hitaym bawloos lakkiyya
orr qorontoosetess
kaalt
hitaym lakkiyya hin bawloos orr qorontooset tsaaf, helpaan kafum se iyyat maapar kristaana se qorontoose kiyyu olle qapu rakkot ila kiyyo kida. orr maapar kristaana sett ila karatiddu iyy ifanniyan nafenno bawloos araarsan deya ikkaani fadaayy akkinnin. helpaan hin koddiyane lamm masmasunt kaant idakaysamaattaadd ufunaytinnin.
hitaym sed qara turaqattaass bawlooset oot kafum se iyyat maapar kristaana se qorontoose kiyyu olle qapu akkisaann, tuffinnaanne shiittaan maapar kristaana sett ila sohadess ikkim iyyat maana maalla mitaatila qim dayy ufunaytinin. sed olle qapan korsaayy se qimenn por nayqunt qara mitaataatenne por araarsaatep iyyaa tur qeeddaayyenn masmasunt se iyy dakaysamaatt iyyaa ufunaytinnin. ukannass lamm maapar kristaana se huss yihuta qalle kiyyu qarqaaraass, ikkim has dikkin daanninaness iyyaa qaapusinnin. haysotadda muutayta qara bawloos kisset se nam hitaym koddaayy minan iyy qari dehaattess iqara mitaattila daannin. maapar kristaana se qorontoose kiyyo orr karatiddu nam hitaym shaakk ikkodaan bawloos nam hitaym heka eerpaat hekidin iyy kasasin.
hin matsaafa sed qalle kiyy
turiqatta 1,1-11
bawloosenne maapar kristaana heka qorontoos 1,12�7,16
kristaana se yihuta kiyyoss qarqaarsa se kodam 8,1�9,15
iqara oorilaan bawloos nam hitaym koddaayy dehayy 10,1�13,10
kaysila 13,11-14.