hitaym bawloos shokkiyya
tsimotoosess
kaalt
helitt kirstaanish tsimotoos kidamiyyu, hussaayy issiya se tinnaxa qalle kodd, inkoshiyy ayhutishet, appaayy lamm kirikishsh kida. iyyat bawloosess kayishayy iyyaa ollin erkanniyanenne hitaym lel masmasuntatesenno qarqaarsampaytayy deh kida.
hitaym shokkiyya hin bawloos tsimotoosi tsaaf, qunda halpatt qarass qiminnin.
shokkiyyot se, "kollila eerpa hin maapar kristaana ila sohad qara illushadu!" kidishu kida. kollila hin pakatiddu heka orr ayhutat, pakatiddu lamm iyaan qaap siip pil uqqalle kiyan kida. settenno, "oot husslah hin akkaanniyyu iyy juppotan allnayqaad kodd maalla, dinatta akkattot fottamiyu, ufunat hawikishshu alldekantenne dama karadonne orqeeda qara illushatta" se kidishu sheeht kodattaan kida.
lakkiyyot, oot halitt pexashila maapar kristaanaatenne heka Mooha shoomattaat kida; settep lamm sinkiyya maapar kristaanaatenne hesaymiyaaddu kiyyat ashshann kishshu qafnaatta ikkim fadosinnishu.
halpattiyyot, ikkim tsimotoos erkamampayt kristoos idikka kodda fottinonne inkaasawisama se iyyat maapar kristaanat qapot korsa se bawloos dayyin akkinnin.
hin matsaafa sed qalle kiyy
kaalt 1,1-2
oot erkamampayya maapar kristaana 1,3�3,16
kollilaan oot erkamampayyaat tsimotoos daasam 4,1�6,21.