Lel masmasunt
Se Matiyoos tsaaf
Kaalt
Lel masmasunt hin Matiyoos tsaaf ishaamiyyu, Yesuset dinsampayt irraxatet dexemayy turaqatta lelamen koddaayyenne, Moohot kaka ololayyan lel irraxatet se iyyat dayy iyyann kaysisaayy kida. Lel masmasunt sedetenno orr ayhuta hin Yesus otanshaddu ila dalad, kammesseeh kodda male, nam husslah qara kiyyu dahenn koddaayy kida.
Lel masmasunt heka Matiyoos matsaafa helilan dikkisam kida; dalata Yesusen hirin illo ahalisamaayyenne ekkawusamaayy ishaamin. Lamm kollilaan iyyat keliila kolliyenne erkama dinilaayya dehannin kida. Ukkanna lamm antona Yesus hin iyyat kelilaash yerusaalemep aanene husslah qara sapan se iyyat olade muutayta qalle oot hin koddamet torrin; Settenno oot rahhamaayyetenne, toishayyenne, toxt ila sohattaayy orqudop qapin.
Lel masmasunt sed, Yesuset iyy halitt Mooha erkama qara nakasa hayyotum qaponne kollisampayt kaan, iyy oot daamum Mooha kollinniyyu ikkim koddess torrin. Kollilayyanno henes qalqootamin:
1. Kollila utet qara hin kiyyat orr daamum Moohaatenne, qaapanne, iyaan iyyaa fadusinniyanne, iyaan iyyaa qara fadamiyanne, aw muutaytaate iyaan iyyaa daadsam se ufunaytinnishu, (haysot 5-7).
2. Helpaan soolleshiyy hundann lakk lel Mooha kollisa hitamenne halitt iyyaa daassam, (haysot 10).
3. Pahanataddaan hawhawa kikkiya oot daamum Mooha torriyy, (haysot 13).
4. Kollila furila soolletum kollinniya, (haysot 18).
5. Kollilaan oot kaysaatta sapan amaanetenne oot dexema daamum Mooha torriyy, (haysot 24-25).
Hin matsaafa sed qalle kiyy
Hotta, maytanne dalatta Yesus kristoos 1,1-2,23
Erkama Yewannis ahalisampayt 3,1-12
Ahalisamaanne ekkawusama Yesus 3,13-4,11
Yesus erkamaayya kelila hiraayy 4,12-18,35
Kelilaashsh Yerusaalemep antaayy 19,1-20,34
Yerusaalemenne ukapeesh tapp muutayta qalle hin kodd 21,1-27,66
Toxt ila sohattaanne akkaatta poldaaynu 28,1-20