horat Mooha
2
1 hed se nam pil qari nayqunt quuriyyu,
mashshayt iyyaan att inpassannintu amm heqqaftamu;
helpaan att nam pil qari nayqunt quurishsho mashshaytess iqari quurin;
maana maalla,
hin att nam pil qari nayquntin quurt mitaatikishsh erkannin.
2 orr hinep erkanniy qarass ikkim Moohot nayqunshaddu iyyaa qari quurinu henxufn.
3 namalo!
et att orr hinep kiyy erkanniy qari nayqunt quurishshu illo mashshayt erkannishshu koddo,
afa nayqunt Moohot heqari quurinu kela passannintop hedi kinnaannimu?
4 shoke lekussa dikkunt Moohaatenne heikk fottaayyenne dupattaayy tuffannimu?
dikkunt Mooha ikkim juppotit hedi dakaysamaannitu att jupot qara mitaatintu hed koda koddaadd inxuftotemu?
5 hekoddu male att nayqunshayt qara mitaata diittaaytenne qaraqimaaytenn lashsh jiixayta moohaate horat shaakket quuramishsho ikkim horashitt lekintos kodin.
6 Moohot namnamass erkamooyy mittass iddaannina.
7 hin erkama dikkin kokkaad,
aypilaanne serkaanne kiyyat se pata diinnishshu fadanniyass kiyyat parparat daannina.
8 orr se akkan iyyaa koddinaah fadiy,
shaakket acacama diinniyyanne nayqunt kanni anniy qarass lamm jiiayta Moohaatenne miiraayy deyina.
9 nam se nayqunt erkanniyyu qarass dahenn,
turaqattaass orr ayhuta qarass,
settep lamm orr ayhuta kodda diiy qarass,
rakkotanne baaqur deyina.
10 hekoddu male orr iyaan dikk erkanniyyass dahenn,
turaqattass orr ayhutaatess settep lamm orr ayhuta kodda diiyess aypilaanne serkaanne andotanno iyyaa daassaminan.
11 maana maalla,
Moohot amm qariqatta erkanniyamu.
12 iyyaan halitt muus qafnaatta male juppot erkanniy dahenn et halitt qafnaatta diiyyan nafenno patinan;
hin halitt muus qafnaattete juppot erkanniy lamm dahenn halitt setten horat iyyaa qari quuraminta.
13 orr Mooha turi tsilliy,
iyyaan halitt dakayiy illo erkama qara nakanniy male,
amm iyyaan dakayiy illo erkama qara nakasa diinniyamu.
14 orr ayhuta kodda diiy halitt dap,
qaapaddon hin halitt acaciyyu kaysinnin;
sed minan,
et halitt dapan nafenno,
oot iyyaa qaapaddu ila halitt qapan maalla,
iyaan erkasa iyyaa qara fadamiya hexupan.
15 kallashaddu sedenno iyyaan halitt acaciyyu dahenn mutsuroddu ili tsaafamaaddu akkinnin;
lamm qaapaaddonno iyyaa qarass maanyet koddin;
qaapaaddu helpa karayye iyyaa sooqin;
helpa karayye lamm iyyaass hesin.
16 hin koddinan,
lashsh Moohot Yesus kristoos kapin hin mutsura nam qall dekad qari horat quurino kida.
sedenno qum lel masmasunt se antu leliyyu qarass kida.
halittanne orr ayhuta
17 toare,
att "antu ayhutishsh" hekkidin;
halittan ihhesin;
heka Mooha koddaaytennenno foojikkishsh;
18 att has Mooha hexuft;
oot att halitt kollit maalla iyaan dikk erkasa heuft;
19 att,
"antu indamalaas sinkitt;
iyyaan poorinat ila kiyyass attumat;
20 iyyaan kolla diiy kollinninkiy;
orr qaap qim dapess kollisampayt" hekkidin;
settep lamm,
"halitt ila ishaak ufunatatenne heka shaakketatin qapa" hekkidin.
21 illo hed se orr pil kollinniyyu mashshayti ikkollinnintotemu?
hed se "hasha diiyii" kidiyyu hashimu?
22 hed se "arpaluma diiyii" kidiyyu arpalumimu?
hed se tsootsa tura uuqamanniyu torpa tsootta ponqimu?
23 hed se halittin foojiyu halitt qar tarpan Mooha deesannimu?
24 sedenno qum it,
"inn ayhuta minan mahh Mooha otant orr ayhuta kodda diiy qall otamina" kidant tsaafant mittass koddit kida.
25 halitt lushatt kid,
karrasamot hedess koddaayy;
et halitt qar tarpishshu koddo lamm karrasamaat qum att karrasama diittep dihamina.
26 nam ayhuta kodda diiy illo karrasama diiy et halitt lushanniyyu koddo,
karrasama diittaayy qum karrasamaatep iddihaminnomu?
27 et att halitt tsaafam qafnaattu,
iyy karrasam kodditu illo halitt qari tarpishsho,
nam karrasama diiy halitt acacamiyyu horat hed qara quurina.
28 nam mahhanneeh ayhutish kodd amm ayhutish shaakkemu;
settep lamm karrasama iindan akkaanniyyu amm karrasama shaakkemu.
29 hekoddu male ayhutish shaakk,
iyy mutsuraallet ayhutish kodd kida;
karrasama shaakk,
karrasama mutsura se laaffot moohaatin kodd male,
amm qum se it halitt qari tsaafantep karrasama dakintatemu.
nam sedep kiyyu aypila akkanniyyu,
Mooha kapa male amm nam kapaamu.