5
1 dakinshaynu hin qum tunkaan husslahatep kishshu et pulpulamto,
man hark namatin dihama diiy,
innu parpari ulli kallaanninu Moohot soorum qafnaattaaynu henxufn.
2 innu tunkaan sed ila kinno,
dakint moontall uwattassin darrayin taajamin.
3 etin dakint se uuwanno amm patpatt kinnaanninhinn akkaanninnamu.
4 innu tunkaan sed ila kallaanninkinno innu qarass hursaannin innu intaajamin;
innu maalla taajaminkinnu,
ikkim kiyyat iyaan toyiy limintu innu dakint moontall uuwanninoss male amm pat fursamaassin fadimu.
5 iyy qaap sed maalla innu dikkiyy Mooha kida;
hin innu daassamina dahenness ikkim qaptet koddinu iyy laaffotayy innu dayy.
6 semmaalla hakin innu husslah qara sohan kinnu pold ketta sekaattaaynu etin ufnaannu nafenno,
helpa mitt irraxatetannin kallaannin.
7 maana maalla,
innu kallaanninkinnu amaantetan male amm iyy akkaannemu.
8 oot innu sed irrayinkinnu maalla,
dakint sed ketta reehatta pold olle kallaattan fadin.
9 semmaalla etin sohan kallaannu shoke ketta reehannonno qaapaannu pold masmasusisaass kida.
10 maana maalla,
helpaan namat husslah qara kiyyatin kiyyo iyaan dikk shoke iyaan nayq iyyat erkayyess qum erkamooyy mitt heriyayy qeeddattaass dahaynun sheedda horat kristoos turop dehaanninna.
11 semmaalla,
pold huurot maana koddaayy oot innu ufunu maalla,
ikkim orrat amaaninanessin sootin;
moohaanno shaakketass innu hexup;
innanno qaapayn qalleet innu heuftanin kidin irrayin.
12 ikkim orr se hin mutsuraalle kiyin kodda male hin akkaanniyin foojiyass mitaattila daatta fottintanessin,
innun fooja paana inni akkinnin male,
amm qar oora ootaayn iaypisaassemu.
13 etin yaarayya koddinonno,
oot Mooha maalla kida;
etin iyyaan qaap qap koddinonno,
inn maalla kida.
14 kristoos nam heikketi toyaayyenne seminan namat dahenn toxshayy qootattayy oot innu ishaakin maalla,
hoxsunt kristoos ikkimin erkanninnoss innu koomin.
15 orr hin kiyyatin kiyy dahenn ikkim iyy se ootaaddu toyenne toxt ila sohadi kallaanninaness male,
ikkim iyyaa sedeeshsh mashshaddoss inkallaanniness kristoos oot nam heikketi toy.
16 semmaalla ammanneeshsh hiran amm qaap sohaatin nam tooyinhinnamu;
sed tureehsh settepin kristoos tooyn makess,
sedeeshsh lamm amm sedep kodinhinnamu.
17 semmaalla,
aynonno et kristoosin kinnaado uuma awshitt kida.
akkan pahayt kodd hetarp;
toare,
awshiyyaa kodd.
18 hin dahin kodden ,
Mooha se iolle kristoos kapin innu araarsenne erkama araarsa innu dayyen kida.
19 settenno Moohot kristoosenn siip husslah iolle araars kida;
amm nayqunshaddonno iyyaa qari hedihemu;
innossenno lel innu inxaraarsinnu dayy.