lel masmasunt
se yewannis tsaaf
kaalt
iyy matsaaf sed tsaaf, yewannis se soollet Yesus ila ishokku kodd imm saptiyoos kida.
lel masmasunt hin yewannis tsaaf, oot Yesus torriyyu, Yesuset lel Mooha se kiyyat qapu nam koddan otanshaynu qalli akkaad koddaay akkisaas kida; qum matsaaf hin mashshayy akkinniyop, lel masmasunt sed tsaafam, orr hin waarusinniy Yesuset meet Mooha iyy se dinisampayt koddina deyina kidam koddaay ikkim amaaninanessenne iyy amaanaaddu minan kiyyat parpar qafnaattaaddu ikkim ishaakinanes kida (20,31).
hirayta lel masmasunt sed, lel Moohaatenne Yesus shakkanaah koddaaddu kaaltap akkiy kanna, shammotaddaani hawhaw kiyy Yesuset meet Mooha iyy se dinisampayt koddina deyina kidam koddaay akkinniy dehannin; ukannass lamm torraan shammotaddayn ila qunda ashshann kiyy ikkim akkaaden akkinniy dehannin; por hin torriyyu, orr qoj Yesus amaanan iyy kanni antaaddonne, orr shakkan lamm iyy shiittan iyy amaana diittaaddu; haysot 13-17 awaddat se Yesus qapame, yesusenne soolleshayy ollinkinnat qint qafnaattaaddonne rahhamaayy tureesh lel dikkisaattaatenne lel kokkunt iyyaa lelaayy torrin. haysot muutaytadda qara oot qapama yesusettenne horat dehaattaayy, oot rahhamaayyetenne toxt ila sohataayy, settep lamm toxt ila sohatta kanna oot soolleshayy akaattaayy iyaan torriy kida.
yewannis daayy kiyyat parpar se Yesus kristoos kapan akkaanniyyu iyyat qimisan akkinniyyu, daayy hin ammanneesh hiran orr se Yesus paanaanne shaakketanne kiyyat koddaayy qeeddanniyyu daassamayy kida. hin lel masmasunt heka yewannis hawi kinnaytinniy, shaakket se laaffot moohaatin koddit akkisaas, iyaan kollashamenne innu lashmitt inxerkawsanninkinnu iyaanno haq, laaqqot, attummat, shinkayt, helemma, dihot woynetatenne dalot woynetatep kikkiy paahnat kodattayy kida.
hin matsaafa sed qalle kiyy
kaalt 1,1-18
yewannis, ahalisampaytanne soollet turaqata hekat Yesus 1,19-51
Yesus erkamaayy hiraayy 2,1�12,50
yerusaalemenne ukapaash erkamaayas lashsh muutaytaaddu 13, 1-19; 42
toxt ila sohatta poldatenne akkaattayy 20,1-31
kaysila: lakiyaas soolleshayyi kelila akkaattayy 21, 1-25.