Lel masmasunt
Se Matiyoos tsaaf
Hittin dalashot Yesus
(Luqaa. 3,23-38)
1
1 Hin hittin dalashot Yesus kristoos se meet taawit heka aprihaam koddet kida.
2 Aprihaam isaaq haay;
isaaq yayqoop haay;
yayqoop yihutaanne ankasaddaayyanne insharaddaayy haay;
3 yihutot dakusot timaar kidamishshu qara faaresenne saar haay;
faares hesiron haay;
hesiron aram haay;
4 aram aminataap haay;
aminataap naxason haay;
naxason salamon haay;
5 salamon dakusot raxap kidamishshu qara poes haay;
poes ruutt qara iyopet haay;
iyopet isseyy haay;
6 isseyy taawit Daam haay;
taawit daamanno haypaat ooriyu qara salamon haay;
7 salamon roopxam haay;
roopxam appiiya haay;
appiiya asaaf haay;
8 asaaf iyoosafets haay;
iyoosafets iyooraam haay;
iyooraam osiyaan haay;
9 osiyaan iyoataam haay;
iyoataam akaas haay;
akaas hisqiyaas haay;
10 hisqiyaas minaas haay;
minaas amots haay;
amots iyosiyaas haay;
11 Helpaan siip israaelet paapiloonep poojamen aanene,
iyosiyaas ikoniyaanenne insharaddaayy haay.
12 Papiloonep poojama kanna ikoniyaan salatiyaal haay;
salatiyaal serupaapel haay;
13 serupaapel apiyut haay;
apiyut eliyaaqem haay;
eliyaaqem asoor haay;
14 asoor saatoq haay;
saatoq akim haay;
akim eliyut haay;
15 eliyut alaasaar haay;
alaasaar maataan haay;
maataan yayqoop haay;
16 yayqoop yoosef haay.
yoosefet se maariyaam qeedd kida.
maariyaamenno Yesus se kristoosa kidamiyyu haayt.
17 semmaalla aprihaameeshsh hak taawitess dalashot hundann afur,
taawiteeshsh hak papiloonep poojamatess dalashot hundann afur,
papiloonep poojamaashsh hak kristoosess dalashot hundann afur kida.
dalatta Yesus kristoos
(Luqaa. 2,1-7)
18 Dalatta Yesus kristoos sedep kiyy,
helpaan inkot Yesus maariyaam yoosefi rapante,
iyyaa orqeedda male it laaffot miilotin medda kodatt akkaatt.
19 hin it rapadd yoosefet oot iyyat nam dikk kodd maalla,
nam turop qeedda male deketin maariyaam alldiitta qaapad.
20 helpaan iyyat sed qaapattalle kiyyo hitaymishsh Mooha ommotann iyyi akkaad illo ass iyyi kid,
"meet taawit yoosefe!
maariyaam hin att rapatt oot it laaffot miilotin qoommaatt maalla,
manaaytep it qeeddatta huura diiyii.
21 it imm haayinta;
oot iyyat siipayy jupposhaddu ila dininninu maalla,
mahhayyess Yesus kidinta."
22 hin dahenn kodden,
lel se poldat himampayt kapin sedep kid lel ikkim kaysaanninoss kida,
23 "toare,
inant issin kishshu qommaannint;
imm haayint;
mahhayyenno 'amaanuel' kidamina hembamina."
amaanuel kidot "Moohot innu olle kiyy kida"