hitaym bawloos shokkiyya
orr qorontoosetess
kaalt
hitaym shokkiyya bawloos orr qorontoos tsaaf, maapar kristaana se iyyat qorontoos hir talla rakkot se kiyyatanne amaantet kristaana minan sohatt furisa qaapattan kida. helpaanette qorontoos sapara kiriki iyaan kaan heka husslah dahenn koddenne peashila rooma hin akayiya kidamiyas saparaan kaan kida. sapara hin nakat kaannenne kallat pahaytetanne kallat yayyumat uqqalli lekan anniyonne lekusa amaantetatin iyaan ufunasham kida.
karkutt bawlooset qari qiminniyyu, oot qalliqootama se maapar kristaana ila kiyyatenne, oot yayyumatenne, oot arpalumatenne, oot orqeeddaatenne, oot kaassiyy qaap ila sohanniyotenne oot halitt maapar kristaanaatenne oot dayy laaffot miilotatenne oot toxt ila sohattaat kida; settep lamm iyyat kaassiyaddayn qari qimaann lel masmasunt sed ikkim maana ikidishu helilan dehannin.
matsaafa sed qalle haysot hundann halpattiyya hin "hoxsunt" dayyadaan Moohot siipaayy dayy qara tawunaattaadd ufunaytinnin. haysot sedenno siip lekenn ufunashamin.
hin matsaafa sed qalle kiyy
kaalt 1,1-9.
qall qootama kristaana 1,10�4,21.
yayumanne kallat dikk 5,1�7,40.
kristaanaanne orr kristaana kodda diiy 8,1�11,1.
kiyyat maapar kristaanaatenne halitt Mooha shoomatta 11,2�14,40.
toxt ila sohatta kristoosenne heka orr amaan 15,1-58.
qarqaarsa se kristaana yihuta kiyyu daassam 16,1-4.
kaysila 16,5-24.