Məpala ahəm aka gər gà mawur
‹ Na bəla məkəs aka ŋgat kəla, a wa asləka ŋa ka, məkəs ata aka ne dukw zlaŋgatsak mehinne təsəla, kamala ana a ndzara nda gà meŋge huɗ a. 3 Aà mehinne matsamakər ŋana ka, ti sese a kəla. 4 I dəba ŋa ya, məkəs ata a bebe a mehinne dzik makər gər ŋgar makər (33), dukw zlaŋgatsak məmbəz ŋgar ana a dara ihər, akahər mawa kəla ŋgar a ka, aka ndəv ihər a. Akahər mawur ŋgar ka, a lime a aà gà dukw ana tsəɗaŋŋa ya tsa, ku mege mada a ga ana tsəɗaŋŋa ya tekeɗe ya. 5 Na bəla məkəs ŋa a wa, dəm ŋa ka, aka ne dukw zlaŋgatsak hiywe biy kwaskwa sula kamala ana a ndzara i meŋge huɗ a. I dəba ŋa ya, a veve a mehinne dzik ndilik gər ŋgar ndilik (66). Tsam ka, dukw zlaŋgatsak məmbəz ŋgar ana a dara ihər a, akahər ana a wa kəla ŋgar ata ya, a de a ihər a.
6 I dəba ana ahər mendze i dukw zlaŋgatsak ŋgar aka ndəv a ka, i dəba mawa kəla ŋgar ana a wa asləka ŋa, kige tsa dəm ŋa ya ka, məkəs ata a de a təv mala məbatsa duwa a Mbulum, aka biye hərmaga ga petek mayahaba gər. A giseraha kəla hagwala ana mive ilik a, aà məvəla dukw matawala fəla ana tə dulawa ya, nda kəla huɗgum, kige tsa maadagwar, aà dukw matawala fəla məpəla à bakal. 7 Mala məbatsa duwa a Mbulum a petehe a à gà dukw ata a BATSAH kwa ŋa. I dəba ŋa ya, a ge a gà dukw ana ta gewa dər a, ika gər məkəs ata ya, biy məpəla à bakal ŋgar. I dəba gà dukw ata ya ka, dukw zlaŋgatsak məmbəz ŋgar ana a dara ihər a, a de a ihər a. Taŋa ka, gà məpala ahəm ana aka gər məkəs ana aka wa kəla asləka ŋa, kige tsa dəm ŋa ya.
8 Na ndzəɗa aà məkəs ŋa, a sle a aà maŋgata kəla təmaŋ tsəka, a geseha gà maadagwar sula, kige tsa gà ɓəza huɗgum sula. A vile a ɗiyeŋ ŋgiɗ ilik dukw taf ŋa biy matawala fəla ana tə dulawa ya, dite biy ŋgiɗ aaha dukw taf ŋa, biy matawala fəla məpəla à bakal. I dəba ŋa ya, mala məbatsa duwa a ge a dər ga dukw ana ta gewa dər a, ika məkəs ata ya, biy mazla ikəka bakal ŋgar a, dukw zlaŋgatsak a ge a à məkəs ata asa tsa › . »