hitaym bawloos
orr kalaatiyaatess
kaalt
lel masmasunt hin Yesus dinisampayt koddaayy ishaamiyyu, por heikket lelamiyo oot orr ayhuta kodda diiy qeeddattan anniyyan maalla, otant kristaana se kalaatiya se issiya tinnaxa peashila rooma qalle kiyyu ila kaassiya, "kristaana koddaass halitt muus kaysisa fadusinninmu?" kidiyyu sohad. bawloos lamm, "kristaana koddaass sheeht, amaantetateeh kida; amaantet seden namat Mooha turi tsilluma akkannin." hekidin.
bawloos hitaym sed kalaatiya tsaaf, orr se kollila hin minan shurshur por amaantet pahitepanne kiyyat kristaanum qarop mitaattisasss kida; bawloos nam hitaym heka kristoos koddaayy patpahisaann hirannin; hin nam hitaym kodda iyy hemb, nam kodda male Mooha koddaayyenne hitamaayyenno orr se ayhuta kodda diiy kapop koddaayy ufunaytinnin. lamm haysot muutaytada qalles, kiyyat kristaanum it hoxsunt se Yesus amaana ila deyshu koddaadd ufunaytinnin.
hin matsaafa sed qalle kiyy
kaalt 1,1-10
nam hitaym koddaass hayyotum bawloos 1,11�2,21
lel masmasunt heka dikkuma Mooha 3,1�4,31
shay kallaatta kristaanumatenne inkaassawsama 5,1�6,10
kaysila 6,11-18.