Yesuwa 19

Kwiye ahəɗ gà gwala Simeyun

1 Masula tsetse ana ta ge a ya ka, a dəɗ aka gà ɓəza gà gwala Simeyun.

Təv meleke tar ka, ika magər ahəɗ gà ɓəza gà gwala gà Yahuda. 2 Təv meleke tar ata ka, gà huɗ kwite Beer-Seva, Seva, Mulada, 3 Hatsar-Suwal, Baala, Etsem, 4 Eltulad, Betul, Hurma, 5 Tsiklak, Bet-Markavut, Hatsar-Susa, 6 Bet-Levawut, Saruhen. Gà huɗ kwite ata ta gaw ba fit ka kurwa gər ŋgar makər (13) nda gà kwite ana ta mbeye a tar aaha ya. 7 Ayin, Rimmun, Eter àha Asan. Gà huɗ kwite ata ta gaw ba fit ka, faɗ (4) nda gà kwite ana ta mbeye a tar aaha ya. 8 Ta ŋgat asa ka, gà kwite ana tə lawara gà huɗ kwite ata fit a, tsikw a Baalat-Beer, ana tə zalawar Rama ana i gular a.

Taŋa ka, təv meleke gà gwala Simeyun, kə̀la aà kəla məkəs a. 9 Təv meleke gà ɓəza gà gwala Simeyun ka, tə sas a tar ka, aà ahəɗ gà gwala gà Yahuda ya, aɗaba ahəɗ gà gwala Yahuda ka, a beha biy tar, aɗaba taŋa na təv meleke gà ɓəza gà gwala Simeyun ka, a da a bəŋa biy gà gwala gà Yahuda ya.

Kwiye ahəɗ gà gwala Zabulun

10 Məmakər tsetse ana ta ge a ya ka, a dəɗ aka gà ɓəza gà gwala Zabulun, kə̀la aà kəla məkəs.

Kwiye təv meleke tar a da ka, tsikw a Sarid. 11 Kwiye ŋa a da nda gwa, a Mareyala, a ləm a Dabbeshet, dite a da tsikw aka dulwa ana ser aka Yukneyam a. 12 I Sarid ka, kwiye ŋa a bəɗ aba nda kadwa, tsikw aka kwiye Kislut-Tavur, a ndiɗik dər gər a Daverat, dite a tsəl a Yafiya. 13 I fata ya ka, kwiye ŋa a da nda kadwa, ndara mada a Gat-Hefer nda Itta-Katsin. A da a Rimmun, dite a mbəɗ aba tsikw a Neya. 14 Kwiye ata a bəɗ aba ndaka tseke are yam Hannatun, dite a da tsikw aka tulwah Yiftah-El, 15 àha gà huɗ kwite Kattat, Nahalal, Simrun, Yideyala dite Betelehem. Gà huɗ kwite ata ta gaw ba fit ka, kurwa gər ŋgar sula (12) nda gà kwite ana ta mbeye tar aaha ya.

16 Taŋa na təv meleke gà ɓəza gà gwala Zabulun, kə̀la aà kəla məkəs a, gà huɗ kwite tar ata, nda gà kwite tar ana ta mbeye a tar aaha ya.

Kwiye ahəɗ gà gwala Issakar

17 Məfaɗ tsetse ana ta ge a ya ka, a dəɗ aka gà ɓəza gà gwala Issakar, kə̀la aà kəla məkəs.

18 Kwiye ahəɗ tar a da ka, nda Yizereyel, Kesullut, Sunem, 19 Hafarayim, Siyun, Anaharat, 20 Rabbit, Kisiyun, Evets, 21 Remet, En-Gannim, En-Hadda àha Bet-Patsets. 22 Kwiye ŋa a ləm a Tavur, a Sahatsima, a Bet-Semes, ndisl a Yurdan. Gà huɗ kwite ata ta gaw ba fit ka, kurwa gər ŋgar ndilik (16) nda gà kwite ta mbeye a tar aaha ya.

23 Taŋa na təv meleke gà ɓəza gà gwala Issakar kə̀la aà kəla məkəs a, nda gà huɗ kwite tar ata, nda gà kwite tar ana ta mbeye a tar aaha ya.

Kwiye ahəɗ gà gwala Aser

24 miìzləm tsetse ana ta ge a ya ka, a dəɗ aka gà ɓəza gà gwala Aser, kə̀la aà kəla məkəs a.

25 Kwiye ahəɗ kwite tar a da ka, nda Helkat, Hali, Beten, Akəsaf, 26 Allammelek, Amad, Misal. Nda gwa ka, kwiye ŋa a da tsikw a Karmel nda Sihur-Livnat. 27 I fata ya ka, kwiye ŋa a mbəɗ aba nda kadwa, a Bet-Dagun, tsikw a ndze a Zabulun nda tulwah Yiftah-El ana ndaka tseke are yam Bet-Emek, nda Neyiyel a, a ndiɗik gər nda Kavul, ndaka tseke are yam, 28 a da a Evrun, Rehuv, Hammun, dite a Kana, a da tsikw a batsah huɗ kwite Sidun. 29 I fata ya ka, kwiye ŋa a mbəɗ aba ndara a Rama, tsikw a huɗ kwite Tir ana malawaraŋa nda zlagam a, a da ndara a Husa, Mahalev, Akziv ndisl aka Batsah duluv. 30 A mbəɗ aba a Umma, Afek, nda Rehuv. Gà huɗ kwite ata ta gaw ba ka, dzik səla gər ŋgar sula (22) nda gà kwite ana a mbeye a tar aaha ya.

31 Taŋa na təv meleke gà ɓəza gà gwala Aser kə̀la aà kəla məkəs a, gà huɗ kwite tar nda gà kwite tar ana ta mbeye a tar aaha ya.

Kwiye ahəɗ gà gwala Naftali

32 Mendilik tsetse ana ta ge a ya ka, a dəɗ aka gà ɓəza gà gwala Naftali, kəla məkəs aà kəla məkəs a.

33 Kwiye ahəɗ tar a gəs ka, daga ara i Helef a, gəsara ika batsah dizl ɗaf ana i Tsaanannim a, a da nda Adami-Nekev, nda Yavneyel, tsikw a Lakkum, ndisl a Yurdan. 34 Kwiye ŋa a mbəɗ aba nda gwa, a Aznut-Tavur, a da a Hukuk. A ləm aà ahəɗ Zabulun ana ndaka tseke gular a, dite a ləm aà ahəɗ gà Aser ana nda gwa ya, nda kadwa ka, kwiye ŋa a ləm a Yahuda, a da tsikw a Yurdan. 35 Gà huɗ kwite ana malawaraŋa tits lele nda zlagam a ka, Tsiddim, Tser, Hammat, Rakkat, Kinneret, 36 Adama, Rama, Hatsur, 37 Kades, Edreyi, En-Hatsur, 38 Yirun, Migdal-El, Hurem, Bet-Anat, nda Bet-Semes. Gà huɗ kwite ata ta gaw ba fit ka, kurwa gər ŋgar tswiɗ (19) nda gà kwite ana ta mbeye tar aaha ya.

39 Taŋa na təv meleke gà ɓəza gà gwala Naftali kə̀la aà kəla məkəs a, gà huɗ kwite tar nda gà kwite tar ana ta mbeye a tar aaha ya.

Kwiye ahəɗ gà gwala Dan

40 Matəsəla tsetse ana ta ge a ya ka, a dəɗ aka gà ɓəza gà gwala Dan, kə̀la aà kəla məkəs.

41 Kwiye ahəɗ meleke tar ka, Tsureya, Estawul, Ir-Semes, 42 Saalabbin, Ayyalun, Yitla, 43 Elun, Timna, Ekrun, 44 Elteke, Gibbetun, Baalat, 45 Yehud, Bene-Berak, Gat-Rimmun, 46 yam Yarkun, nda Rakkun, dite gà ahəɗ ana ta mbeyeha a Yafa ya.

47 Ama ahəɗ gà ɓəza gà gwala Dan ka, tàa kəzala aà tar a. Tsam ka, tə da à mege guvəl aà Lesem. Tə zla ahəɗ ata, ta bats gà mburma ana mandzaŋa iɗəm a fit nda masalama, a ne meleke tar. Tə ndza ba aɗəm a fata, ta vəl zləm Dan batsah tsir tar a Lesem. 48 Taŋa na təv meleke gà ɓəza gà gwala Dan kə̀la aà kəla məkəs a, gà huɗ kwite tar nda gà kwite tar ana ta mbeye a tar aaha ya.

Ahəɗ meleke Yesuwa

49 I təv ana gà Isərayel tə ndəv aà madzaya ba gà ahəɗ gà kwite nda madzaya ba aɗəm kwiye ya ka, ta vəl təv meleke ŋgar a Yesuwa kəla Nun a, ika magər tar. 50 Kamala ana BATSAH kwa ŋa a gwa ya, ta vəlar ka, huɗ kwite ana a wiz a: Huɗ kwite ata ka, Timnat-Serah, ika ahəɗ ana ika gər kwite Efərayim a. Yesuwa a mà à huɗ kwite ata aà mbulum, a ndza aɗəm a fata.

51 Gà taŋa na, gà ahəɗ meleke ana mala məbatsa duwa a Mbulum Eliyazar, Yesuwa kəla Nun a, dite nda gà bàba ŋa ana ika miɗ gà ɓəza gà gwala gà Isərayel a, tə dzaya ba nda mege aaka tsetse ika miɗ BATSAH kwa ŋa, ika biye hərmaga ga petek mayahaba gər i Silu a. Kərga taŋa ya, na tə ndəv aà masasaya ba ahəɗ kwite Kanana ya.