Gà bàba gà ɓəzla megemir Salumun
4
1 Salumun ŋgat ka, əbay ika gər mayahaba gà mburma gà Isərayel fit tserdze. 2 Araha na gà zləm gà bàba gà ɓəzla megemir Salumun a: Azariya kəla Tsaduk, mala məbatsa duwa a Mbulum. 3 Gà Elihuref nda Ahiya, gà ɓəza Sisa, gà ɓəzla mewetse duwa, dite Yehusafat kəla Ahilud mala makasla gà wakita əbay. 4 Beneyahu kəla Yehuyada ka, mala aka miɗ gà sliwdze, gà Tsaduk nda Abiyatar ka, gà ɓəzla məbatsa duwa a Mbulum asa mbaŋa. 5 Azariya kəla Natan, ŋgat ka, mala aka miɗ gà ɓəzla makwara ahəɗ. Zabud kəla Natan, mala məbatsa duwa a Mbulum, dite ŋgat asa ka, mala meɗife à metsehe a əbay. 6 Ahisar mala makwara ga əbay. Aduniram kəla Avda, mala aka miɗ makwara gà ɓəzla megemir ndzəɗa. 7 Salumun aka dzaya, gà bàba gà ɓəzla makwara ahəɗ kurwa gər ŋgar sula ika ahəɗ gà Isərayel fit tserdze. Ku mege weke ika magər tar a, a vile a dukw mezime biy kiye ilik i huɗ mive ya, a gà əbay nda gà mburma ana i huɗ ga i ma ŋgar a fit tserdze. 8 Araha na gà zləm tar a: Ben-Hur ŋgat a kwere a gər kwite Efərayim. 9 Ben-Deker a kwere a, Makats, Salbim, Bet-Semes dite Elun àha Bet-Hanan. 10 Ben-Hesed a kwere a i Arubut, ahəɗ Suku nda ahəɗ Hefer fit. 11 Ben-binadab a kwere a gà ahəɗ gà diyis Dur fit. Məkəs ŋgar ka, Tafat dəm Salumun. 12 Baana kəla Akiliwd a kwere a ahəɗ gà Taanak nda Megiddu, àha ahəɗ Bet-Seyan ana bise nda Tsartan a. Ar ka, i gular Yizereyel. Daga ara i Bet-Seyan a, ndisl a Abel-Mahula, dite tsikw aka ahəɗ Yukmeyam. 13 Ben-Geber a kwere a ahəɗ Ramut ana i Galaad a. A kwere a gà tseke gà ahəɗ gà kwite Yayir kəla Manasse na i Galaad a, nda gà ahəɗ Argub ana ika gər kwite Basan a. Ahəɗ kwite ata ka, gà huɗ kwite iɗəm dzik ndilik (60) gà malawarayaŋa nda gà zlagam fit, gà biye hərmaga ŋa ka, magədzawaya ŋa, nda ndzemde virzegene. 14 Ahinadav kəla Iddu a kwere a ahəɗ kwite Mahanayim. 15 Ahimaats ŋgat a kwere a ahəɗ Naftali, ŋgat mbaŋa ka, aka zla Basmat dəm Salumun aà daala. 16 Baana kəla Husay a kwere a ahəɗ Aser, nda ahəɗ Beyalut. 17 Yehusafat kəla Paruwa a kwere a ahəɗ Issakar. 18 Simhi kəla Ela a kwere a ahəɗ Bendzamen. 19 Geber kəla Uri a kwere a ahəɗ Galaad ahəɗ kwite Sihun əbay gà Amuriya nda Ug əbay gà Basan. ika gər gà mburma ata kurwa gər a sula ta kwere a gà ahəɗ ata ya ka, batsah mala makwara ahəɗ ka, ilik ana ika ahəɗ Yahuda ya. 20 Gà mburma gà Yahuda nda gà Isərayel ka, tar mawuba ŋa hinne kamala hewyeŋ ana i dulwa ya. Ti zime a dukw mezime, ti se a dukw mese, tar i maŋgayaba.