9
Bajaraxuacujinae, icatsia cinco-ángelnë oba pijatrompeta. Nexata, taniji ángelnë betuluputocuenia pejopaenëmitsica,a athëbëwetsica irabetsica. Nexata, bajarapa-ángelnë rajutatsib pinijimëthëxanetopijillave.c
2 Nexata jane baja, bajarapallaveta bajaraponë wëpacasarana, bajarapamëthëxaneto pewëpatsinexa. Nexata, pewëpatsicujinae pitsapaina ëtsëxëxaneto, bepinijipabixaneto petajuitsitsëxëxaneto. Nexata, bajarapatsëxëta matacabipijijuametomi itaxuto-aitaquiriaya-exana. Itaboxo-ata aitaquiria-exana.
3 Bajarapatsëxëjawawerena pitsapa bosesemonaenë, pepunanajetarubenaenexa daxitanacuanëjawa. Bajarapabosese caëjëpaeya-exanatsi jiwi pecacuatsinexa pebosotota be-aqueto.
4 Bajarapabosese apo-itorobitsi pebijianaenexa itsacuenejawa-ata xua pejuwijawa, po̱na, naejawanë-ata. Biji rajane, itorobatsi pecacuatsinexa saya ëjiwi, pamonae Dioso pijasellota apo-itapa-itanerubitsi.
5 Itsiata, apotocopatsitsi caecuenia pebeyaxuabaponaenexa, pecacuatsijawata. Biji rajane, tocopatatsi saya jiwi ayaicuenia penawixaetaeya-exanaenexa cinco pajuametobeje. Nexata, itsa cacuatsianatsi bitso nawixaetaena, pawixaewajëto aqueto itsa cacuatatsi.
6 Nexata, pecacuatsiwitsi jitsipaena picani petëpaenexa, bajayajebi penawixaetaeyaniwa. Itsiata baitsi jane, jaitsi-ata petëpaejawanexa, jamatabënabeyaxuabijitsia-ata, bajarapamonae Dioso abaxë apotocopatsi tsane petëpaejawa.
7 Bajarapabosese amipabëtaja. Pacuenia wajabitsaë pijacaballo bamipabëxataba hierropanajawanëta penawajabitsaëtsiwajënaeya, pijawajabitsaë petojorojoronaeyaniwatsi, bajaramipabë-itsi tsanubenae bajarapabosese. Be-oronanitota pexanaecoronajawanë namataxatabanubena. Bejiwi-itabara xaina.
8 Amatana̱pia pacuenia petiriwa matana̱-itsi. Pewonotonë pijinia benewëthëwonotonë.
9 Bajarapamonae baja cajena yajawanaexana behierrojumabocotonë pejorojoronaeyaniwatsi itsajiwi-ata. Pepunanajetarubenaejawata pecorofe najumeta, pacuenia wajabitsaë itsa pona pijawajabitsaëjawabelia, caballo peyarobobocaecarrozamonëta.
10 Bajarapabosese pebosotonëcopiata xaina pe-etonë, pacuenia aqueto. Tocopatatsi pe-etota pecacuatsinexa jiwi, penawixaetaenexa cinco pajuametobeje.
11 Bajarapabosese cajena xaina pitorobi-ángel-nëtsi, pinijimëthëxaneto pewetsinë. Bajarapa-ángelnë hebreojumeta pewënë Abadón. Griegojumeta pijinia Apolión, «Pewerebiabinë», pejaiwënëbeje.
12 Bajarapapiayaicuene penamataxainaejawa. Itsiata baitsi jane, abaxë saica anijajawabeje, bitso pepopiayaijawabejenexa.
13 Bajaraxuacujinae, icatsia seis-ángelnë oba pijatrompeta. Nexata, Dioso pitabarata penucae-altar-jawawerena penajumetsijawa, ayaijume, jumetaniji. Bajarapa-altar, oronanitota pexanaejawa. Cae-upi canacujitsia mata-erucapona. Nexata, bajarapacuatro pamata-etobejetuatuajëta jumepitsapa.
14 Jumaitsirena seis-ángelnë trompeta pexainaenëjawabelia mapacueniaje: «¡Isicare cuatro ponëbeje ángelewi, pamonae cëbejebatsi pinijimenejawata, Éufrates menejawata!», jai bajarapa-altar-jawawerena.
15 Nexata jane baja, cuatro pa-ángelenëmibeje picani cëbejebatsi, isicatsi jiwi pebeponaenexa. Bajarapa-ángelewi baja cajena Dioso jamatabëcuene-ewetanubena, paepatota tocaëjëtatsi jiwi pebeponaenexa, ayaibitsaëtonë daxitanacuanëjawa. Nexata, bajarapa-ángelewi caejiwi beyaxuabaponaena acueyabi pajiwibejeyajuwënëwi.
16 Nexata, icatsia jumetaniji bajarapapisicae-ángelewi pijajiwi pitorobijawa, wajabitsaëwi, peponaenexa caballota, jiwi pebeponaenexa daxitanacuanëjawa. Jumetanijinua pacuenia pijajiwi, wajabitsaëwi, namata-ëjëta doscientos millones ponëbeje.
17 Nexata, bemajitsinaebota taniji pacuenia itsi bajarapamonae, caballota peponaewi. Bajarapawajabitsaëwi, pijacaballomonae yajawa namipabëxataba hierropananë, pejorojoronaeyaniwatsi pijawajabitsaë. Bajarapapenamipabëxatabijawanë itabëta acueyabi pawiriabejejawata; petsobiajawata be-isotocuenia, perajenaejawata be-ëtsëxëcuenia, pewayanaejawatanua be-azufrejawa. Bajarapacaballuanë xaina benewëthëmatabocoto. Pecuaibowojotonëjawawetsinanua pitsapa pitarunutsicotia, ëtsëxë yajawa, azufre-ata yajawa.
18 Xuanë caballuanë pecuaibowojotonëjawawetsina pitsapa, bajaraxuanë jiwi ayaibitsaëtoxanetonë yatëpapona daxitanacuanëjawa. Caejiwi yatëpapona acueyabi pajiwibejeyajuwënëwi.
19 Bajarapacaballuanë caëjëpatsi jiwi pebeponaenexa pecuaibowojotonëta, pebosotonëta-ata, tsipaji pebosoto-upianë bejomomatabocotonë. Nexata, pacuenia jomo pematabocotota caëjëpatsi jiwi pesininexa, pebeyaxuabinexa, bajara-itsi bajarapacaballuanë pebosoto-upianëta.
20 Itsiata baitsi jane, pamonae penacopabiwi tëpaenejewa, bajarapamonae tsiteca pibisiacuene exanawanapa, tae-ata itsamonae petëpaejawa bajarapapiayaicuenejawanë pejamatabëcuene. Nexata, apocopatsi asiwaya pesiwanajamatabëcuenecopatabiabijawa dowathiwijawabelia, pecobeta jumapecataeya pexanaenëanëjawabelia-ata. Bajarapajumapecataenëanë pexanaexae oronanitonëta, palatananitonëta, broncenanitonëta, ibotonëta, naejawanëta-ata, apocaëjëpaetsi petaenexa, pejumetaenexa, peponaenexa-ata. Itsiata, tsiteca bajarapamonae asiwaya siwanajamatabëcuenecopatabiaba bajarapajumapecataenëanëjawabelia, peyawenonaenexatsi.
21 Orijibia, bajarapamonae apocopabi jiwi pebeponaejawa, penajorobaponaejawa, pewitota pibisiacuene pexanaponaejawa, penacobetoxotaponaejawa-ata.