lel masmasunt
se marqoos tsaaf
kaalt
lel masmasunt heka marqoos "hin lel masmasunt heka meet Mooha heka yesuus kristoosess hirayta." kidaann sohaninn. lel masamasunt sed ila Yesuset nam erkamatenne iyy hayyotum qapu koddaann dehaad. hayyotumayyenno kollilayyannenne irrot se iyyat qayy qari qaponne juppot nam allhattu kidaayyenn akkiyy. Yesus, "iyy orr aylum juppot kela patt sohashisan kiyyataw qaxama orrat koda daatta dey meet nam an" kidaann mashshayy ishaam.
marqoos torroot Yesus dehayy, patpahisanne paana irrootin innnaakkooden kida. iyyat qari qimenno, lel yesusenne kollilaayy qari kodda male, erkamaani nam shamusinniy iyyat erkay qarass kida. oot torroot ahalisampayt heka yewannisetenne oot ahalisamanne ekkawsama Yesus hummaiyy tsaaf. oot kollila yesusetenne oot erkama dinisaayyet qall paldasan lelin. helpa kanna orr hin Yesus kanni anniy oot Yesus se turin iyyaa upan qaran tawnisa ufnaattan anniyyane, orr hin Yesus qar hittinniyyu qara tawnisaann iyy qar hittisan aanen. haysotawa hin kann ooriy oot akkaana se tappa muutaytate kinnat ili Yesus kodd, setteno oot rahhamaatenne oot toxta ila haya hin torriy kida.
muutasha lel masmasunt sed qara qootan lakk hin ohint talli haayam matsafadda karaddu qaraah kiyy kida.
hin matsaafa sed qalle kiyy
hirayta lel masmasuntat (1,1-13)
Yesus erkamaayy kalila hirataayy (1,14�9,50)
yerusaaleme erkasaayy (10,1-52)
yerusaalemenne ukkapaash tappa muutaytaate (11,1�15,47)
toxt ila sohatta heka pold (16,1-8)
pold hin toxt ila sohad akkaattaayyennenne moontallep sohattaayy (16,9-20)