erkama orr hitaym
kaalt
matsaafa erkama orr hitaym matsaafa lel masmasunt se Luqaas tsaaf qara sohannin. qaap matsaafa sed lamm, orr hin turaqatta Yesus kann anniyyu sinkuma laaffot miilotatin lel masmasunt se oot Yesus ishaamiyyu, "yerusaalemenne huss yihuta qalles dahenn samaariyaallessenno hak muutasha hussat" (1,8) lel masmasunt ikkim iyyaa ashshann lelen torraass kida. matsaafa hin amaantet kristaanum otant orr ayhuta talla hiraman haka amaantet siip husslah heka dahenn koddintu ikkim ashshann qallipaldaattan ant torriyyu kida. tsaafampayt kristaanata iyyaan daamum rooma shiitta deketi sulanniyy kodda diittaaddonne amaantet kristaana it amaanitet orr ayhuta ikkim kaysaannintu kodishu koddaadd ikkim namat ufunaanninoss qiminn torrin.
matsaafa erkama orr hitaym, lel masmasunt hin oot Yesus ishaamiyyu por iyyat ullan painniyu helpamina paldaattan antayyenne maapar kristaana ellashisamayy akkisaan halpatt qootamin.
1. amaantet kristaana moontallep sohatta Yesus kanna yerusaalem hirama.
2. amaantet kristaana huss israaelet dahenn kaysisa.
3. huss roomaa olle huss se pakatet metitiraniya kidamishu kapaasha kiyy qallepanno tarpan paldaatta.
matsaafa erkama orr hitaym qalle diknya dikkinnin akaaniya erkama laaffot miilot koddaaddenne awi serkila lashsh hund heniya hin benitseqositsi kidamiyate orr se Yesus kanna anniyyu yerusaaleme kiyy qari irrotan lekkattaaddenne settep lamm matsaafa sed qalle qum it erkamaan lekin akkaatep, laaffot miilot maapar kristaanaatenne sinkiyya adda turi qeeddaayyenne qiqimisaayy uqqari padawin. hitaym kristaanuma olo dehanniyu, kollilaann hawhawi kikkiyyan paana human oriqudiqapam dehaad. erkamaan matsaafa erkama orr hitaym qall kaysaad, hitaym lel Mooha hin iyyaa dakayen, kiyyat orr amaaniyotenne orqudaqapama kristaana ilas irrot ashshann kishshu ikkim qapu akkinnin kida.
hin matsaafa sed qalle kiyy
maanyet kodda dikkisatta 1,1-26
irraxatetanne acacaay Yesus muutasha dayy 1,1-14
nam se por yihuta ili haayam 1,15-26
yerusaalem qalli maanyet kodda 2,1�8,3
yihutaanne samaariyall maanyet kodda 8,4�12,25
nam hitaym koddan erkama bawloos 13,1�28,31
nam hitaym koddan antona turaqatta 13,1�14,28
orqudaqapama yerusaalem kodam 15,1-35
nam hitaym koddan anitona lakkiyya 15,36�18,22
nam hitaym koddan anitona halpattiyya 18,23�21,16
hidana bawloos yerusaalemenne qisariyanne roomaa hidam 21,17�28,31.