Pacuenia Jesús pijajiwi Corintojawata najamatabëcuene-itajëta abaxë apopejamatabëcueneliwaisinaweretsijawa Dioso pijacuenejawalia, yabara peliwaisi
3
Patajamonaemë Cristo pejamatabëcueneta, aponecuenecaëjëpae patacacujarubinexa piayapëbejeliwaisianë, abaxë apopanejamatabëcueneliwaisi naweretsixae Cristo pijacuenejawalia. Espíritu Santo pacatsijamatabëcuene-enae-ata, patacasiwaxainaematacabianëa pacatanetsi panejinawanapaejawa Espíritu Santo apopapecajamatabëcuenematacaponaewicuenia. Biji rajane, paxainame bepejewaxijamatabëcuene, papecajamatabëcuenematacaponaexae mapanacuapijiwi pecanaëjëtsicuenia. Bajaraxuata, pacacujarubatsi saya peyapëxanepanaeliwaisianë.
2 Pacuenia penacuetojiwiyo rajutatsi saya ëmitobarëmene piapaenexa. Abaxë piatajawito aporajutsitsi pexaenexa. Bajarapijinia pacuenia, paxamë-ata, Cristo pijacuene apopacapanepaemë, apopanejamatabëcuene liwaisi naweretsixae. Bajaraxuata, apopacacujarubitsi piayapëbejeliwaisianë.b Pacacujarubatsi saya bepenacuetojiwixicuenia, peyapëxanepanaeliwaisixi .c Orijibia, abaxë tsiteca aeconoxae-ata, apopanejamatabëcuene liwaisi naweretsiwi Cristo pijacuenejawalia.
3 Bajaraxuata, panajamatabëcuene-itajëtabiabame panejamatabëcuenefaefaenaejawa Cristojawabelia, mapanacuapijiwi pecanaëjëtsijamatabëcuene papecajamatabëcuenematacaponaexae, Espíritu Santo papecajamatabëcuenematacaponaejawawecua. Bajarapaliwaisi panexainaexae, namata-enetsia panacuenecaëbabiabame. Nabijataeya namata-enetsia panajume-anaenotabiabame. Pepaebinë peliwaisi yabara-ata panawecuanatsaname. Bajarapacuenia pane-exanawanapaexae, abaxë pacatsitecawanapame ëmapanacuapijicueneje.
4 Pacujinae paxamëyajuwënëwi jumaitsi tsabiabi paxanëbeje, yabara mapacueniaje: «Xanë raja saicaya Pablo pijajiwitonënë», jai tsabiabi paxamëyajuwënëwi. Itsajiwi pijinia jumaitsi tsabiabi: «Xanë raja saicaya Apolos pijajiwitonënë», itsa jai tsabiabi paxamëyajuwënëwi, peneta catsitecawanapa ëmapanacuapijiwi pejamatabëcuenematacaponaecueniatsi.
5 Paxamë bajarapacuenia panajumaitsi-atamë paxanëbeje yabara, pa-aliwaisimatamobimë, tsipaji xanë, Apolos-beje, apopa-ayaijamatabëcuenenënëbeje. Paxanëbeje-ata saya Dioso papijajiwitonënëbeje. Patacatsipaebijamatabëcuenetabeje, pajumexaniataneme Jesús peliwaisi. Paxanëbeje-ata saya patonacuenebajëbeje wajatuxanenë Jesucristo pacuenia pane-itorobabeje.
6 Bajarapacuenia, patacatsipaebixae Jesús peliwaisi, xanë copiaya beta-ubinë bajarapaliwaisi panejamatabë-ëthëtota. Apolos pijinia cotocaewi bepetsimata-epacaponaenë merata, pematatsënëa paliwaisianë pacatsipaebapona pewajënaeyabelia. Itsiata baitsi jane, Dioso juwia-exanapona bajarapaliwaisi panejamatabë-ëthëtota, panejamatabëcueneliwaisiwitsabaponaenexa pijacuenejawalia.
7 Bajaraxuata, ponë pe-ubinë, ponë-ata petsimata-epacaenë najëpaeya apo-ayaijamatabëcuenenëbeje Dioso pitabarata. Biji rajane, caenë Dioso ayaijamatabëcuenenë daxitawecua, tsipaji bajaraPonë pacatsijamatabëcuenewitsabia-exanapona pejumeliwaisi, itsamonae papecatsipaebijawa.
8 Nexata, pajiwi copiaya tsipaeba Jesús peliwaisi, bajarapajiwi bepetsijamatabëcuene-ubiwi Dioso pejumeliwaisi. Pajiwi pijinia cotocaewi tsipaebapona pewajënaeyabelia Dioso pejumeliwaisi bajarapamonaejawabelia, bajarapajiwi bepetsimata-epacaewi, pejamatabëcuenewitsabia-exanaenexa. Saicaya penacuenebicuene xainae-ata bajarapajiwibeje Dioso pijacuenejawalia, caenajamatabëcuenejëpaecuene xainabeje. Nexata, Dioso matamotsianatsi caenë canacujitsia saicaya petonacuenebimatamo.
9 Paxanëbeje raja Dioso pijacuene patatonajuanacuenebinëbeje. Paxamë raja pijinia Dioso bepapijapabimë, itsajota paxanëbeje panebarë-ubaponabeje Dioso pejumeliwaisi.
Bajarapijinia pacuenia, Dioso bepapijabomë, paboxanetod paxanëbeje patonacuenebaponajëbeje.
10 Nexata xanë, Dioso pijabonexa, tatotsiwajënaebuatsinë piatajajawa,e copiaya pejumeliwaisi patacatsipaebixae paxamëjawata. Dioso tane-asiwajamatabëcuene neyawenona bajarapacuenia tatsiwajënaejebijawa bepepotayapëtaenëcuenia bo ta-exanaejawa. Bajarapacuenia ta-exanaecujinae, Dioso tocopata itsamonae pematatsënëa pepaebaponaenexa pejumeliwaisi paxamëjawabelia. Nexata, pacuenia itsamonae petsiwajënaebuatsijawa piatajajawa pejumawereca adobetonë bacatsanapona, boyenepanajawanë penacuenebaponaenexa, bajarapacuenia exana bajarapamonae. Itsiata, pamonae cotocaewi Dioso pejumeliwaisi pacatsipaebapona, xaniawaetsia benaliwaisi-eweta pebijianaeyaniwa pabo tonacueneba Dioso paxamëtuatuajëta.
11 Bonexa piatajajawa petsiwajënaebuatsicujinae, itsajiwi-ata apocuenecaëjëpaetsi icatsia petsiwajënaebuatsinexa itsapiatajajawa, tsipaji boyenepananë bijianaejitsipa. Bajarapijinia pacuenia, copiaya patacatsipaebiliwaisi, xua jumaitsi Jesucristo yabara, bajaraxua betatsiwajënae buatsipiatajajawa. Bajaraxuata, apoxanepanae itsajiwi-ata petsipaebinexa itsaliwaisi, pejanaliwaisicuenia, becopiaya pepaebiliwaisi, tsipaji caeliwaisi bepetsiwajënae buatsiliwaisi, Jesús peliwaisi.
12 Nexata, bo piatajajawa petsiwajënaebuatsicujinae, boyenepananë pexanaenexa jiwi xaina anijacuenebeje pecanacuenebinexa; piatajawajanëta, apopiajamatabësaëjawanë-ata. Pamonae piatajawanë canacueneba, pacuenia ibotonë, oronanijawanë, palatananijawanë, penamatamotsi-ibojawanë-ata, bajarapamonae pexanaebo bajayajebi ajamatabësaë tsabiabi. Bajarapijinia pacuenia, pamonae xaniawaetsia Dioso peliwaisi cujaruba pejumetaewitsijawabelia, ajamatabëcuenesaë tsawanapae pewajënaeyabelia, pexanawanapaenexa Dioso pejitsipaecuene. Pamonae pijinia canacueneba apopiajamatabësaëjawanë, pacuenia naejawanë, patebaxutoxita, be-arroz-baxutoxita-ata, bajarapamonae pexanaebo bajayajebi apo-ajamatabësaë. Nexata, daxitabo isotota weriajawijitsipa. Bajarapijinia pacuenia, pamonae cujaruba saya pejamatabëcueneta pecapitsapaeliwaisianë pejumetaewitsijawabelia, apo-ajamatabëcuenesaë tsane Dioso peliwaisijawabelia. Bepijiayo wejamatabëcuenewerewerecaenatsi.
13 Pamatacabi Cristo patsianica, caejiwi canacujitsia cuenecanaëjëtaponaena,f peyapëtaenexa pacuenia rajutaponaejitsiatsi petonacuenebijamatabëcuene. Bajarapamatacabi Cristo yajawapatsianica isoto.g Nexata, bajarapa-isotota ëjëtaponaena penacuenebijawanë, peyapëtaeya-exanaenexa petonacuenebijiwitsijawabelia itsa canacueneba piatajajawata, itsa jume, apopiajamatabësaëjawata.
14 Daxita bajarapapenacuenebijawanë,h itsa nacopatsipa itsacuenejawa weriapaenejewa, isotota pe-ëjëtsicujinae, nexata wajatuxanenë Jesucristo rajutsiana bitso pexaniajawa, bajarapapenacuenebijamatabëcuene.
15 Itsiata baitsi jane, bajarapanacuenebijawa isotota itsa toweriapaenatsi pe-ëjëtsijawata, nexata wajatuxanenë Jesucristo apoxainae tsane xua yabara pexaniajawa rajutsijitsiatsi. Penacuenebijawa toweriajawi-atatsi, itsiata penacuenebinë aponaxuabi tsane Diosowecua. BajaraPonë bepeyasipitsapaenë tsane isoto.
16 ¿Paxamë tsaja apopayapëtaemë Dioso papijatemplobocuenemë,i Espíritu Santo-ata papecatsijamatabëcuene-ecaejawa?j
17 7Bajaraxuata, pajiwi bijianaenak bajarapatemplobo, juya bajarapajiwi Dioso werebiabianatsi.l Bajarapacuenia exanaena, tsipaji pijatemplobo papeca-exanaexae Jesús papijajiwimë, caecuenia pacatsata mapanacuapijiwiwecua, saicaya paneyajawajinawanapaenexa Dioso. Bajaraxuata, apopacatoxanepanae pane-exanaejawa mapanacuapijiwi pexanaecuene,m tsipaji bajarapacuene pane-exanaejawata pabijianaejitsipame Dioso pijatemplobo.
18 ¡Bajaraxuata, Dioso pijatemplobo panebijianaeyaniwa, pëtsa paxamëyajuwënëjiwi panajamatabëcueneyamaxë-itojorobame, peyapëtaexae itsamonaewecua mapanacuapijiliwaisi pecanaëjëtsicuenia!n Biji rajane, benaexana apopeyapëtaenëcuenia mapanacuapijicuene yabaraje, juya Dioso pejumeliwaisita pecanaëjëtsinë, penaexanaenexa.
19 Daxita mapanacuapijiwi paliwaisi tsitanamatamotatsi, Diosonexa tsitanatsiquejemaliwaisitsi. Pacuenia jumaitsi Dioso pejumeliwaisibaxutota:
«Dioso cajena wecuapitsiana mapanacuapijiwi pecanaëjëtsiliwaisi, bitso peyapëtaewi-ata, juya Dioso petocopatsinexa bajarapaliwaisita penajamatabëcueneyamaxë-itojorobinexa»,o jai Dioso pejumeliwaisibaxutota.
20 Orijibia, itsabaxutota nacua-ewetsinëmi David-pijinë jumaitsi mapacueniaje:
«Pepopetuxanenë, Dioso, baja cajena yapëtane piamatamobicuene mapanacuapijiliwaisije, bitso peyapëtaewi penajamatabëxainaecuene-ata»,p jai Dioso pejumeliwaisibaxutota.
21 Dioso baja cajena pacatocopata padaxitamë najëpaeya panenamatawenonaejawa, panexainawanapaenexa. Bajaraxuata, itsajiwi-ata paxamëyajuwënëjiwi, apobenatae be-ayaijamatabëcuenejiwi, pewënajiwitonë pecujarubixaetsi, tsipaji paxanë-ata saya pajiwinë.
22 Dioso peyapëtaexae daxita panenamatawenonaejawa, panecopata paxanë, Pablonë, Apolos, Pedro, najëpaeya patacajamatabëcueneyawenonaenexa. Pacatocopatanua mapanacuaje, piasaëjamatabëcuene, petëpaejamatabëcuene, ajenapijicuene, merawiapijicuene-ata. Daxita xua Dioso pacarajuta panijajawa tsawanapae.
23 Bajarapacuenia Cristo, paxamë papijajiwimë tsawanapae papecaxainaexae, pejitsipaecuenia paneto-exanawanapaenexa. Cristo-ata rabaja pijinia Dioso xainatsi pijajiwitonëcuenia, Dioso pejitsipaecuenia peto-exanaponaponaexae. Bajaraxuata, aponacatoxanepanae wajataejawa Cristo pijajiwiyajuwënëwi, be-ayaijamatabëcuenewi Cristowecua.