hitaym bawloos
orr filibisiyoosess
kaalt
bawloos hitaym sed tsaaf, maapar kristaana se peashila orr rooma qalle paat se meqtooniya kidamiyyu qalle filibisiyoose kiyyoss kida. maapar kristaana hin, iyy se bawloos huss awuropa qalli turiqatta ellashiyy kida. hitaym hin tsaafam, helpaan bawloos man hidanate kiyyo, erkamampayya kristaana shakkan kapeesh shiitta iyy qari paiyenenne kollila eerpa hin maapar kristaana heka filibisiyoos talla sohad minan mutsuraayy dappiyene kida. hekoddu male oot bawloos amaantet qint Yesus kristoos qara qapu maalla, hin hitaymaayy ila dikkinniy akkaanniy, masmasuntanne irraatet kaant kida.
bawloos hitaym sed turaqatta maalla tsaaf, oot kristaana filibisiyoos helpa rakkoshayyete iyaan iyy fadusinniy iyy hiten maalla, iyyaa aypisattaass kida. iyy qarassenno koddo iyyaa qarassenno rakkot hawhaw kishshu paittu nafenno, ikkim huura diinninanenne irraatet qafnaanninaness paana sedin iyyaa kokkokkinnin. foojanne ippeepa alldiittan ikkim dippatum Yesus kristoosin innaakoonninaness qiminnin iyyaa qaapusinnin. iyyaa kiyyat akkaaden, Yesus kristoos olle laaffotin shakkanooh koddaan kida. setteno daayy Mooha se iyyaa amaantetin qeeddaden male, tampet kaysisan kodda diittaadd iyyaa ufunaytinnin. andotanne masmasunt se Moohot orr se Yesus kristoos olle senan kallaanniyyu daanniyonno tsaaf.
hitaym hin inxufnashamiyu, kristoosin masmasuntanne irraatetanne ollin kinnaattaanne amaantet kristaanumatenne kiyyatin qima ikkaan akkisaann kida. uqqarass lamm bawloos hoxsunt se kaant iyyat maapar kristaana se filibisiyoose kiyyu qapu ufunaytinnin.
hin matsaafa sed qalle kiyy
kaalt 1,1-11
iyaan bawloos uqqalle kiyyu 1,12-26
paahnat kiyyat kristaanum 1,27�2,18
qaap ittureesh tsimotoosenne efratitsu qaapawusam 2,19-30
shiittampayya amaantet qara illushatta 3,1�4,9
aypilanne korsa bawloos kristaana filibisiyooset dehayy 4,10-20
kaysila 4,21-23.