parnapaasenne saaol lel masmasunt lelaas pahisamen
13
1 maapar kristaana se antsokiya kiyyo himampayyaanne kollisampayya lel Moohaat kiyy;
iyyaanno:
parnapaasenne simoon se ipoor kidamiyyonne lukiyos qeranishshanne minaah kayish herootisa heka peashisampaytatenne saaol kida.
2 helpaan iyyaa pold shoomattaanne dama kapa duupattaalle kiyyane laaffot miilot,
"erkamaan antu maalla iyyaa pahisadess saaolenne parnapaas ani reehaa!"
hekidit.
3 iyyaa illo dama kapa duupaden dinkamaden harkaddu qari qapen qoren illo hayyaden.
parnapaasenne saaol qobiroosep hitamen
4 parnapaasenne saaol sinkum laaffot miilotaten sapara selewqiyaatep aannen;
sekanna konkan utunnat qobiroosep aannen.
5 helpaan iyyaa sapara salaamise paene man dinkam ayhutaatess lel Mooha kolliyen;
yewannis hin marqoos kidamiyyonno iyyaa olle kiyaad iyyaa hesin.
6 helpaan iyyaa utunnat qobiroos se haq ila kishshun tarpen sapara baafote paene ayhutishsh shokku pariyesus kidamiyyu sohaytane himampayt eerpampayt kodd akken.
7 iyyat peashisampayt shokku sarkiyos bawloos kidamiyyu qalliqaapatta qapu olle kiyy.
oot peashisampayt hin lel Mooha dakaya fad maalla,
parnapaasenne bawloos hembusiyy.
8 hekoddu male pariyesus sohayt hin kap kiriketatin mahhaayy "elimaas" kidamiyyu ikkim peashisampayt hin amaana diinninu fadaann parnapaasenne saaol shiitt.
9 saaol hin bawloos kidamiyyu lamm laaffot miilotann innaakod nam se illissad tooy illo,
10 "yem meet taapiloos,
hed se tsillot dahenn hittinniyyu,
malmatilaanne nayqunt dahenn hed qall innaakit,
paana pold se pah kellisa qara mitaatt kidaawu!
11 toare ammann hark poldat hed dawina;
att indamala koddint;
helpa qojess amm attummat lashsh akkihhintamu."
ikkid.
esseteeh qayanqayyanne poorinnat il qaft;
iyyat nam iyy hark qapinu ikapaash fadatta hir.
12 helpaan peashisampayt hinett iyaan kodd akke,
kollilla oot poldatenn heshammad illo amaan.
parnapaasenne bawloos antsokiya se bistiyaa kishshop aannen
13 bawloosenne kataayy konkaalless qaaen baafo sohaden sapara berik se heka binfiliya koddiyyap aanen;
yewannis se marqoos kidamiyyu lamm iyyaa ketta reehad illo yerusaalemep mitaat.
14 iyyaa lamm berike sohaden antsokiya se bistiyaalle kiyyop aannen;
lashsh sampata ayhutaate man dinkam ayhutaatep kalen qaaiyen.
15 helpaan matsaafadda halittatenne heka himampayya waarusisamen kanna kaadayya man dinkam sett,
"kafoot,
lel korsana iyy mutsura siip kokkinninu et qafnaattane lelaa!"
hekiden kerra bawloos kapop nam hiten.
16 bawloos illo erri ell siip harkayyin akkiyy illo sedep kid ishaam,
"siip israaeletatenne inn iyyaan Mooha huuriyy dakayaa!
17 Mooha siipaaynu heka israaelet hin turaqatta appadaannu pahisad;
helpaan iyyaa huss kiptsete keessummum kiyyane siip leki iyyaa kod;
irroshayy se kaantennenno huss sette sohashiyy.
18 par hund afur pahatoss lak patpatt kiyyu qalli iyyaa duupadb.
19 huss kenean qalle daamum tapp all patiyy illo ikkim iyyaa hussaaddu tayinan kod.
20 sekanna par tseet afurenne hund henep kiyyoss chak himampayt samueletess maakamaan iyyaa tur qeeddina idday.
21 "ukanna lamm ikkim Daam iyyaa daamuminninos Mooha dinkamaden;
moohaanno mayt piiniyaam ila saaol se meet qiis kodd par hund afuri Daam iyyaa kod.
22 helpaan iyyat saaol qara daamum all qeedd kanna taawit iyyaa daamumisiyy;
maanyetum Moohot oot taawit leliyyu,
'iiy qum mutsuraawoti ani koddinu hasaawonno dahenn kaysinninu imm issey taawitin akkad.
' hekidn.
23 irraxatet se Moohot iddayy qarass hotta nam sed ila Yesus dinisampayt israaelet sohashiyy.
24 Yesus deyaayy tureesh yewannis siip israaelet dahennes juppot qara mitaataanne ahalsama lel.
25 helpaan yewannis erkamaayy kaysinniyyo,
'aynu ani kidin?
amm antu se inn lushannishanemu;
hekoddu male toare iyy antu sur hopooyy naf furisa kaya diiy hepil an kannaashsh deyin.
' hekid.
26 "inn iyyaan mayt apiraam ila dalad kafaawonne inn iyyaan orr pild ila Mooha huuriyy!
hitaym hin heka dina innos hitam.
27 siip yerusaaleme kallaanniyyonne kaadayyaaddu Yesus dinisampayt koddaayy amm heufunaadenemu;
matsaafaddaan sampata mitt waarusisamiyy immashshi oorsatta diittaaddonn horat qari quuraann him se himam iyy qari kaysiyyen.
28 iyaan toxt qarin iyyin paina naf qari akkaatta male ikkim bilaatsoos all iyy ikanninu kaassaden.
29 helpaan iyyaa hin ootaayy tsaafam dahenn iyy qari kaysiyyen kanna masqalet qara lekkiyen mooken.
30 lamm Moohot toxt ila sohashshiyy.
31 iyyat illo orr se kelilaashsh yerusaalemep iyy olle deyess lashsh lekit akkaad.
iyyaanno ammann siip israaelet dahenn turass maanyeshayy kida.
32 innonno lel masmasunt se Moohot appadaannu irraxatet dayyennin inn kapop dein.
33 Moohot Yesus toxt ila sohashshisaann irraxaatet sett innu meddaaddu kaysiyy.
sedenno qum it laalet lakkiyya qara,
'att meetaawu,
antu awwin hed haay;'
'qoran miili amaanam
taawites irraxatet daassamin inni daannina'
hekid lel.
35 lamm laalet pilt qarass,
'miilampaytaatt ikkim murqinu amm poossaalli diinnihhintamu.'
qum appadaayyatep mookam illo murq.
37 hin Moohot toxt ila sohashshiyy lamm amm murqana heakkemu.
38 semmaalla kafoot,
diissima juppot Yesus kapin koddaay inni lelamaayy ufunaadaa;
39 nam iyy amaaniyyu dahenn tsillum halitt muus daatta fotta diinniyyu iyy kapin akkannina.
40 semmaalla lel hin himampayya sedep kiden lelen inn qari paxa tura ittooyadaa.
41 'inn iyyaan tuffanniyy tooyaa!
yeeshaa!
all pataa!
aynonno et inni ishaamo
erkamaan inn amaana diinnintannin sapanaayn qalli erkannina."
42 bawloosenne parnapaas man dinkamate sohanniyyane ikkim sampata se deyiyyo qaraoorinan hitaym sed iyyaa lelinanes orr hin iyyaa dinkamaden.
43 helpaan orr hin orqud qapam purjaajene orr kaf ayhuta koddenne orr amaantet ayhuta ilop kal Mooha amaaniyy iyyaan lek bawloosenne parnapaas kannas sohaden;
iyyaa illo ikkim dikkuma moohaatin qiminan kallaanninan iyyaa qaapusiyyen.
44 sampata lakkiyaate siip saparaanett dahenn lel Mooha dakaya orquda qapamen.
45 orr ayhuta lamm helpaan iyyaa lekussa siip akkenekules maxashanumann innaakoden ishaamaayy shiittan bawloos oten.
46 bawloosenne parnapaas lamm huura male sedep kiden,
"lel Mooha turaqatta inni lela fadusinnin;
et inn amm henhiinnamu kidan kiyyat parpar ikkim inni fadusisa diinnishshu iqqari quurtene,
innu lamm siip pil kapopin anninna.
47 innu sedep kodinnu,
oot poldat,
''ikkim hak muutayta hussat dinan deyintossin siip husslahat attumat hed kod;"
kid innu acac maalla kida.
48 helpaan siip ayhuta kodda diiy ishaamaayy dakayene hemasmasen illo lel pold serkiyyen;
orr kiyyat parparat pahisamenno dahenn amaanen.
49 lel poldatenno huss se dahenn qalless paldaattan aan.
50 sinkiyya ayhuta lamm ikkim iskatt shoroht kodd Mooha huuriyanne orr kakkaan saparaan qalle kiyy bawloosenne parnapaas qari rakkotin deynaness kodosiyen;
iyyaa illo hussaaddu qalle iyyaa kann ariyen.
51 semmaalla bawloosenne parnapaasenno tsura hussaaddot lukkooddu pata all iyyaa hissisen illo sapara iqoniyonetep aanen.
52 soolletanno masmasuntanne laaffot miilotin innaakoden.