dalatta Yesus
(mati. 1,18-25)
2
1 helpaanette nam huss daamum rooma qalle kallaanniyyu dahenn ikkim dihaminoss Daam,
awkestoos kidamiyyu kapa eeshshantot sohad.
2 dihaassa hin heka siip hiraymi kodamene qereniyos huss soriya qalle peashshisampayt kida.
3 semmaalla namat mashshmashshayyess huss dalashotayyetep annin tsaafamin.
4 oot yoosef hotta taawit ila kodd maalla,
haft kelilaate sapara nasireet qalle sohad illo haft yihutaate sapara taawite petelehemep aan.
5 iyyat aan,
inant se iyyat rapad maariyaam kidamishshu,
qommotin kishshu olle kida.
6 iyyaa sapara petelehemete kiyyane,
maariyaamess helpa haayadet paiy.
7 it illo immaadd qart haayt;
uuwaat anfaanatin patmart illo por se horet uqqalle oyh damishshu qalli peashitt.
settenno oot iyyaa por keessumot ulli haysanniyyo por dapen maalla kida.
hitaymiyya Moohaatenne shinkama
8 huss sette shinkama awwadda heelt helemma shikinniyu qershaalleet peanniyu kiyy.
9 hitaymishsh moohaatenno iyyaa akkaad;
attumat serka moohaatenno iyyaa kapanhaash attumayy;
iyyaa illo ikkaan huuren.
10 hitaymishsh Mooha lamm asset iyyaa kid,
"huura diiyyaa!
ishaama dikk siip dahenness masmasunt kaant koddinannin inni deye;
11 aww sapara taawit qalless dinnsampayt inni dalad,
iyyanno kristoosa pold kida.
12 iyyaan ishaak inni kodden,
meddaan uuwwat anfaanatin patmaram por se horet oyh uqqalle damishshu qalli pead akkintan."
13 esseteeh hitaymiyya Mooha iyyaan lek hitaymishsh se olle akkaaden.
Mooha aypisattannenno,
14 "moontall serka Mooha koddenii!
husslah qara orr se Moohot hoxsaanniyossenno dahenn andot kodditu!"
kiden.
15 helpaan hitaymiyya iyyaa kapa reehaden moontallep sohadenekuless,
shinkamot asset kiden ollin ishaamaden,
"hoyanku innu petelehemep annu;
hin ammann koddene iyaan Moohot innu ufunaytiyy tooynu" olli kiden.
16 hoshann aanen illo maariyaamenne yoosef akken.
meetanno por se horet uqqalle oyh damishshu qalless pead iyyaa akken.
17 helpaan iyyaa meet se akkenekuless,
iyaan hitaymishsh oot meet settet iyyaa lel ishaamen.
18 orr ishaamaan shinkamot ishaam dakayenno dahenn shammaden.
19 maariyaamet lamm hin dahenn mutsuroodd qalli qapattann qall adannin kida.
20 shinkamot qum hitaymishsh iyyaa lelep heikk kodden iyy akken dakayen maalla,
Mooha serkisaanne,
aypisattaann poraddop qalleshsh mitaaten.
meet settenn man miilotatep antaaddu
21 lashsh lakkushiyaate helpaan meet hin karrasamiyyo,
mahhayy "Yesus" kidam.
mahh settenno mahh iyyat pisama tureeshsh hitaymishsh iyy qari kodd kida.
22 qum halitt muuseti helpa miilawaaddu paene maariyaamenne yoosef meet sett Mooha,
pold turop dehasaass yerusaalemep aanen.
23 sedenno halitt pold qarass,
" imm turaqatta dalad dahenn iyy Mooha reehham daassam koddina" qum it kidant tsaafantep kida.
24 lamm qum it halitt pold qara,
"arikal lakk shoke medda elela lakk" kidantep laaqqa dehasaass kida.
25 helpaanette sapara yerusaalem qalle nam simoon kidamiyyu kiyy;
iyyanno tsillampayt Mooha huuriyyu,
irraxatet dina israaelet lushanniyyu,
nam laaffot miilot qara kishshu kida.
26 iyyat kristoos heka Mooha,
pold akka male ikkim toya diinninoss laaffot miilot iyyi ufunaytitt.
27 awsette laaffot miilot iyy sohashitt illo iyyat man miilotatep aan.
helpaan yoosefenne maariyaam serkila tampet sett kaysisa meet settin man miilotatep kalene,
28 simoonet meet sett iketti qap illo aypila Mooha daattan ass kid,
29 "polda!
toare lel irraxatet att an daatt hekaysaatt to;
sedeeshsh ammann an ayleshayt andotin hayyadu;
30 dinilaatt indaawonn henxakke;
31 settenno dina att siip dahenn turi dikkitt kida;
32 iyyat siip ayhuta kodda diiy dahenness attumat shaakket ufunaytinnishshu koddina;
siipayt israaeletassenno serka kida."
33 yoosefenne maariyaam oot meet settetess hin kidamenn dahenn shammattaalle kiyyan.
34 simoon iyyaa qor;
maariyaam inkot meetatessenno sedep kid,
"toare meet hin huss israaelet qalle orr lekess,
minin pataass koddina;
lamm orr lekess minin dinaass koddina;
iyyanno ishaak orr lek qeeddatta diinniyyu koddina.
35 sedenn qaap mutsura orr lek qalli dekad qar pulamina;
pillaw dappetatenno mutsuraatt qall kaaina tarpina."
36 settep lamm himampaytet hotta aser ila koddit inant fanuell haanna kidamishshu kiyy.
itanno heaatunt par tapp iyyaa ollin kallaaden kanna irishshaadd qarin toy;
it sekanna aatuma male qimaayunt.
37 lamm hak paraadd hund laklushetann afur koddinoss man miilot talla reehatta male dama kapa dupattaanne dinkamin awwaddanne kallap Mooha erkannin.
38 helpaanette itanno hedeitt pold aypisatta hirt;
oot meet settetenno orr se irraxatet dina yerusaalam lushanniyyoss dahenn lelin kida.
nasiretep qaraashsh mitaata
39 helpaan iyyaa serka tampet acac dahenn kaysiyyen kanna nasirat saparaadhdhu hin iyyaa huss kelila qalle uaaqlli kallaanniyanep mitaaten.
40 meetanno dakintin kaanaanne qima hir;
iyy ufunaatin innaakood kodd.
qoran moohaatenno iyy olle kiyy.
Yesus man miilotate
41 yoosefenne maariyaam parpar kapa serkila orr ayhuta hin faasika kidamiyy serkisaass yerusaalemep annin.
42 helpaan Yesus par hundan lakk kaysiyye,
qum iyyaa turin kollenep serkila faasikatess aanen.
43 serkila faasika sett kaysaaden kanna helpaan iyyaa manaddop mitaatiyyane,
yesusett yerusaalemess iyyaa kanna hatt;
yoosefenne maariyaam lamm ulli iyyaa kanna hattaayy amm heufunaadenemu.
44 afa orr paana olle anniyop iyyaa kinnaad illo iyyaa paana lashsh shakk aanen kanna kafaddaaddonne kattooddu kapa fada hiren.
45 hekoddu male oot iyyaa iyy akka diiyen maalla,
fadetann yerusaalemep mitaaten.
46 lashsh halpatt kanna man miilot talla iyy akken.
ullanno otant orr ufunat qapu ila iyyat laddiy iyyaa qara dakayiyyu kaassiyyanno iyyaa qara kaasanniyyo akken.
47 orr iyy akk dahenn qall adattayyenne oorilaan iyyat oorinniyonn shammattaalle kiyyan.
48 yoosefenne maariyaam helpaan iyyaa man miilot talla iyy akkenekuless,
heshammaden illo inkoshiyy,
"meetot kat maanaass ass innu kodit?
ananne appaayt jarahrahannin hed fadaalle kinn ukkul?"
ikkidit.
49 iyyat illo,
"maana maalla an fadin?
antu man appaawoti kallaatta ikkim an fadusinniyyu inxuftanemu?"
iyyaa kidi.
50 iyyaa lamm iyaan iyyat ishaam qall amm heqaapadenemu.