hitaym bawloos lakkiyya
tsimotoosess
kaalt
hitaym lakkiyya hin bawloos tsimotoos tsaaf. korsa bawlooset tsimotoos helitt se qarqarsampaytaayy kodd iyy olle erkanniyyu dayy uqqalle kiyy. iyyat ikkaan kors, ikkim duupattan qiminos kida. korsaanne kokkokkila hin tsimotoos akkad, oot Yesus kristoos ikkim amaanaman lelinos kida. lamm lel masmasuntatenne kollila kaka pahayya ikkim qiminninu qapanninossenne et rakkotanne qarhittisamot qari lekiyan nafenno, erkamaanne kollila lel masmasuntatin ikkim qiminos kida.
karkutt tsimooses helila daassamen, ikkim shiittaan qunda dap heka eepum ketta sekaanninos kida. shiitta hinep kikkiyy orr se dakayiyyu allpatisa pateesh iyaan uqqalle akkaanniy amm hekiyyanemu.
paana sedenn iyaan tsimotoos immashsh qafnaata iyy fadusinniy, kiyyat bawloosenne qaap kallatatenne karakutt amaanteshayyenne, duupattaayyenne, hoxsunshayyenne, qimussaayyanne rakkot se iyyat kannixarsamiyyo iyy qari paitt ikkim paahnat kodanninu kann anninos kida.
hin mastaafa sed qalle kiyy
kaalt 1,1-2
korsa tsimotoos daassam 1,3�2,13
helpa rakkotate nam amaanam kodda 2,14�4,5
helpaanettes halitt daassam 4,6-18
kaysila 4,19-22.