qarqaarsa kristaana yerusaaleme kiyyu poham
16
1 oot qarqaarsa se kristaana pohamiyyoti,
halitt se antu maaparadda kristaana heka kalaatiyaati dayyin innanno erkayyaa.
2 helpaan antu deye qarqaasa se poha kapeeshsh namat mashshmashshayi tappaalle lashsh hiraytaate (uhute) qum qafnatay mitti ulli haayu.
3 antu inn kapop deyon qarqaarsa se orr inn pahitten qari yerusaalemep hitaymaawu olle hitina;
4 ikkimin ananno ullop anninu et fadusinniyyo,
an olle anninan.
qaap bawloos erkama erkasa qapu
5 oot antu meqtooniyan tarpa anta qaapad maalla,
etin ullaashsh mitaatiyyo itturassiin inn kapop deyina;
6 ikkim por antu anniyyop dahenn qarqaarsa ani kodintaness inn kapi olatta fottinhina;
saapaass helpa kashannaatenno inn olle tarpisa fottinhina.
7 ammann antu tarpiyyo itturi inn kaassatta amm henfademu;
et poldat kido helpa lek inn kapi olattaass irraxatetin qap.
8 hekoddu male haka serkila lashsh hund heniyaatessin efesooni olannina.
9 maana maalla,
kaalt erkama lek qaftu ani qahisam;
hekoddu male shiittampayaa lek kiyy.
10 helpa tsimootos inn kapop deyo ikkim huura male inn kapi olanninu qarqaaraa;
iyyat qumaawop erkama poldi erkannine.
11 semmaalla nam iyy tuffatta diiyyu.
ikkim an kapop deyinu oot antu kafaaynu olle iyy luushiyyu maalla,
a hak an kapop andotin mitaatinu qarqaarsa fadusinniyyu ikkodaa.
12 ikkim kafittaannu abiloos kafaddaannu shakkan olle inn kaassanninossin qimiy dinkam makess;
hekoddu male iyyat amm ammann inn kapop deya hefademu;
hor et issento deyina.
korsa muutaytaatenne paanussa
15 kafoot,
orr man istsifaanos iyyaan akkayaalle turaqatta amaan koddaaddonne orr amaan qarqaara iyyaan itarpiyy day koddaaddu heufutan.
kafoot,
ikkim sed erkannintanessin inn dinkamannin,
16 orr iyyaap kikkiyyanne iyyaa olle erkasa payyahiyy dahenness acacamaa.
17 dexema istsifaanosenne fertonatsisenne akayqosenn henmasmas;
maana maalla,
helpaan inn kinnaatta diittene,
iyaan an qoj anass kaysiyyen.
18 iyyaa ananno innanno haysiyyen.
semmaalla orr sedep kiyyu serkiyaa.
19 maaparadda kristaana hin issiyaalle kiyy paanussa inni dehannin.
aqilanne birisqillanne maapar kristaana se manaaddu orqudi qapamiyyonno ikkaaness mahh poldatin paanussa inni dehannin.
20 kristaana are kiyyanno dahenn paanussa inni dehannin.
dinkishsh miilin orrdinkan paanussa orrqara kaasadaa.
21 antu bawloos paanussa hin harkaawonnin tsaaf.
22 nam Yesus kristoos pold hoxsatta diinniyyu et kinnaado iotam koddu.
poldaaynu,
hooyii.
23 has dikk heka pold heka Yesus kristoos inn olle kinnaadu.
24 hoxsunshawu Yesus kristoosin dahetayn olle kinnaattu.
ameen.b