olli hesa
6
1 kafoot!
et namat patin dapan nayqunt kodo inn iyyaan laaffot moohaatin kiyy nam sedep kiyyu kard paldawusattan pahiyaa;
att lamm ekkawusama sedep kiyyu qalli sunka tura illushadu.
2 inn ila nam shokku haisot nam shokku hehaiyyu;
paana sedenn halitt kristoosi kaysinnintan.
3 aynonno akkan iyyat nam pil kapa inxaaku qafnaatta male,
et "nam shokku qaran taw" kidiyyu qaapanniyyu koddo,
mashshayyess iissi paasin.
4 nam mashshayyi erkamooyy tooyu,
sekanna oot nam pilat kodda male iyaan iyyat mashshayyi infojinu akkannina.
5 maana maalla,
nam nam haisotayy haisatta iyy fadusinnin.
6 nam lel se kolliyyu,
kollisampaytayy olle akkan dikk dahenn qootadu.
7 patandapa diiyyaa;
Mooha qari beejjiyyatta diiyyaa;
namat iyaan iyyat seyinniyyu oyhannina.
8 nam sohooyy masmasusisa seyinniyyu erkama sohooyy ila toxt oyhannina;
lamm iyy laaffot masmasusisa seyinniyyu erkama laaffot ila kiyyat parparat oyhannina.
9 erkamaan dikk erkasa melakkaluma diinnaa;
etin irraxatet all quura diinnu,
helpaan paxane,
se innu seyininn oyhanninhinaa.
10 etin helpa akkanno nam heikketes,
karakutt orr se amaaniyyos iyyaan dikk erkannaa.
korsaanne paanussa muutayta
11 fitaladda ashshann kakkaanenn ikkimin antu harkaawun sed inn tsaaf tooyadaa!
12 orr hin ikkim karrasamintan inni koomiyy iyyaan patallel afa iyaan dikkap kinnaatta akkaatta fadiyy kida;
iyyaa maalla sedep kodiyyan,
masqalet qari rahhama kristoos minann kann arsamot iyyaa qari paxa tura kida.
13 iyyaa karrasamaaynin foja maalla ikkim karrasamintan fadin male,
iyyaan karrasam nafenno mashshaddoss amm halitt lushanniyyanemu.
14 masqalet qari rahhama poldaaynu hekka Yesus kristoos pateeshsh hepilin fooja an kenda hesekaadu;
masqalet sedenn husslah an ketta hereehad;
ananno husslah ketta henreehad.
15 Yesus kristoosenn uuma awshitt kodda fadusinnin male,
karrasamaanno karrasama diittaanno amm akkan shokkooh naf padawiyyamu.
16 orr tampet sed kanni anniyy dahennessenne siip israaelet se kaf Mooha koddess andotanne diisama koddenii.
17 oot ishaak kaypama hin dakinshawu qara kiyyu erkamampayt kristoos koddaawu akkinniyyu maalla,
sed kanneeshsh nam shokkooh naf an rakkusisa diiyyu.
18 kafoot,
has dikk heka poldaaynu heka Yesus kristoos inn olle kinnaadu!
ameen.