hitaym bawloos shokkiyya
orr teseloonqetess
1
1 maapar kristaana heka sapara teseloonq hin orr Mooha heka appaatenne heka pold heka Yesus kristoos koddess,
bawloosenne sillaasenne tsimootos kapa hitaym hitam;
has dikkanne andot inni koddenii.
aypilaane masmasunt bawloos
2 helpa min innu Mooha dinkamanninkinno,
immashshassin inn oorsannin illo ootaayn dahenn aypila Mooha dehannin.
3 erkama amaanteshaynetenne hin inn hoxsuntin erkannishshanenne irraxatet se inn poldaaynu Yesus kristoosin qaftan duupattan lushattaayn orrakanna mita malen moohaaynu appaaynu turi qaapannin.
4 inn iyyaan moohan hoxsasham kafoot,
Moohot inn pahisattaayy henxufn.
5 maana maalla,
lel masmasunshaynu irrotanne laaffot miilotanne qalliqaapatta kaanenn inn kapop dey male,
amm lelanneehamu.
helpaan innu inn olle kinno inn maalla ikkimin ashshann kallaann heuftan.
6 helpaan rakkot lekit inn qari paitt nafenno,
oot inn masmasunt se laaffot miilot kapin akkaatin lelaayy qeeddatten maalla,
iyyaan paahnat pold hekat yesusenne hekashaynu kanni anniyy kodditen.
7 semmaalla orr Mooha hin meqtooniyaanne akkaaya qalle kiyy dahennessenno paahnat dikkat kodditen.
8 lel pold inn kapa sohad dakaysamaad,
meqtooniyaanne akkaayaaseeh kodda male amaantet se inn moohan qaftan por hexikketess ufunashant.
semmaalla innonno oot sedet akkan shokkooh naf lela amm innu fadusinnishshamu.
9 lamm helpaan innu inn kapop deine ikkim inn ashshann innu qeeddattenenne Mooha kiyyatatenne Mooha shaakki erkasa tsootsa ketta ikkim ashshann por moohaatep mittaatten orr hin mashshaddoss innu lelin.
10 settep lamm meetaayy Yesus,
se Moohot toxt ila sohashshiyy,
se jiiayta se deyiyyu kela innu dininninu,
moontalleett ikkim ashshann lushannishshanenno leliyyan.