siitampayt
2
1-2 kafoot!
oot dexema poldaaynu heka Yesus kristosenne iyy kapop orqudi qapamaaynu et qaapannishshane,
ikkim,
afa himann shoke lelin inni lelantep shoke innu kapa hitayman tsaafantep kodan "lashsh poldat pai" kidan shakar kida naha diinnintanenne qaapaayn nayqisa diinnintanessin inn dinkamannin.
3 aynonno akkan shkkooh nafenn innass inpaasin.
maana maalla,
turiqattaass helpaan op Mooha marmanninan paxa,
siitampayt hin kahanem ifadusinnishshonno deya male,
amm lashsh hin deyntamu.
4 siitampayt settenno hin op Mooha kidiyanenne Mooha kodanniyan ishoomanniyan dahenn qareell mashshayy kaanisaann,
"antu Mooha" kidan man miilot heka Mooha talli laxinnina.
5 se antu inn kapa kiyyo sed inn lelaawu immashshi oorsannishshanemu?
6 helpaan siitampayt hin uqqalli akkaanninu paisa male,
ikkim iyyat ammann inxakkaanniness,
iyaan tur dawuriy ikkim maana koddenes heuftan.
7 erkama siita ammannenno deketi erkawsama qara kiyyan;
hekoddu male ammann iyy,
iyy tur dawriyyu kiyy,
hin koddinu,
hak hin tur dawuriyu allkiddinos kida.
8 sekanna siitampayt se Yesus poldat laaffot kapayy qalle sohannishshonne kaanusa dexemayyatin allpatinninu deyina.
9 siitampayt hin deyinu irrot seetsanatin iyaan nam shamusinniyanne ishaakaddaanne yeeshutt patin nam dapusinniyu erkannina. a
10 settep lamm erkamaan nayq erkasaann orr se allipatinu eepumusinnin.
orr hin iyyaa maalla allipatinanenno,
oot iyyaa shaakket dina qarin iyyaan paintu qeedatta hoxsatta diiyen maalla kida.
11 sed minan Moohot ikkim eerpa amaaninaness,
irrot patin iyyaa dapusinnishshu iyyaa qarop hitina.
12 hin koddinan,
orr se shaakket amaana hittiyy illo juppotin masmasiyyu dahenn qarass ikkim horat quuramintoss kida.
orr dina pahisam
13 inn iyyaan poldat inn hoxsaanniyyu,
kafoot!
inn minann helpa mitt Mooha aypisatta innu fadusinnin;
innu maalla aypisanninkinnu,
inn laaffot miilotin miilaaynenne shaakket amaanan ikkim dinintaness,
oot Moohot husslah uumama tureeshsh inn pahisad maalla kida.
14 lel masmasunt se innu inni lel minann,
Moohot ikkim serka poldaaynu heka Yesus kristoos akkannintan inn hemb.
15 semmaalla kafoot!
qima ella,
kollilaan innu lellenne hitaym innu inni tsaafin qimiya qapadaa.