Kwiye ahəɗ ga gwala Yahuda
15
1 Araha na tseke ahəɗ ana ta vəl a gà gwala gà ɓəza Yahuda nda tsetse kə̀la aà kəla məkəs aà kəla məkəs a. Kwiye ŋa a da ndaka tseke gular, ser aka kwiye Edum, tsim aka kusak Tsiŋ ndaka tseke metsimiɗ tsimiɗ gular.2 Ndaka tseke gular ka, kwiye tar a gəs ika metsimiɗ tsimiɗ duluv Məməta, daga ika arah ŋana a da ser nda gular a. 3 A ndiɗik gər ndaka tseke gular matsəla a Akərabbim, a da ndara a Tsiŋ, dite a tsəl ndaka tseke gular Kades-Barneya. A da i fata ya, a Hetsərun, a tsəl a Addar, dite a tiwlik ba a Karka. 4 Kwiye ata a da nda Atsmun tsikw aka dulwa Ezipt aà mada aka Batsah duluv. Araha na kwiye ahəɗ tar ana ndaka tseke gular a.
5 Kwiye ŋa nda kadwa ka, duluv Məməta, a da tsikw a təv ana yam Yurdan a ndabawa dər a duluv ata ya.
Ndaka tseke are yam ka, kwiye ŋa a gəs i fata ya, a da tsim aka metsimiɗ tsimiɗ Yurdan. 6 I fata ya asa ka, a tsəl a Bet-Hugula a da ndaka tseke are yam Bet-Arava, dite a tsəl dər tsikw aà gurum Buhan kəla Ruben. 7 A tsəl a Devir, a da ndaka tulwah Akur, dite a tiwlik ba ndaka tseke are yam a Gilgal, ana ser aà metsile Adummim ana ndaka tseke gular dulwa ata ya. I dəba ŋa ya a da ndaka gà biye yam ana i En-Semes a, tsikw a En-Rugel. 8 I fata ya ka, a tsəl ndaka tulwah Ben-Hinnum ndaka tseke gular diyis Yebusiya, kamala megweɗe ya ka, Yeruzalem. I dəba ŋa ya, kwiye ŋa a tsəl tsikw a gər kwite ana nda gwa, ser aka tulwah Hinnum a, ndaka metsimiɗ tsimiɗ tseke are yam tulwah gà Refaya ya. 9 Ara ika gər kwite ya ka, kwiye ŋa a da tsikw aka biye yam ana i Neftuwah, a ndiɗik gər nda gà huɗ kwite, kwite Efrun, a da ser nda Baala ana tə zalawar Kiriyat-Yeyarim a. 10 I Baala ya nda gwa ka, kwiye ŋa a mbəɗ aba a kwite Seyir, a slala i kwite Yeyarim ana ndaka tseke are yam, tə zalar Kesalun a, a tar a Bet-Semes, dite kwats a slala a Timna. 11 Kwiye ata a ndiɗik gər nda girdzidzih Ekrun ndaka tseke are yam, a da ndara a Sikkarun, a slala nda kwite Baala, a da tsikw a Yavneyel, ndisl aka Batsah duluv.
12 Kwiye ana nda gwa ya ka, Batsah duluv.
Taŋa ka, gà kwiye ahəɗ ana tə dza a gà gwala Yahuda kə̀la aà kəla məkəs, aà kəla məkəs, a lawara tar a.
Ahəɗ ana Kalep a vəl a dəm ŋgar a
13 Tə sasar a Kalep kəla Yefunne ka, aà ahəɗ bəŋa biy gà gwala gà Yahuda ya, kamala ana BATSAH kwa ŋa a tsik a Yesuwa ya. Ta vəlar ka, Kiriyat-Arba, ana tə zalar, Hevrun a. Arba ka, batsah tsir Anak. 14 Kalep a dəgəz i huɗ kwite ata ya ka, gà ɓəza Anak aaha makər a: Sesay, Ahiman, Talmay. 15 A da i Hevrun a, aka gà mburma ana mandzaŋa i Devir a. Akahər ŋa ata tə zalawa a Devir ka, Kiriyat-Sefer. 16 Kalep a gwa: « Wele ana aka ge guvəl aà gà Kiriyat-Sefer, aka zəm a ka, i vilere a ɗəm gà Aksa aà daala. » 17 Utiniyel kəla Kenaz, damər Kalep a zəm ahəɗ kwite ata. Kalep a vəlar dəm ŋgar Aksa aà daala. 18 A ndzeha a bəra Utiniyel tsara ka, a gwaɗar: « Wiz guvah ilik aà dede gà. » A ndabara ika hezweŋe ŋgar a, Kalep a gwaɗar: « Kà waya ana dukula? » 19 Dəm ata a gwaɗar aaka: « Giŋ ŋgwal te, aɗaba varavada ahəɗ ana kà viliŋ nda gular a ka, makula ŋa, dziŋ gà biye yam mbaŋa. » Kalep a dzar gà təv biye yam ana i kadwa ya nda na i gwa ya.
Gà huɗ gà kwite Yahuda
20 Taŋa ka, gà ahəɗ gà təv meleke ana tə dza a gà gwala gà Yahuda kə̀la aà kəla məkəs a.
21 Araha na gà huɗ kwite tar ana ta mbeye ndaka tseke gular a, ika metsimiɗ tsimiɗ ahəɗ gà gwala gà Yahuda ndaka kwiye Edum a: Kavtseyel, Eder, Yagur, 22 Kina, Dimuna, Adada 23 Kades, Hatsur, Yitnan, 24 Zif, Telem, Beyalut, 25 Hatsur-Hadatta, Keriyut-Hetsrun, tə zalar Hatsur a, 26 Amam, Sema, Mulada, 27 Hatsar-Gadda, Hesmun, Bet-Pelet, 28 Hatsar-Suwal, Beer-Seva, nda gà kwite ana ta mbeyer aaha ya, 29 Baala, Iyyim, Etsem 30 Eltulad, Kesil, Hurma, 31 Tsiklak, Madmanna, Sansanna, 32 Levawut, Silhim, Ayin, Rimmun. Gà huɗ kwite ata ta gaw ba fit ka, dzik səla gər ŋgar tswiɗ (29) nda gà kwite ana ta mbeyer aaha ya.
33 Ika ahəɗ kwite ana a mbe a bəɗ a ka: Estawul, Tsureya, Asna, 34 Zanuwah, En-Gannim, Tappuwah, Enam, 35 Yarmut, Adullam, Suku, Azeka, 36 Saarayim, Aditayim, Gedera, Gederutayim. Gà huɗ kwite ata ta gwa ba fit dze ka, kurwa gər ŋgar faɗ (14) nda gà kwite ana ta mbeyer aaha ya. 37 Tsenan, Hadasa, Migdal-Gad, 38 Dileyan, Mitspe, Yukteyel, 39 Lakis, Butskat, Eglun, 40 Kabbun, Lahmas, Kitlis, 41 Gederut, Bet-Dagun, Naama, Makkeda. Gà huɗ kwite ata ta gwa ba fit ka, kurwa gər ŋgar ndilik (16) nda gà kwite ana ta mbeyer aaha ya. 42 Livna, Eter, Asan, 43 Yiftah, Asna, Netsiv, 44 Keyila, Akziv, Maresa, Gà huɗ kwite ata ta gwa ba fit ka, tswiɗ (9) nda gà kwite ana ta mbeyer aaha ya. 45 Ekrun, gà huɗ kwite ana a kwere a ya, nda gà kwite ana ta mbeyer aaha ya. 46 Gà huɗ kwite nda gà kwite ana ta mbeye aaha a Asdud ana ika magər gà Ekrun nda Batsah duluv a fit. 47 Asdud, gà huɗ kwite ana a kwere a ya, nda gà kwite ana ta mbeyer aaha ya. Gaza, gà huɗ kwite ana a kwere a ya, nda gà kwite ana a mbeyer aaha ya fit, tsikw aka dulwa Ezipt, dite tsikw aka Batsah duluv ana a ne kwiye ya.
48 Ika dala gər kwite ka, gà huɗ kwite Samir, Yattir, Suku, 49 Danna, Kiriyat-Sanna ana tə zalawar Devir a, 50 Anav, Estemuwa, Anim, 51 Gusen, Hulun, Gilu. Gà huɗ kwite ata ta gaw ba fit ka, kurwa gər ŋgar ilik (11) nda gà kwite ana ta mbeyer aaha ya. 52 Asa ka, Arav, Ruma, Eseyan, 53 Yanum, Bet-Tappuwah, Afeka, 54 Humeta, Kiriyat-Arba ana tə zalawar Hevrun a, Tsiyur. Gà huɗ kwite ata ta gaw ba fit ka, tswiɗ (9) nda gà kwite ta mbeyer aaha ya. 55 Dite asa ka, Mayun, Karmel, Zif, Yutta, 56 Yizereyel, Yukdeyam, Zanuwah, 57 Kayinu, Giveya, nda Timna. Gà huɗ kwite ata ta gaw ba fit ka, kurwa (10) nda gà kwite ta mbeyer aaha ya. 58 Asa ka, Halhul, Bet-tsur, Gedur, 59 Maarat, Bet-Anut Eltekun. Gà huɗ kwite ata ta gaw ba fit ka, ndilik (6) nda gà kwite ana ta mbeyer aaha ya. 60 Kiriyat-Baal ana tə zalawar Kiriyat-Yeyarim a, Rabba, gà huɗ kwite ata ta gaw ba fit ka, sula nda gà kwite ana ta mbeyer aaha ya.
61 I dala i kusak ka, gà Bet-Arava, Middin, Sekaka, 62 Nivesan, Ir-Melah, En-Gedi. Gà huɗ kwite ata ta gaw ba fit ka, ndilik (6) nda gà kwite ana ta mbeyer aaha ya.
63 Ama, gà Yebusiya ana tar mandzaŋa i Yeruzalem ka, gà ɓəza Yahuda tàa sle aà madəgəza tar tsa. Gà mburma ata ka, tar riŋ mandzaŋa ika magər tar haa mbakum.