hitaym bawloos shokkiyya
orr teseloonqetess
kaalt
teseloonqet peashila rooma qalle huss se meqtooniya kidamiyoss saparan kaan kida. bawloos, sapara filibisiyose sohad kanna teseloonq qalli maapar kristaana ellashiy. hekoddu male oot siip hin amaantet ayhuta qeeddatta dikkisad hitaym kristaanum se bawloos kollinniyyu kendop dehaaden maalla, orr ayhuta maxashanuman bawloos qari shiitta sohashiyen. semmaalla bawloos teseloonq alldiiy illo sapara periyaatep anta sohad. iyyat jawshay ell kanna sapara qorontoosenn paxi illo helpaan tsimotoos se qarqaarsampaytaayy kodd teseloonqeesh mitaate, esseteeh hin maapar kristaana ila koddasham illel.
bawlooset maalla hitaym shokkiyya orr teseloonqet tsaaf, kristaana qimisaassenne kokkokkisaass kida. iyyat oot amaanteshaddotenne hoxsunshaddot ishaamaani dikk dakayaayyenn Mooha aypisannin. helpaan bawloos otanshaddu qalli akkaade ikkim kallaat ashshann kishshu kallaad iyyaa llelin. sekkannakuless kaassiyadani oot dexema kirstooset dehaadess mitaattila daannin. kaassiyadaanettenno iyaan, "kristaanish kristoos mitaata turin toy, kiyyat parpar se mitaata kristoos minan akkaannishshu qootanninamu? kristoos etanne deyina?" kikkidiy kida. bawloos sed minann, "dexema kristoos luushattete hak setteti dui kidaa illo erkamoonn erkayyaa" hekidin iyyaa korsin.
hin matsaafa sed qalle kiyy;
paanussa 1,1
ayplaanne masmasunt bawloos 1,2�3,13
korsa kallat kristaana 4,1-12
kollila oot dexema kristoos 4,13�5,11
korsa muutayta 5,12-22
kaysila 5,23-28