Pacuenia Juan athëbëtatsia tane pinijinë betsawaliwalinë bitso pianaepanaejawa, yabara peliwaisi
12
Athëbëtatsia ayaicuenejawa naitajëta, wajanacacanaëjëtsia-exanaejawanexa. Athëbëtatsia petiriwaa taenutajë, pejumanawanaitayotanucaewa, pacuenia cotia-itsi matacabipijijuameto. Nataxunutanuca merawipijijuametojawawelia. Namataxatatanucanua doce patuluputobejeb pexainaecorona.
2 Bajarapowa penacuetoc peyacotajinaewa. Pewixaenotsijawatatsi, pewecuanaexanaenexatsi penacueto, bitso ya-aëaëjai.
3 Nexata, bajarapaepatota athëbëtatsia pijinia naitajëta piayainë, petsobianë, pinijinëxaneto betsawaliwalinë,d baitsi pepodowathi. Xaina siete pamatabocotobeje, diez pijinia pamata-etobeje. Caematabocoto canacujitsia, namataxatatapona corona.
4 Bajarapatsawaliwalinëxaneto penabosowebabejawata tulupu yajuwënëpenetsica irabetsica.e Nexata, daxita athëbëtatsia perubenaetulupujawanë irabetsica othopaica caejawa, acueyabi xuabejeyajuwënëjawa.f Itsiata, matatoxenetsia anijajawabeje athëbëtatsia nacopabarubenaya. Bajarapatsawaliwalinëxaneto nucajopa pewixaenotsiwatsi pitabarata, pecoxixaenexatsig picani, penacueto pewecuanaexanaejawatatsi.
5 Nexata jane baja, petiriwa wecuanaexanatsi pebinëyo. Bajaraponëyoh caponatsi Diosojawabetsia, Dioso pijatronota pe-ecaenexa. Nexata baja, bajaraponëyo apoxaetsi bajarapatsawaliwalinë. Bajarapanacuetonëyo itsamatacabi mapanacuataje jiwi pepopewetsinë tsane. Nexata, daxita nacuanëpijiwi peyanacua-ewetsijawata, ajumesaëya itorobabiabiana pejumecowënëtsinexatsi. Aponacopatsi tsane naneconitsia-exanaenejewai caejiwiyo-ata apopejumecowënëtsiwitsi.
6 Petiriwaj pijinia, pewecuanaexanaecujinaetsi penacuetonëyo, najetabijirawa petusatonacuayabelia bajarapatsawaliwalinëxanetowecua, peponaponaenexa itsabelia Dioso tsiwajënaexaniawaetatsi. Bajarajota, pexaejawa baja Dioso rajutatsi mil doscientos sesenta pamatacabibeje.
7 Bajaraxuacujinae, athëbëtatsia ángelewi penamatacaitorobinë, Miguel, pija-ángelewi yajawa, barënabia tsawaliwalinëxanetojawabelia, pija-ángelewimijawabelia-ata.k
8 Itsiata baitsi jane, tsawaliwalinë pebarënabejawata barëcuene-amoneyabatsi, daxita pijajiwi yajawa. Nexata, caenë-ata aponacopatsi athëbëtatsia.l
9 Bajarawetsica, xuabicatsi irabetsica, daxita pijajiwi yajawa, pecuene-amoneyabixaetsi pebarënabejawatatsi. Bajarapatsawaliwalinë, bajayata penaitajëtsinë bejomocueniam jiwijawabelia, Dowathiwënënë. Itsawënë pijinia Satanás. Bajaraponë raja, jiwi peyamaxë-itojorobabiabinë daxitanacuanëjawa.
10 Nexata, jumetaniji pinijijumeta athëbëwetsica pejumaitsijawa mapacueniaje:
«Copiapata rajane baja Dioso, jiwi pecapanepaejawanexa pepodowathi pecobewecua. Copiapata rajane baja patajaDioso pesaëta jiwi peyanacua-ewetaponaponaenexa. Copiapata rajane baja Dioso pitorobiapaebinëtsica Cristo, jiwi pitorobaponaenexa peyanacua-ewetsijawata. Daxita rajane baja, bajarapacuene copiapata, tsipaji baja Dioso nawecuacapitsapa pepodowathi pijanacuawetsica, ponë neconitabiaban daxita matacabijebi, daxita merawijebi-ata Diosojawabelia, wajanajuasiwanajamatabëcuenecopabiwio Jesucristojawabelia.
11 Bajarapamonae cuene-amoneyabapona pepodowathi, pejumexaniataexae Cristop pesiwatëpaejawatsi cruzata, pewajunupaebaponaexaenua Jesús Peliwaisi itsamonaejawabelia, Cristo pecapanepaejawanexatsi pijaneconiwecua. Bajarapamonae ajumejunawijibia wajunupaebapona bajarapaliwaisi. Beyaxuabiapaebi-atatsi, tsiteca apocopatsi pepaebijawa, pejumexaniataejawanua bajarapaliwaisi.
12 Bajaraxuata, toxanepanatsi, athëbënacuatatsiapijicuene, bajarajotatsia panejinawanapaewinua, pesiwajamatabëcuenebarëyanexa Dioso, pecapitsapaexae pepodowathi, pijajiwi yajawa athëbëwetsica. Itsiata baitsi jane, bitso tsi-ayaitsi tsane irata pejinawanapaewi, manuameneta-ata pejinawanapaewi, tsipaji baja bajarapamonaetuatuajëatsica pepodowathi xuabicatsi. Bajaraponë peyapëtaexae caematacabibeje saya petonacopatsijawatsi pexuabinexatsi isotopucaxanetojawabelia, nexata baja, aeconoxae bitso bara-anaepanaponapona daxita bajarajota pejinawanapaewijawabelia», pejaijume jumetaniji, athëbëwetsica pinijijumeta.
13 Nexata, bajarapatsawaliwalinë ponë pepodowathi, itsa yapëtane athëbëwetsica pexuabijawatsitsica irabetsica, nexata barajinapona powa wecuanaexanatsi pebinëyo.
14 Itsiata baitsi jane, bajarapowa rajutatsi anijacorofetoxanetobeje, becotsalacorofetobeje. Nexata, tsawaliwalinëxaneto wecuapuna tajëbelia, petusatonacuayabelia, bajarajotalia peponaponaenexa. Bajarajotalia, Dioso rajutabiabatsi pexaejawa acueyabi pawaibeje epatua.
15 Bajarapatsawaliwalinë pecuaibowojotuatsina capitsapa mera,q ayaira, bepinijimenecuenia, pecaponaenexatsi picani petiriwa.
16 Itsiata baitsi jane, bajarapowa Dioso yawenonatsi. Nexata, jemata ira nawoconareca ayaijawa. Nexata, pamerami tsawaliwalixaneto pecuaibowojotuatsina pitsapaina, bajarapamëthëareca joneca.
17 Bajaraxuata, bajaraponë bitso anaepana petiriwajawabelia. Pianaepanaejamatabëcuene, tsimaxëpona petiriwa pexi, pemomoxi-ata, penacopabiwi,r pebeyejebinexa, pamonae jumecowënëtawanapa Dioso pejumeliwaisi pitorobicueniatsi, peca-asaëtsawanapaexaenua penawajunupaebijawa Jesucristo peliwaisi pejumexaniataejawa.
(vr 18)s