bawloosenne parnapaas iqoniyone
14
1 bawloosenne parnapaas sapara iqoniyonete qum iyyaa kollenep man dinkam ayhutaatep aanen;
ullanno siip lek iyyaan orr ayhuta koddenne orr kirik kodd hak amaaninan lel Mooha lelen.
2 lamm orr ayhuta hin amaana diiy ikkim orr amaaniyyu qar hittinninaness orr ayhuta kodda diiy iyyaa qari sohashshiyen.
3 hekoddu male bawloosenne parnapaas huura male lel pold lelan helpa lek ulli oladen.
poldanno lel dikkumaayy se iyyaa leliyyan shaakket koddaayy ufunnaytisaas ishaakanne yeeshuta koda hayyotum iyyaa dayy.
4 siip saparaan qalle kalonno olles paaqen,
pak shokku orr hitaym olle,
pak shokku lamm orr ayhuta olle kinnaad.
5 essete orr ayhuta kodda diiyenne orr ayhutaatenne sinkiyyaaddu olle bawloosenne parnapaas miidaassenne dakan reepa faden makess.
6 helpaan bawloosenne parnapaas qaapaaddu ufunaadene saparaan listsraanne tarpe kidamiya huss liqaoniyaatepanne huss se ukapaash kiyyop feeladen.
7 ullassenno lel masmasunt lelen.
bawloosenne parnapaas saparaan listsiraanne tarpe kidamiyya kiyaataaddu
8 saparaan listsira kidamiya nam hak iyyat dalade hiri lukkeshiyya shoopit lukkan anta ufunaatta diiy kiyy.
9 nam settenno helpaan bawloos ishaamiyyo ullas laiyy qara dakayn;
bawloosenno nam set illissad tooy illo amaantet iyyat indina fottinu qafnaattaayy akk illo,
10 "pahii lukkoottan ellii!"
ikkid nass kaanin illel;
nam settenno full kid erra elli illo anta hir.
11 helpaan siipat hin bawloos erkayy akkene ullupittan,
"moohada nam paahnaad innu kapop lekkad!"
kiden kap liiqaoniyaatin ullupen.
12 parnapaasessenno,
"tiiyaa" kiden;
oot ishaamampayt kaan bawloos kodd maalla,
iyyass,
"hermenb" hekiden hemben.
13 suukitt torpa tiiya hin sapara patin kiyyatenno hormadaanne maranna pulalatenn harrat saparaanettetep dey illo siip olle laaqqa iyyaa dehasa fad.
14 helpaan orr hitaym,
bawloosenne parnapaas lamm sed dakayene heuuqen iyyaa illo uuwawaaddu ipata kakkaaenc otant siip ilop ullupittan feelen.
15 sedepanno iyyaa kiden,
"meeddu siip,
maanaass sedep kodin?
innonno qumaaynep orr;
innu arep dein,
ikkim hinep kiyy qara sekaannintan Mooha se kiyyat daanniyyu moontanne hussanne pakatetanne hin uqqalle kiyy dahenn uum kapop mitaatintani lel masmasunt inn lelaass kida.
16 sapan turate Moohot ikkim siipat dahenn paanaddun anninaness all iyyaa diiyy.
17 lamm erkamaan dikk erkasan Moohot kinnaattayy akkiyy;
roopanno moontalleett inni roopusiyy,
uuntanno inni palhayy,
dama inni dayy mutsuraann masmasuntan innaakiyy."
18 orrhitaym sedep kidaan siipat laaqqaa iyyaa dehasa irrotin dawuren.
19 orr ayhuta lamm antsokiyaashshanne iqoniyoneeshsh ullop deyen siip ikkanni ooriyyen illo bawloos dakan reepen kanna iyyat afa toyep iyyaa kinnaad illo iyyaa saparaalle qerishaap all tishen.
20 hekoddu male helpaan soollet pait iyy pat mantarte hesohad illo iyyaa olle saparaallep kal.
paarreshadde lamm parnapaas olle tarpep aan.
21 bawloosenne parnapaas orr se tarpe kiyyoss lel masmasunt lelen;
siip lekenno soollet koden illo sapara listsiratenne iqoniyon qallin tarpen antsokiya se huss bistiya qalle kiyyop mitaaten.
22 kristaana huss se qalle kiyyonno dahenn ikkim amaanteshaddun qiminan kokkokisaanne korsan,
"daamum Mooha qallep kalaass rakkot lekit qeedattaass innu fadusinnin."
kidaan kolliyen.
23 maapar kristaana dahenessenno qimaayya pahiyen;
damot kapa duupattan Mooha dinkamen illo pold se iyyaa amaaniyan harki haayyen.
24 bisitiyaannenno tarpen illo binfiliyaap aanen.
25 helpaan iyyaa berike lel Mooha kolliyen kanna sapara atsaaliyaatep aanen.
26 sekanna lamm erkamaan hak ammannet iyyaa erkayeness por se iyyaa dikkuma Mooha harki haayamene antsokiyaap konkan mitaaten.
27 iyyaa ulla paiyene maapar kristaanat orqudop qapen illo ashshann ikkim Moohot iyyaa olle kiyaattan hin iyyat erkayy dahenenne ikkim siip ayhuta kodda diiy amaaninan kod iyyaa ishaamen.
28 soollet ollenno helpaan lek oladen.