2 Pedro
Mapabaxutoje apóstolnë Pedro cotocaewi toyaquina Jesús peliwaisi pejumexaniataewijawabelia
Pedro pebajacobiliwaisi
1
Xanë, Simón Pedronë, Jesucristo pijajiwitonënë, apóstolnënë, tane-itorobinë jiwi tatsipaebaponaenexa Jesucristo peliwaisi. Pacatoyaquinatsi mapabaxutoje paxamë Dioso bitso pexaniacuenia papecacapanepaewi.a Pacuenia paxanë panecapanepa, bajarapacuenia pijinia, paxamë-ata pacacapanepa, najëpaeya wajasiwanajamatabëcuenecopabixae Jesucristojawabelia. Nexata, wajaDioso, wajanacacapanepaenë Jesucristobeje,b najëpaeya baja aneconijibia nacatane.
2 Nexata, pacatowajëtabiabatsi Diosojawabelia, panewajënaeyabelia, paneyapëtaeponaenexa pacuenia jamatabëcuene-itsi Dioso, Jesucristobeje. Pexaniacuenia pacatojitsipatsi panewajënaeyabelia ayaicuenia Dioso asiwaya papecayawenonaejawa papeca-itaxutotsoniataexae, jamatabëcuenexanepanaeyanua panejinawanapaenexa, paneyapëtaeponaexae pacuenia jamatabëcuene-itsi bajaraponëbeje.
Dioso jamatabëcueneyawenona pexi, xaniawaetsia pejinawanapaenexa
3 Xaniawaetsia wajajamatabëcueneyapëtaeponaexae pacuenia jamatabëcuene-itsi bajaraponëbeje, nexata yapëtanetsi pacuenia Dioso, ayaijamatabëcuenenë, pesaëta nacarajutapona daxita xua namatawenonatsi, wajajinawanapaenexa xaniawaetsia pacuenia nacatojitsipa. Daxita bajaraxuanë xainatsi, tsipaji yapëtanetsi Dioso, ponë nacajunata pijajiwinexatsi, pexaniajamatabëcuenenë. Najamatabëcuene-itajëtanua jiwijawabelia ayaijamatabëcuene pexainaenëcuene.
4 Bajarapacuenia Dioso pecuene-itsinëxae, bitso pexaniacuenia najumecapanepaeya wajanacayawenonaeyapaebiliwaisianëc nacatocopata baja. Nexata, bajarapaliwaisianë wajajumexaniataejawata, itsa itaxutuajamatejematsi Diosojawabelia, wajanacato-exanaenexa najumecapanepaeya pejumaitsicuenia, nacato-exanaena, wajajamatabëcuenejëpaenexa Dioso. Nexata, pacuenia Dioso jamatabëcuene-itsi tsaponaponae, bajarawaxaitsi-ata jamatabëcuene-itsi tsawanapae tsanetsi, wajawecuapanepaenexa mapanacuaje pibisiacuene wajanaca-exanaeya-exanaejamatabëcuene.
5 Daxita bajarapacuenia Dioso wajanacato-exanaexae, pacawajëtatsi paxamë. ¡Jesucristojawabelia pane-itaxutuajamatejemacujinae, daxita panejamatabëcuenesaëta, payajawa-exanawanapare pematatsënëa mapapexaniacuenejawanëje, panejamatabëcuenejëpaenexa pacuenia Dioso jamatabëcuene-itsi!: ¡Pexaniacuene pa-exanawanapare! ¡Pajamatabëcueneyapëtaeponare, pacuenia Dioso pacatojitsipa paneto-exanawanapaenexa!
6 ¡Najamatabëcuenecataitsiaya pajinawanapare, pibisiacuene pane-exanaeyaniwa! ¡Pajamatabëcuenesaëmëre tsitecaeya panewajënaeyabelia pane-itaxutuajamatejemajawa Diosojawabelia, daxitacuene apopanejitsipaejawanëd bajayajebi pacatocopiapatabiabi-ata! ¡Panajamatabëcuene-itajëre Dioso asiwaya paneyaiyataejawa, ëpejitsipaecuenia pane-exanawanapaejawata!
7 ¡Pematatsënëa pana-asiwamëree nacaemonaecuenia, panenajuajumexaniataewi Jesús peliwaisi, panenayawenonaenexa namata-enetsia! Pa-asiwamërenua daxitajiwi,f pacuenia Dioso asiwa mapanacuapijiwije.
8 Daxita bajarapapexaniacuenejawanë itsa nawitsia pacatsijamatabëcuenewënëcaponaena, panewajënaeyabelia pane-exanawanapaenexa, nexata pacuenia Wajatuxanenë Jesucristo jamatabëcuene-itsi tsaponaponae, bajarapajamatabëcuene-itsimë tsane. Bajarapacuenia itsa pa-exanawanapaename, Wajatuxanenë Jesucristo panejamatabëcueneyapëtaejawa apopanacueratsimë tsane, tsipaji pexaniacuene pane-exanawanapaejawa apopacopabimë tsane.
9 Itsiata baitsi jane, pajiwi apo-exanaponaponae bajarapapexaniacuenejawanë, bajarapajiwi aponajamatabënapitsi asiwaya Dioso pewecua-ajibia-exanaejawatsig pijaneconimi. Caranata saya, asiwa papibisiacuenejawanëmi picani Dioso wecuacapanepatsi. Bajaraxuata, bepitaxutotsëcënaejiwi Dioso pijacuenejawalia.
10 ¡Tajamonae, paneyapëtaexae Dioso papeca-itapetsijawa, papecajunatsijawanua papijajiwinexamë, nexata matatoxenetsia pajamatabëcuenesaëmëre tsawanapae bajarapapexaniacuenejawanë pane-exanawanapaenexa! Bajarapacuenia itsa pa-exanawanapaename, Jesús peliwaisi panejumexaniataejawa, caeto-ata apopawecuajopaemë tsane.
11 Nexata, Dioso pacacopiapitsiana bitso pexaniacuenia panejonejawata Wajatuxanenë Jesucristo, wajanacacapanepaenë, pewetsinacua, apopewerewerecaenacuayabetsia, paneyajawajinawanapaenexa.
12 Daxita rabaja bajaraxuanë payapëtaneme, itsamonae papecacujarubixae. Daxita bajarapaliwaisianënua pajumexaniataneme pexaniajailiwaisicuene, panenajamatabëcuenesaëtsinexa bajarapaliwaisianëta, pane-exanawanapaenexa papecacujarubicuenia. Itsiata, icatsia pematatsënëa pacanajamatabënapitsia-exanaponaenatsi.
13 Abaxë tasaëtsaponaponae-epato mapanacuataje, netsitaxanepana patacamuxujiobijawa patacanajamatabënapitsia-exanaponaenexa,
14 tsipaji baja Wajatuxanenë Jesucristo tajëwelia neyapëtaeya-exana bepijia tatëpaejawanexa.
15 Itsiata baitsi jane, pacuenia necaëjëpa, xaniawaetsia pacatoyaquinaenatsi bajarapaliwisianë, panenacofënëtsiyaniwa tawënamuto.
Jesucristo pijajiwijawabelia tsitanajamatabëcuene-itajëta ayaijamatabëcuenenëcuene
16 Bajarapacuenia pijinia, paliwaisi copiaya pacatsipaebatsi pa-apóstolewinë, Wajatuxanenë Jesús peliwaisi. Xaniawaetsia pacatsipaebatsi, pacuenia Wajatuxanenë Jesucristo baja cajena bitso pecuenecaëjëpaenëtsi Dioso pesaëta pinijicuene pexanaejawa pexanaenexa. Pacatsipaebatsinua, pacuenia icatsia patsianica. Apopacatsipaebitsi jiwi pijacuata pecapitsapaeliwaisianë penajumetsënëtsicuenia, tsipaji baja, pata-itaxutota pataniji Wajatuxanenë ayaijamatabëcuene pexainaejawa.
17 Xaniawaetsia baja cajena, pajumetaniji pamatacabi paxa Dioso athëbëwetsica cuenewajunupaebatsi daxitajiwi peyaiyataenexatsi. Bajarapaepatota, daxitanë Cristo niweniwenareca. Athëbëwetsica paxa Dioso jumaitsih mapacueniaje: «Mara ponë taxënatoje, ta-asiwanë. Bitso siwajamatabëcuenebarëyanë», pejaijawa paxa Dioso athëbëwetsica.
18 Wajatuxanenë, Jesucristo, payajawanubenajë petsutojumata, itsajota jane baja, paxa Dioso athëbëwetsica barëcuaicuaijaitsi. Nexata, bajarapatsutojumata paxanë patajacuata pajumetaniji paxa Dioso athëbëwetsica pejumaitsijawa bajarapacuenia Wajatuxanenë, Jesucristo, yabara.
19 Bajarapacuenia patataexae, patajumetaexaenua Cristo yabara, yapëtanetsi pepopexaniajailiwaisi xua bajayata profetawi, tajëwelia wajunupaeba petocopiapatsinexatsi. Bajaraxua jane baja, copiapata. Pacuenia bajarapamonaemi wajunupaeba, bajaraxua baja pataniji. ¡Bajaraxuata, profetawimi pepaebiliwaisi pajumexaniataema, tsipaji daxita pepaebiliwaisii pexaniajailiwaisi! Nexata, bajarapaliwaisi belámpara,j pawiria lámpara itayota daxitamerawijebi peyananianaejawabelia.k Bajarapacuenia bajarapaliwaisi nacajamatabëcuene-itayotsiana, wajanacayapëtaeya-exanaenexa Dioso pitoyacuenejawanë, nayajiwitaeya wajajinawanapaenexa, pibisiacuene waja-exanaeyaniwa Cristo pepatsimatacabijawabelia. Pacuenia lámpara itayota pitaquirijawata, xaniawaetsia wajanatsiwajënaetaenexa, wajafirapanucaeyaniwa, bajarapijinia itsi profetawimi pepaebiliwaisi, pibisiacuene panenayajiwitaenexa mapanacuataje. Pacuenia bajayacunuapijituluputol ayaicuenia itayota lámparawecua, bajarapacuenia pijinia, Cristo ayaicuenia nacajamatabëcuene-itayotsiana profetawimi pepaebiliwaisiwecua, wajanacajamatabëcueneyawenonaenexa pepatsimatacabijawabelia.
20-21 ¡Xaniawaetsia pacanaëjëre daxitacuenewecua, paneyapëtaenexa mapaliwaisije! Itsajiwi-ata apocuenecaëjëpaetsi cajena pijacuata pewajunupaebinexa pejitsipaecuenia itsamonaejawabelia Dioso peliwaisi yabara. Daxita paliwaisianë profetawi tajëwelia yaquinejeba, pecopiapatsijawanënexa yabara, jiwi pecuenexanetsiliwaisianënexa-ata, jiwi pijacuata apoyapëtae pajamatabëcueneliwaisi xaina. Matapania, Espíritu Santo itsa yapëtaeya-exanatsi paliwaisi paebijitsia, pajamatabëcuene xainanua, caëjëpatsi xaniawaetsia pewajunupaebinexa itsamonaejawabelia. Peyapëtaenexanua pajamatabëcueneliwaisi xaina. Bajaraxuata, bajayata profetawi, itsa wajunupaeba Dioso peliwaisi itsamonaejawabelia, pejamatabëcueneta apo-exanae bajarapaliwaisi. Profetawimi, Dioso pijajiwixae, pacuenia Espíritu Santo yapëtaeya-exanatsi, paebabiaba bajarapaliwaisi. Bajaraxuata, waxaitsi-ata namatawenonatsi Espíritu Santo wajanacayapëtaeya-exanaenexa pajamatabëcueneliwaisi xaina profetawi peyaquinaeliwaisianë.