholho haani Iyyesusi Kristhoositay peepadhessi an hunetta sheeghi the dhukatte qhooti kodhdhitinu.
32 Piyye Efesoonenna ho an aaghe qale ohxmami dhihadhe koronu patta payni moʼo anna tayani?
He farekki ye fartatte haqookki payni,
qhamo hessi payana:
“Qhayna qhoota farrinaani maallay
yiini,
qhukni” bkullakki an kodhdhni payyo.
33 Olo dhappi,
“kottanyunko magha kʼalpe xeesasikki xarkishi.”
34 Karo saqqe haahundhi thayihto kula hola,
cʼuppo olo kodhe,
hunena kittatte tookke tookke heye Haallikko arekki qaghaye,
Ho an haasa payi hune palamiisenu.
Pishkko Haqmakkito
35 Yaxara qhawho payna:
“He farre mali haqane?
He okaynakka pishkko mala lighatay?”
iqaghna yaxara.
36 Atho qeepakko!
Olho appooxti ye farunna qagho yetayani.
37 Atho appooxanna podhaxakko kaspito taakkinti podhaxakko maangho pileete dhishoy podhaxakko haani fuʼina qandhikka.
38 Haallikko kapay qhamu woʼi kulakki pishkko nu teexi,
podhaxakko hukanukka pishkoosi innu teexa.
39 Sakanko kaasay toʼoko qandhi,
sakanko korito toʼoko,
ho qhoolettekka pile,
sakanko aaghe holottay haqqanakka pile,
ho hxarattekka pile.
40 Qhamussa kula uumata moonthitookka iqqagha,
ho piyyattekka iqqagha,
naqharray umata moonthitona kaanaste thuusu tootte,
kaanastte uumata piyyattena kapay pile.
41 Kaanastte oqhqhaayatte toʼotte,
kaanastte leeqitokka pile,
holluppa the xuskitattekka pile,
kaanastte xusikitte totatte kaanastte xuskitte pileete irrehammay.
42 Haqamakko koro farrennakka qhamussa kula,
pishkko kʼapna amayni,
hoye kʼapni kodhdhuppa haqhu.
43 Palankottakki appooxini,
kaanasittettay haqu,
tardhinkottakki apooxini humnattay haqu,
44 pishkko ummammi apooxnipa pishkko nassawinkkito kodhdhuppa haqu,
pishkko uumami qagha payyni pishkko nassawinkittokka iqqagha.
45 Hussa maallay hasi payamitpa tooxamoy:
“Qhawho payyotatte Attame ho qaghotta qagha ikkodhdhic”;
Attamesi tupeete okayi Kristoose kapay Nasso qagho teexa ikkodhdhi.
46 Naqharray ho payyota okayi pishkko nassawitho qandhdhima pishskkoossi uumammi,
xayysay tupettakki nassawitho okayi.
47 Qhawho paayyotatte kappatte qhoote tayyami malla ho kappette,
qhawhusa lanka Kristoose kapay kuta moonthonukki okayi.
48 He piyyatte kodhdhe qhamo piyyatte kula,
he moonthito kodhdhe qhamo moonthito kula.
49 Qhamosi an lighno qhawhosi kappattena urkuyni kula,
qhawhosi moonthitoonakka lighno Huusu an urkuynani.
50 Koro haayyu,
husissi an hune qalla,
sakankopa kʼeeqhte Ahxase Haallikkitoosi yetayne,
ho kʼapnakka hoye kʼapnsi yetayni.
51 Haadhi olho bhadhdhami an hune qalla,
ine kaasay ini farrine,
naqharray ine kaasay an oohamnaani.
52 Hussakka hu hassa kodhdhini kaaththakkossi dhikkattatteesi ayoqhiana qhamo ehxte rip paya kulakki an oohamnaani,
kaaththakkossi ayoqhina he fareekka heye kʼapineekki kodhdhineppa haqonkki,
innekka an oohamnaani.
53 Ho kʼapna hoye kʼapnisi,
ho farrakka hoye farrisi urrukkuye gheeqasa.
54 Ho kʼapna hoye kʼapnisi ho farrakka hoye farrisi xinkki urrkkuyna kʼallessi iyanna “farrtte putettakki looqhamiti.”d
Dhikkanna payyo.
55 Emma
“Fartte pute haahi aha?
Olhosi akorotta raqqitikka aha?e
” ippayamti.
56 Raqampakko farittatte cʼuppo,
humuna cʼuppitokka hikke.
57 Naqharray ho Pogholho haani Iyyesus Kristoosettay ine pute teexa Haallikkonu kalaththa innu koodhdha.
58 Hussa maallay hesi cʼikathamte koro haayyu,
dhikatapa shikkaarankku,
olho hunkkattakka olo lellehame,
kodhmo Pogholhitonu he kuyaqakkooma kokkisadha kodhdha,
moʼo maallay payni Pogholhonu tarrdhdhe haahundhdhi he lathu qhamu ye kodhdhussa aʼaranku.