Pawloosepa Sillaase Katama Teselonikʼena
17
Pawloosepa Sillaase katama Anfipoliseppa katama Apoloniyana illighgheppa karo katama Teselonikʼe kula ashshonki,
hahatikka manne ghissoote koro Ayhutattenakki qagha.
2 Pawloosekka qhamo kollinko huusu kula manne ghissotatte kaleemi xulli.
Kuyyqako hxaysinkito izzax matʼaafe kʼulkʼullawhatte kittatte isi nappapapa isi waarshonu ishshigha.
3 Kristoose qhamu rakko akkanipa he farrena kittatte haqusa isi nu hiʼaasapa isi nu torruyapa hasakka na payu:
“Haadhi Iyyesusisa hantu an hune torruyi Usokki Kristoose.”
4 Hussa maallay usundhena kittatte tookke tookkonu innu xultipa Pawloosepa Sillaase qale kodhdhonki,
qhamussa kula koro Krikate ho kisha ho Haallikko kaanasapa xiske kisha katamisana aramanukka innu xultipa na qale kodhdhonki.
5 Koro Ayhutatte kapay qhooti yookinu koro ye kodhmo sheeghisikki onkadhdheete illeema holase,
waarshossika haqisonkippa katama kitta parpe dhalonki.
Pawloosepa Sillaasesi qhamu likasneppa waarshonu teexonkinu manne Iyasoone kula hermathottay ashshonki.
6 Naqharray usundheesi taye ye alkasonki,
hussa maallay Iyasoonepa tookke tookke he dhukkaysadhaasi ighghappeppa tanynyadhesi piyyatte minta itʼtʼosonki,
hasa payoonkippa riironki:
“Korossi piyye qhaaatʼe kaassay kolinko huusundhi kula koro laaghi ihholipa hasa kulakka hxafoy!
7 Iyasoonekka manne huusu kula hayhukottay usundhe akkadhu.
‹Nukusa pile ho ana payi Iyyesuse qagha› ki payeppa nikusasi nikusadheete piyye Roomenna hayo huusuusi isi toorra.”
8 Waarshopa rafisampawhessi katamissana iʼolissaasi apaqhenna koro kaasay immurruki.
9 Iyasoonepa tookkatekka waasadhdhina sixeppa hela hxuronki.
Pawloosepa Sillaase Katama Periyanna
10 Koro dhukkaysadha katamissana qagha haattakki Pawloosepa Sillaasesi awne patta karo katama Peeriya kula likkase;
usundhekka ikkatamissana hxafenna mannessi ghissote koro Ayhutattena kaleemi xulle.
11 Korossi Ayhutatte katama Peeriyanna qaaka koro katama Teselonkʼenna qaghana kaanta qhooti taayho sheeghe maallay kʼaalesi hxaso dhammatakki akkadhe,
kʼaalisakka qhamu dhuke kodhdhitisa arenu Matʼaafaadhe Kʼulkʼullawheesi kuyyaqkoomi qhoradhe.
12 Hussa maallay usundhena kittatte koro kisha dhukkaysadhi,
usundhissana kittatte xiskepa tʼiire arama piyye Krikatena he kishaki dhukkaysadhi.
13 Naqharray korossi Ayhutatte katama Teselonkʼenna qagha Pawloose qhamu katama Peeriyanna kʼaale Haallikkitoosi torruyiisi iʼapaqhenna na kaleemi ashsheppa korossi na nyarisonkipa na parpe haqisonki.
14 Hattay korossi dhukkaysadha Pawloose qhamu paso hinaase kula ashshininuki erake,
Sillaasepa Tʼimothoose kapay haami haqhe.
15 Korossi Pawlooseesi laghgha ikkatama Atenanna hxafase tupettay Sillaasepa Tʼimothoose qhamu wannepa uso kula okayonkinukki hayo akkadheppa holonki.
Pawloose Katama Atenanna
16 Pawloose ikkatama Atenana Sillaasepa Tʼimotiwoosesi tiqadhna katamisa ho kilankottay hoqhqhi qhamu kodhdhisa ihhiʼina nassottakki ghiti.
17 Hussa maallay manne ghissotattena koro Ayhutattepa koro Haallikko kaanasa pana moradheetekka xayto ikkorooma hxafi kaasanna kuyyaqako kuyyaqakoomi naqale torruyadhi.
18 Korossi Efekʼoroosepa koro Istʼoykadheetea kollinko arnane piyyina kollisakka uso kapeemi okayepa isi uso tamakadha.
Koro tookko tookko ippayana:
“Ata qhawho watwatti moosiki qalle woʼi?”
Holuppa tookke tookke ippaya:
“Qhawhu qhawho killankaadhe qhawtawhe torruyaki lighi”,
olhunna maallay hasa payekka Pawloose Otesi Xeesa Iyyesuse fartatte haqmakitoosi qhooti torruyinu.
19 Hussa maallay Pawlooseesi ighghapepa xayto ana illa hollayyi Ariyosfakoose ana payi kula okayonkitapa hasa na payonki:
“Olho qhawtitu akkoro kollisti are an alkasnaani?
20 Olho tookko tookko ho ini arriki aʼine kollisti,
hussa maallay olissa qhamu moʼo kodhdhi are awwooni.”
21 Koro katama Atennanapa koro piyye pilatenu okayipa isi haaha qaaka kaasay olho qhawtitoosi qalladheppa apaqhasetakki saate tuusundhi likkasi.
22 Xinkissana Pawloose waarshossi xayto ana payi Ariyosfakoseema illa holi miinteemi shikkaaripa hasa payu:
“Hune koro Atenana!
Olho kaasattay koro haymanoote sheegha qhama kodhdhitessa iyye xulti.
23 An katama hahundhina kittatte lallaghamana xayto anna sakatateesi an eemana tooxe he iyana ‹Waako ye araminu› an xayto texxakitona hiʼi,
lammi hantu ano olho an huneesi qallini waakussa huni artena annu sakatte kaaʼita.
24 Ususakka ho piyye qhaatʼepa olho piyye qhaatʼina kittatte qagha kaasaasi uumi,
pogholho moontitopa ho piyyatte,
Uso manne kʼulkʼullawhe xarghghe qhawhitottay ghuptamenna kalla ye qaakikka,
25 Uso ho koro kaasannu qaghopa nasso pana olho kaasaasikka teexa qhooti kodhdhi maallay Usona kaanta olho qhacʼa toʼokkokka isi ye qaghi maallay xarghghe qhawhitottay olonu kodhadhi.
26 Uso sanynye qhawhito kaasaasi qhawho toʼokito uumi,
piyye kaasannakka qhamu qaaknenu usundhe kodhu,
perre qaghitopa xayto inna qaaknena laaghamte nu payu.
27 Olhunu hasa kodhikka koro Pogholhoossi qhamu gheeqnipa Usoosi qhoradhettay taye alkasonkinu,
ikkodhdhitama kapay uso inena kaanta sikaapa payyo qandhikka.
28 ‹Ho an qagho tayannippa isan lelehaanippa
isan qaakanika usottay›,
hussakka qhamosi koladhampawhe haahundhi payenna
‹ine kaasakka dhelle huusu› kula.
29 “Lammi ine dhelle Haallikkito an kodhdhini payni Waako ho arrnanepa hxormunte qhawhitottay olho warkʼate taakkinti pirrate taakkinti awrugheete akkodhdhisiki lighi payeppa dhihaadhe ye ine gheeqasti.
30 Lammi perre kedhdhana koro olhu ye arena kodhi Haallikkokka ihhela hxuripa natta lighghu,
hantu kapay koro piyyatte qagha kaasay qhamu cʼuppito kaalla Hallilko kula hollenukki hayi,
31 qhawhossi Uso qholadhittay piyye qhaatʼe kaasassa kuyaqakuna dhukkettay qhaqhitte qhaqhiniki gharisi,
Usoosi fartatte haqise tuusuttay koro kaasannu olissasi arasoy.”
32 Tooke tookke kʼaalessi iyyana “Fartatte haqe” iʼapaqhena iʼuso dhafe,
tookke kapay ipayana “Olissa aʼtorruytiisi lanka an apaqhe wooni.”
33 Xaysa tupettay Pawloose waarshossina kittatte iʼllighipa ashshoy.
34 Koro tookko tookko kapay Uso qalli kodhdhipa dhukkaysadhu,
korossi dhukkaysadhina kittatte waarshossi Ariyosfakkoseema illa hollina qhawho ana payi Tiyonasiyoosepa xiskaththo tootte Temarise ana payi pana koro pilekka iʼqagha.