erkama bawloos siip ayhuta kodda diiyyess
3
1 semmaalla antu bawloos,
inn siip ayhuta kodda diiy minannin Yesus kristoos maalla nam hidam kodd,
Mooha inni dinkamin.
2 ikkimin iyaan dikk inni kodinos Moohot daayyaayy erkaman erkasa ani daattaayy hedakayten.
3 qum antu turaqatta paana hummaxin inni tsaafep,
hin dekam Moohot raaetin ani akkiyy.
4 se antu inni tsaaf,
helpa waarusinnishshane hin dekam oot kristoos ashshann ikkim antu qalltayisad ishaaka fottihhintan.
5 hin dekam,
qum laaffot Mooha ammann orr hitaym miilampayyaanne himampayya miilampayyaass akkittep,
amm orr se sapan olote kiyyass heakkaadenemu.
6 sedenno akkinniyyu,
siip ayhuta kodda diiy ayhuta olle taymampayyaanne meella dakint shakkaah koddaan irraxatet se Moohot dayyess lel masmasunt kapin Yesus kristoos olle kinnaattan iyyaan qootan qap koddaaddu kida.
7 daayy dikkumooyy hin Moohot erkama irroshayyetin ani dayyennin ananno lel masmasunt sedeti erkamampayt kodd.
8 an se miilampayya dahenn kannaatt iyy tinnaxa kodd nafes shorokum kristoos se heel dap ikkimin siip se siip ayhuta kodda diiyyi ishaaminoss daayy Mooha ani daassam.
9 settep lamm sapan se tarpe lel se deket kodd Mooha se dahin uum kapi dekametess,
qaap Mooha ikkim maana kodd nam heikketi lelaass daayyat ani daassam.
10 hin maalla sedep kodd,
ammann lamm maapar kristaana kapin peashisampayyaanne hayyot moontalle kishshu qallxishaaka Mooha se hawhawi kikkiyyu ikkim ufunaanninaness kida.
11 sedenno,
qum qaapaayy heka parpari se iyyat poldaaynu Yesus kristoos kapin kaysiyy qarass kida.
12 heka kristoos koddaaynu maallanne iyy amaanaaynu minann amaantet iyy qari haayattaannin huura male Mooha turop dehaatta fottinna.
13 rakkot hin antu inn minin qeeddanniyyu serkaanna kida;
semmaalla rakkoshawu minan ikkim inn irraxatet all inquurinessin inn dinkamannin.
hoxsunt kristoos
14 semmaallan Mooha appa turi kilpan qullattan dinkamin kida;
15 iyy kapa orr man hin moontallenne husslah qara kiyy dahenn mashshamashshaddu mahhaddu akkanninan.
16 ikkim Moohot laaffoshayy kapin shorokum serkaayy qara irrot qallinhaat inn qiminnintu inni daanninossin Mooha dinkamin.
17 settep lamm ikkim kristoos amaantetin mutsuraann qalli kallaanninu,
innanno hittin torpannintan hoxsuntin qimintanessin Mooha dinkamin.
18 lamm palduntanne sekunt,
erreel deraattaanne qalleet sekaatta hoxsunt kristoos it ashshann kishshu koddaadd miilampayya dahenn olle qallqaapatta ikkim fottintanessenne
19 hoxsunt kristoos se ufunat nam qareell kishshu ikkim ufunaannintan illo iyaan heka Mooha kodd dahennin innaakoonintanessin Mooha dinkamin.