Yesuwa 16

Kwiye ahəɗ gà gwala Efərayim

1 Araha na tseke ahəɗ ana ta vəl a gà gwala Yusufa nda tsetse ya. Kwiye ŋa a gəs ka, i Yurdan, bise nda Yeriku a, nda kadwa biye yam ana i Yeriku a. Kwiye ŋa a da nda dala kusak ana a tsəlara i Yeriku a, ndaka gər kwite Betel a. 2 Kwiye ŋa a da i Betel a, a Luz, a ndiɗik gər a Atarut huɗ kwite gà Arkiya. 3 I fata ya ka, kwiye ŋa a tàr nda gwa, aka kwiye gà Yafelitiya tsikw aka kwiye Bet-Hurun ana nda bəɗ a, dite tsikw a Gezer, a da tsimiɗ aka Batsah duluv. 4 Taŋa ana təv meleke ana gà ɓəza Yusufa, gà Manasse nda Efərayim ta ŋgat a.

5 Araha na ahəɗ gà gwala Efərayim, kə̀la aà kəla məkəs ta ŋgat a.

Kwiye meleke tar a da ka, nda kadwa, a gəs i Atarut-Addar a, tsikw a Bet-Hurun ana nda kadwa ya. 6 Kwiye ŋa a ndiɗik gər ndaka Batsah duluv. Ndaka tseke are yam ka, kwiye a da nda Mikmetat, a mbəɗ aba nda kadwa, ser a Taanat-Silu, a slala pakw nda Yanuwa a kadwa. 7 I Yanuwa ya ka, kwiye ŋa a tàr a Atarut, dite a Naara, a da tsim a Yeriku, a ndiɗik dər gər tsikw a Yurdan. 8 I Tappuwah a ka, kwiye ŋa a tàr a gwa, a zazam dər dulwa Kana, tsimiɗ aka Batsah duluv.

Taŋa ka, təv meleke ana ta vəl a gà gwala Efərayim a, kə̀la a kəla məkəs a. 9 Tàa dza aaka a gà gwala Efərayim, gà huɗ kwite nda gà kwite ta mbeye a tar aaha ya, ika magər təv meleke gà gwala Manasse asa mbaŋa. 10 Ama gà mburma Efərayim ka, tàa dalawa gà Kananiya ana madzaŋa i Gezer a tsa. Gà mburma ata ka, haa mbakum tar mandzaŋa ika magər gà gwala Efərayim. Tàa neye gà ɓele tar.