shayy kallaatta kristoosin kiyyu
5
1 shaynu kallaattaas kristoos aylum kela innu sohashshiyy;
semmaalla qimaa ellaa;
lakkiyya qampar aylumatin qapama diiyyaa.
2 antu bawloos innassin kidine,
"et karrasama innu fadusinnin" kiditan karrasantan koddo,
kristoos maana inni kodina?
3 nam karrasama fadiyyu,
"halitt dahenn kaysisa iyy fadusinnin."
henkidin qar oorin inni lelin.
4 inn iyyaan halitt lushattan tsilluma fadiyy dahenn kristoos ketta herreehatten;
dikkuma Mooha kettaanno hessekaatten.
5 innu lamm laaffot moohaatennin irraxatet tsilluma amaantetin lushannin.
6 Yesus kristoosin kallaata koddo,
amaantet hoxsuntin akkannishshooh male,
karrasama koddu karrasama diittaanno amm awuta heqapanemu.
7 feelantaann hedikka makess;
kat ikkim inn shaakketass inxacacamini aynu inn dawur?
8 sossopaan sedep kiyy amm Mooha se inn hemb kapa deyenemu.
9 hin qum op,
"jarayt jawshiyy pukeessa dahenn harusinnin."
kidiyyanep kida.
10 hekoddu male ikkim qaap sed pateeshsh hepil qafnaatta diinnintanessin amaanteshawu pold qari haayad;
nam inn shurshurinniyyu aynonno koddo horatayy qeeddannina.
11 kafoot!
hin antu hak ammaneti leliyyu,
"dinaass karasama fadusinnin" etin kidiyy kida,
maanaass hak ammanneti an kann arinnaayen?
et sedep kodd kid masqalet qari rahhama kristoos kohayt orr koddaayy hataayy kida.
12 ammann orr hin inn shurshurinniy et hinnaadane karrasamaah kodda male kunaaytanno koddenii!
13 kafoot!
inn shayn kallattaas hembanten;
hekoddu male hoxsuntin olli erkayyaa male shayy kallaattaayn hadat sohaatin kaysisa diiyyaa.
14 halitt dahenn,
"nam dahenn qum att ihoxsaannishshop hoxsaadu."
kidaan lel shokkoohin kaysaannin.
15 hekoddu male,
mashshimashayni et orqaqqaninnishshan orrdamishshan koddo,
ollin pata tura illuushadaa.
kiyyat laaffotatenne hekat soha
16 antu lamm kidinkiyyaa,
laaffotin mimmitaataa;
hadat soha kaysisa diiyyaa.
17 soha iyaan laaffot hittinnishshu;
laaffot lamm iyaan soha hittinniyyan hadannin,
iyaanno mashshaddoss orrshiittin;
semmaalla hin inn fadishshan erkasa amm fottihhintanemu.
18 lamm et laaffot inn tur qeeddishsho amm halitt kannaatt kinnaannihhintanemu.
19 erkama soha iyaan patpah kida;
iyyaanno,
arpalum,
oshshumanne erkamaan nam deesanniyy,
20 tsootsa shoomatta,
kodoosh,
olishum,
shiitta,
maxshannum,
jiiayta,
ihoxsaatta,
rehaytet,
nam qari sohatta,
21 toqayt,
taarot,
liilt male hasayykoddaanne hinep kikkiy kida.
qum antu tureeshsh lelep ammannenno innassin lelin,
orr hin erkanniyy amm daamum Mooha tayinanemu.
22 lamm qunda laaffot miilot:
hoxsunt,
masmasunt,
andot,
duupatta,
dikkuma,
lahalattum,
amaanama,
dippatum,
itur tooyatta kida.
23 halitt hin qar hittinniyyu amm hekiyyamu.
24 orr heka kristoos kodd,
soha hadat se nayqatenne hinnataddu olle allrahhen.
25 etin laaffotin kallaanninkinno lamm laaffotin mimmitaatinaa.
26 mashsh mashshaynu orqari sossohattanne olli maxashshanuman aypoti fooja diinnaa.