Yesuwa
Məpata à duwa
Wakita Yesuwa a riŋ a ɗife a dər a ka, meme na gà Isərayel tə da tə dza aka ahəɗ Kanana ya. Gəsara nda kadwa ya tsikw a gwa ka, ahəɗ kwite ata ka, ika magər gà Batsah duluv nda dulwa Yurdan. Daga ara ika tseke are yam a tsikw a gular ka, a gəs ika gà kwite Liban a, tsikw aka varavada ana ndaka tseke gular a (Negev). Akahər ana gà Isərayel tə dara ika ahəɗ Ezipt a ya ka, BATSAH kwa ŋa Mbulum gà Isərayel aka mbər megweɗe a tar a tə vile ter a ahəɗ kwite ata.
Ta wetse wakita aaha ka, aka gər Yesuwa ana ŋgat mala mazlaka Musa ya, dite meme na a zla təv mendze Musa, aà makəva gà Isərayel a, aɗaba taŋa na tə zal a wakita aaha ka, wakita Yesuwa ya. Zləm ata ka, kamala megweɗe ya: BATSAH kwa ŋa ka, mala məmbala aà mburma.
Masasa ikaba wakita ya
Gà Isərayel tə da aka ahəɗ kwite Kanana, tə zla ahəɗ kwite ata 1–12
Yesuwa a dzaya aba ahəɗ kwite ata a gà gwala gà Isərayel, kamala ana BATSAH kwa ŋa a gwa ya 13–22
Magəsa masla ana ta gəs i Sehem a, nda mandəvandəv mandza a bəra Yesuwa 23–24