kristoos se masqalet qari rahham
2
1 kafoot,
helpaan antu inn kapop deye oot heka Mooha hin dekama antu ishaam,
amm ishaama fottaann shoke qallixishshaaka kaanennemu.
2 antu inn kapa kiyyo Yesus kristoos pateeshsh,
karakutt lamm masqalet qari rahhamaayy pateeshsh hepil ufunaatta diittaassin kutad.
3 antu inn kapop dey,
tashshotanne huuraanne ikkaan helshattaannin kida.
4 settep lamm ishaamaawonne kollilaawu irrot laaffot Mooha akkisaann male,
amm qallixishshaaka namatennenne ishaama mexasaannemu.
5 antu maalla sedep kod,
amaanteshinn ikkim it qallixishshaaka namatin kodda male irrot moohaatin hesant koddintoss kida.
qallixishshaaka Mooha
6 innu lamm orr se laaffot moohaatin palless qallixishaakannin ishaamin;
hekoddu male innu ishaaminkinnu,
amm qallixishshaaka husslahatenn shoke amm qallixishshaaka peashisampayya husslah hin allpatiyatennemu.
7 sekapeeshsh qallixishshaaka Mooha se dekam,
iyyat husslah uumama turin serkaannu ullidikkiyyin deketin ishaamin
8 peashisampayya husslah ila nam shokkooh naf amm sed heufunaademu.
hexufnaaden kid amm pold serka rahhaayyenemu.
9 hekoddu male,
matsaafot,
"iyaan inda nam akka diiyyen,
lappa nam dakaya diiyyen,
mutsura nam qaapatta diiyyen;
Moohot orr iyy hoxsanniyyu dikkiyy."
hekidin.
10 innoss lamm Moohot laaffoshayyen hin alldekam heakkiyy;
laaffot Mooha iyaan heka Mooha kodd qalleet sek alldekam naf hattisa male dahenn kannfuqin.
11 laaffot nam se nam ila kishshu pateeshsh aynu qaap nam upa?
settep lamm laaffot Mooha pateeshsh nam qaap Mooha upo amm hekiyyamu.
12 innu lamm iyaan Moohot patt innu dayy ufunaattaass laaffot moohaatin qeeddann male amm hekat husslahatemu.
13 innu ishaaminkinnu hin iyaa;
qallixishshaaka innu nam qara kollinin kodda male,
lel Mooha se innu laaffot Mooha kapa kollinennin ishaamin;
shaakket se heka Mooha koddit innu lelinkinnonno lel laaffot moohaatennb kida.
14 nam laaffot Mooha dapess,
oot dayy hin laaffot Mooha daanniyyu eepumap ikkinnaanniyyu maalla amm qeeddatta fottiyyamu;
kaanusa dayy sett tooyamiyyan laaffot moohaatin kodd maalla amm ishaakaanno fottiyyamu.
15 nam laaffot Mooha qapu heikket tooyin;
iyyat lamm amm namin tooyamiyyamu.
16 sedenno qum it,
"aynu mutsura pold up,
aynu iyy korsa fottina?"
kidant tsaafantep kida.
innu hor mutsura kristoosin qafna.