hitaym bawloos
orr efesoonetess
kaalt
hitaym hin bawloos orr efesoonet tsaaf, heikk qareell iyyat qari qimiyyu qaap se, "qaap Mooha et hooraan paxane uuma se moontanne hussalle kiyyu dahenn orqudop qapan hayyotum kristoos keli kodaass" (1,10) kidiyyu qarass kida. settep lamm Yesus kristoos olle koddaan ikkim namat dahenn shokkooh koddinossenne qaap sed kaan ikkim erkama qara nakanninan siip Mooha qaapusisaass kida. hitaym efesoon qalle tsaafampayt turiqattaass, sheeht se iyyat oot shokkohumat hirad qallipaldasaan, Mooha appat ikkim ashshann siipaayy pahisadenne meetayy Yesus kristoosenn diissama jupposhaddu akkattan ikkim ashshann aylum kela passadenetenne lel irraxatet hin kaant laaffot miilotin ikkim ashshann patpahit ufunaytisaan kida. lakkiyaass lamm tsaafampayt hinett orr se waarusinniyyu shokkohum kiyyashaddu se iyyaa kristoos olle qapan ikkim shaakket koddintu ikkim ashshann kallaatta iyyaa fadusinnishu qaapusinnin.
orrat shokkohum se iyyaa kristoosin qapanenn ikkim ashshann ollin kiyyan paahnat hawhaw kikkishshonn helelam; maapar kristaana qum dakintatep koddisho, kristoos lamm qum mashsh dakint settet kida; maapar kristaana qum man dihametep koddisho, kristoos lamm qum qapayya man settetep kida; maapar kristaana qum inkotatep koddisho, kristoos lamm qum appaatep kida. helpaan tsaafampayt daayy Mooha se kristoosin ufunasham qaapanniyo ishaamaan qimen dehannin. iyyat heikk tooyiyyu, hoxsunt kristoosenne laaqqa koddaayenne diissama se iyyat daanniyonne dikkumooyyanne andoshoyy olle tooyaan kida.
hin matsaafa sed qalle kiyy
kaalt 1,1-2
kristoosenne maapar kristaana 1,3�3,21
kiyyat awshittet kristoos olle 4,1�6,20
kaysila 6,21-24.