saaol kristoos amaan
(erka. 22,6-16; 26,12-18)
9
1 essete saaol soollet pold all rawisaass miishshan suuka suukamma Mooha kapop aan.
2 orr paana yesusin anniy diiddaanne iskattanno qapa hida yerusaalemep indeya manna dinkam ayhuta hin sapara tamasqote kiyyap taptaapawa qara kaassad.
3 iyyat anniyyu tamasqo paisa dehaade uilaxash moontalleett attumat iyy kapaash haahisa haahitt.
4 iyyat hussalli sunke,
nass,
"saaol,
saaol,
maanaass an rakkusinnin?"
kidiyyu dakaysamaad.
5 saaol illo,
"polda!
att ayno?"
kid;
iyyanno,
"antu Yesus,
se att an miidishshu;a
6 ammann sohadu illo saparaallep aanii;
iyaan att erkannintu ullass hedi lelaminane."
ikkid.
7 orr se iyy olle anniyonno nass dakaytete,
oot iyyaa nam akka diiyen maalla,
ishaama male rui kiden ulli ellen.
8 helpaan saaol por se iyyat ulli sunke sohanniyyu lak tooyiyyo amm lak akka hefottemu;
semmaalla orr iyy kapa kiyyu iyy hark qapen sapara tamasqotep inxaanen.
9 iyyanno lak akka male lashsh halpatt kaysiyy;
damaanne uka malenno olad.
10 tamasqo nam hanaaniya kidamiyyu soollishsh Yesus kodd kiyy,
poldanno raaetin iyy akaad illo,
"hanaaniya" kid hemb.
iyyat illo,
"yee!
polda,
aren kiyy" kid.
11 poldat lamm,
"sohadu paana se iyy pah kidamiyyu kapa man yihutaatep aanii;
ulla tsarsesishsh saaol kidamiyyu kann fadii!
toare ammann iyyat dinkam qara kiyy".
ikkid.
12 saaolenno ikkim indaayy qar oora akka fottinaness nam hanaaniy kidamiyyu deyy harkayy qari qapiyo raaetin akk.
13 hanaaniyanno hemitaattiyy illo,
"polda,
nam hin orraayt hin yerusaaleme kallaanniy qari nayqunt lekit erkasaayy orr lek kapan dakay.
14 arenno ikkim orr se mahhaayt hembiy dahenn hidinos hayyotum kaadayya suukamma kapa qeeddad."
he kid immitaattiyy.
15 lamm poldanno hanaaniyass kide,
"oot nam hin iyy siip ayhuta kodda diiyyenne daamadaaddonne siip israaelet turi mahhaawu ufunaytinninu,
mehadaawu iyaan pahisam kodd maalla,
iyy kapop aanii.
16 rakkot ashshann kishshu ikkim iyyat mahhaawu maalla qeeddanninu antu iissin ufunaytinnina."
17 semmaalla,
hanaaniy man settep aan tallop luum harkayy qar qap illo,
"kafittoot saaol,
helpaan att paanaalle deyishsho Yesus pold hin hed akkaad ikkim qaroora akkan akka fottintu illo laaffot miilotannenno innaakoonintoss hed kapop an hit."
he ikid.
18 esseteeh iyaan qoaap kiyy indayy qara pexen,
iyyat illo akka fott;
sohad illo ahalisam.
19 damaanno dam qim;
sapara tamaasqotessenno soollet se ulla kishshu olle helpaan qoji olad.
20 lamm esseteeh,
"Yesuset meet Moohaat" kidan mannaa dinkam ayhuta talla mimmitaatan ishaama hir.
21 orr dakayenno dahenn,
"nam hin yerusaalem qalle orr mahh sed hembiyyu iyy all patinniyu inhinemu?
iyyat arepanno dey,
orr se Yesus amaaniyyu hidan kaadayya suukammaat dehasaassipa?"
kidaan shammannin kida.
22 lamm saaol lel masmasunt lelaann qiman aan;
matsaafa miilot qalle lel maanyetum dehassaanenno Yesuset kristoos koddaayy akkisan orr ayhuta hin tamaasqo kallaanniy akkan iyyaa ishaaminan dapsis.
23 helpaan lek kanna orr ayhuta saaol ikasaass suladen.
24 iyyat lamm sulashaddu ishshaak;
iyyaanno iyy ikasaass harrat saparaanet dahenn awaddanne kallap lushin.
25 soolleshiyy lamm awadd saaol shaarall haayen illo filta ohint ilan lekkiyen tarpiyen.
saaol yerusaalemep aan
26 helpaan saaol yerusaaleme pae soollet se ulla kishshu olle kinnaattaass ekkayy;
oot orr hin kristoos amaanaayy ishaaka diiyen maalla,
dahenn iyy tura huuren.
27 lamm parnapaas iyyass hes,
orr hitaym kappop inxaan illo ashshann ikkim poldat paanaalli iyy akkaad iyy olle ishaamenne iyyat tamaasqosenno huura male mahh yesusin kolliyy iyyaa lel.
28 saaolenno yerusaalem qall iyyaa olle mimmitaatete huura male mahh (hayyotum) poldatin kolliyy.
29 orr ayhuta hin kap kiriket ishaamiy olle orishiittan ishaamin;
iyyaa lamm iyy ikasa fadin.
30 helpaan kafat sed ufunaadene qisaariyaap inxaanen illo tsarsesep hayyaden.
31 maaparadda kristaana hin samaariyaanne kelilanne yihutalle kiyy dahenn andot akkaden qimien;
pold huuran kallaattaanne laaffot miilotatin kokkunt akkattan dihaassaaddonno lekan aanen.
betsiroos litaane iyoobep aan
32 helpaan betsiroos huss hussall mimmitaatiyyo orr Mooha hin paat se lita kidamiyyu kallaanniy kapop aan.
33 ulla lamm nam muluhluh eniya kidamiyyu par lakkushet afandaalli olad akk.
34 illo,
"eniya,
Yesus kristoos hed dininnina;
hay illo afandoot maradu!"
ikkid.
iyyat illo esseteeh erri elli.
35 orr litaanne nakul sarona qalle kallaanniyonno dahenn iyy akken illo por poldatep mitaaten.
36 sapara iyoob qalle soollishshet tsaapit kidamishu kiyy;
mahhaadd kap kirikketatenn torq kidamin;
torq kidot firrot kida.
itanno iyaan dikk erkasaanne iyaan hiyayya fadusinniy daatta hoixsaannin.
37 essete it hebaaqit illo toxt;
iyyaa dakinshadd jiqen illo faattalli haayen.
38 oot litat iyoob kapa por deha koddit maalla,
soollet hin ulla kishshu betsiroos lita kinnaattaayy dakayen illo,
"tonhedess olatta male innu qara paii!"
kiden nam lakk ihhiten.
39 betsiroosenno orr se iyy mina aan olle dey;
helpaan iyyat ulla pae,
faattalle por se it ulla kishshop inxaanen;
inkawaan irishadaaddu qaran raawenenno dahenn betsiroos kapass ellen pooyin uuwawaan it iyyaa olle kishsho dawatt iyy akkinnin.
40 betsiroos lamm dahenn altaat iyyaa sohashiyy illo kilpan qullad Mooha dinkamad;
por pukka settetepanno mitaat illo "tsaapita!
hay!"
ikkid;
itanno lak tooyt betsiroos akkit illo errop hayt ulli laitt.
41 iyyanno harkaadd min qap erri ellashiyy;
inkawaan irishadaadu qaran raawenenne orr Mooha hepilanno hemb,
it kiyyatin kishshu iyyaa turi ellashiyy.
42 hin lamm sapara iyoob dahenn qalless dakaysamaaden illo siip lek pold amaanen.
43 betsiroosenno iyoobe man qool kooshampayt se simoon kidamiyoti helpa lek olad.