korsa muutaytaatenne paanussa
13
1 antu inn kapop deyiyyu ammann halpattiyaawu kida;
qum matsaafot,
"heikk ishshaahamanniyan maanyet lakk shoke halpattann" kidiyyop.
2 antu lakkiyya inn kapop aane qarin qimiyy inni lel.
ammann lamm antu por seka kiyyonno hin tureeshsh juppot erkayyenne shakkanassenno qimininkiy lelin kida;
etin ammann inn kapop mitaato,
amm aynossenno mutsuroonninhinamu.
3 hin koddinan,
oot inn kristoos an ilin ishaamaayy ishshaaka fadishshan maalla;
hin otanshayn ila akkaanniyyu irroshayy male amm tashshoshayyemu.
4 iyyat tashshotann masqalet qari rahham toy koddonno ammann irrot moohaatenn kiyyatann kallaannin;
innonno iyy olle tashshampayyan koddin;
kafum se innu inn olle qafnonn lamm iyy olle irrot moohaatennin kiyyatin kallaannin.
5 inn mashshayn iyyaan amaantetin kallaanniy koddaayn ittooyaa;
mashshayn ixishshaakaa;
kristoos inn ila kiyaattaayy inxuftanemu?
hin inkinnekuless ekkawusamaalle hessunkiten kida.
6 innu lamm ekkawusamalle sunka diittaaynu hexuftanin kidin irrayyin.a
7 ikkim iyaan nayq erkasa diinnintanessennon Mooha dinkamin;
innu dinkaminkinnu,
iyyaan ekkawusama ili sunka diinniy koddaaynu akkisa kodda male,
etin innu afan ekkawsamaalli sunkinep tooyaminu nafenno,
inn ikkim iyaan dikk erkannintaness kida.
8 innu shaakketassin erkannin male amm shaakket qari akkan koda fottinhinnamu.
9 etin innu tashshampayya koddinkinnu inn lamm iyaan qiqim koddishshane innoss dikkaannin;
dinkamaannu ikkim inn haasutta male kinnaannintaness kida.
10 antu inn ketta sekaad sed inni tsaafiyyu,
helpaan antu inn kapop deyo ikkim antu hayyotumaawu inn qarass inxakkinniness kida.
poldat hayyotum sed ani dayy,
inn qimisaass male amm inn purjaajusisaassemu.
11 sedeeshsh kafoot,
andot inni kodditu;
kallashayn pahisadaa;
korsaawu qeeddadaa;
mashshamashshayni olli senaa;
andotin kallaadaa;
Mooha hoxsuntatenne heka andot inn olle kiyaannina.