Gà əbay ana Musa a bats tar a
12
1 Araha na gà əbay ana gà Isərayel ta bats tar, tə ndzaka gà ahəɗ gà kwite tar a. Gà ahəɗ gà kwite ata ka, ndaka tseke lide Yurdan ŋgiɗ ana nda kadwa ya, gəsara i dulwa Arnun a, tsikw a kwite Hermun, dite ndaka tulwah Arava ana nda kadwa ya.2 Sihun əbay gà Amuriya ana a ndzawa i Hesbun a, a kwara ɗa, mezehe ahəɗ tulwah Arnun gəsaha i Aruwer a, àha nda mezehe ahəɗ Galaad, tsikw aka dulwa Yabbuk ana a ne kwiye kwite gà Ammuniya ya. 3 A kwara ɗa asa ka, ahəɗ tulwah Arava, gəs ika duluv Kinneret a, ndaka tseke are yam, tsikw a Yurdan, tsikw aka duluv Məməta nda kadwa, ser a Bet-Yesimut, dite ndisl aà girdzidzih sik kwite Pisga nda gular.
4 Ug əbay Basan, ŋgat ilik na a zeha i liwiŋ gà gwala gà Refaya. Ŋgat a ndzawa ka, i Astarut dite i Edreyi. 5 A kwara ɗa gà ahəɗ ana ika gər kwite Hermun a, Salka, ahəɗ kwite Basan fit, tsikw aka kwiye gà Gesuriya nda Maakiya nda mezehe ahəɗ gà Galaad, tsikw aka kwiye mekwere Sihun əbay gà Hesbun. 6 Musa mala meslire BATSAH kwa ŋa nda gà Isərayel, tàa zəm ɗa ahəɗ gà əbay ata sula ya piŋŋe. Musa mala meslire BATSAH kwa ŋa, a dzaya ba gà ahəɗ kwite ata a gà gwala Ruben nda Gad, dite nda mezehe gwala Manasse ŋgiɗ aà meleke tar.
Gà əbay ana Yesuwa a bats tar a
7 Araha na gà ahəɗ kwite gà əbay ana gà Yesuwa nda gà Isərayel tə zəmaya ndaka tseke Yurdan ŋgiɗ ana nda gwa ya, gəs i Baal-Gad ana i tulwah Liban a, tsikw a kwite Halak ana tsəl nda Seyir a. Yesuwa a dzaya àba ahəɗ gà kwite ata a gà Isərayel, kə̀la aà gà gwala tar. 8 Araha na gà ahəɗ gà kwite ata ya: Ahəɗ ana ika gər kwite ya, ahəɗ kwite ana i bəɗ a, tulwah Arava, gà ahəɗ ana a girdzidzih ŋa ya, nda kusak a, dite gà varavada ana ndaka tseke gular a. Na a ndzawa ika gà ahəɗ ata ka, gà Hittiya, gà Amuriya, gà Kananiya, gà Perizziya, gà Hivviya nda gà Yebusiya.
9 Araha na gà əbay ana Yesuwa a zəmaya gà huɗ kwite tar a:
Əbay gà Yeriku, əbay gà Ay ana bise nda Betel a,
10 əbay gà Yeruzalem, əbay gà Hevrun,
11 əbay gà Yarmut, əbay gà Lakis,
12 əbay gà Eglun, əbay gà Gezer,
13 əbay gà Devir, əbay gà Geder,
14 əbay gà Hurma, əbay gà Arad,
15 əbay gà Livna, əbay gà Adullam,
16 əbay gà Makkeda, əbay gà Betel,
17 əbay gà Tappuwah, əbay gà Hefer,
18 əbay gà Afek, əbay gà Lasarun,
19 əbay gà Madun, əbay gà Hatsur,
20 əbay gà Simrun-Merun, əbay gà Akəsaf,
21 əbay gà Taanak, əbay Megiddu,
22 əbay gà Kades, əbay gà Yukneyam ana i Karmel a,
23 əbay gà Dur ana ika diyis Dur a, əbay gà Guyim ana i Galile ya,
24 dite əbay gà Tirtsa.
Ta gaw ba fit ka, gà əbay dzik makər gəra ilik (31).