hitaym bawloos
orr qolaasiyaatess
kaalt
hitaym hin thaafam, maapar kristaana se sapara qolaasiya hin efesoon se issiya se tinnaxa qalle kishshoss dind lashsh yaamishooll kiyyoss kida. mapar kristaana sedess iyy lel masmasunt lela hir amm bawloosemu. hekoddu male oot iyyat efesoneesh orr lel masmasunt leliy hitiyu maalla, qolaasiyaasessenno kaadum qapa kida. maapar kristaana heka qolaasiyaase kollisampayya eerpampayya iyyaan, "Mooha ufunaataassenne dina ituri akkattaass, namat mashamshayyess irrampaya laaffotatessenne hayyotas shoomatta fadusinnin" kidiyy kinnaataaddu dakay. akkanshakkan lamm kollisampayyayin kidiyyan, "nam mashshimashshayy tampawaani karasamaap kikkiyass piddamaanne tampawa damaatenne hepilanno luushatta fadusinnin" diyy kida.
bawloos hitaym sed tsaaf, kollila kristaana hin shaakket kodd dehasan kollila eerpa shiittaass kida. ishaamaayyanno, "Yesus kristoos dina ituri koddinu daannin, amaantet piletenne erkamaan kollisampayya eerpa kollinniyan lamm iyy ketta nam sekannin." iyaan kidiyy kida. Moohot kristoosen husslah uum; iyy kapann lamm porayyep hembin; siip husslah irraxatet dina qafinaaninu, mutsuraallel kristoos amaananneeh kida. paana sedenn, bawloos kollilayn qim kiyyat orrr amaaniyyu ilass ikkim ashshann fursama fottinan ufunaytinnin.
iyy tikiqos se hitaym sed bawloos qara qeeddad qolaasiyaap inxanta hitam olle kiyyu onasimos koddaayy innu lelin. bawloos lamm oot aylet sed onasimos kidamiyot hitaym pil filimonass tsaaf kida.
hin matsaafa sed qalle kiyy
kaalt 1,1-8
qaap kristoosenne erkamaayy 1,9�2,19
kristoosenn kiyyat awshittet 2,20�4,6
kaysila 4,7-18.